كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

ەۋرو-2020: قازاقستان قۇراماسى كيپردى جەڭە الا ما


ءتۇرى: قازاقپارات جاڭالىقتارى

ۋاقىتى: 09:30 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - بۇگىن فۋتبولدان 2020 جىلعى ەۋروپا چەمپيوناتىنىڭ ىرىكتەۋ ساتىسىنداعى 7-تۋر ويىندارى وتەدى. دوپ دوداسىندا I توبىندا سىنعا ءتۇسىپ جاتقان قازاقستان قۇراماسى ءوز الاڭىندا كيپردى قابىلدايدى، دەپ حابارلايدى قازاقپارات ءتىلشىسى.

قازاقستاندىق فۋتبولشىلار كيپر قۇراماسىمەن 6 قىركۇيەكتە ءبىر مارتە كەزدەسىپ ۇلگەردى. بۇل ويىندا قوس قۇراما 1:1 ەسەبىنە قاناعات ءبىلدىرىپ تارقاستى. كەزدەسۋ بارىسىندا قازاقستاندىق شابۋىلشى الەكسەي ششەتكين 2-مينۋتتا ەسەپ اشتى. وعان كيپر شابۋىلشىسى پيەروس سوتيريۋ 40-مينۋتتا ءبىر گولمەن جاۋاپ قايىردى. ايتا كەتەرلىگى، بۇعان دەيىن قۇرامالار ەكى مارتە جولداستىق كەزدەسۋ وتكىزدى. ەكى ويىندا دا كيپرلىكتەر جەڭىسكە جەتكەن بولاتىن.

ەسكە سالا كەتەيىك، قازاقستاندىق فۋتبولشىلار اتالمىش قارسىلاسىمەن بۇعان دەيىن سىرت الاڭدا كەزدەسكەن ەدى. بۇگىنگى ويىندا قوس قۇراما قازاقستاندا تۇڭعىش مارتە جاسىل الاڭعا شىعادى.

قازاقستاندىق قۇراما ەۋروپا چەمپيوناتىنىڭ ىرىكتەۋ ساتىسىن ءساتتى باستادى. العاشقى ويىندا ءوز الاڭىندا شوتلانديانى 3:0 ەسەبىمەن تىزە بۇكتىردى. ودان كەيىن رەسەيگە 0:4 ەسەبىمەن جول بەردى. كەلەسى كەزدەسۋدە بەلگياعا سىرت الاڭدا 0:3 ەسەبىمەن ەسە جىبەرىپ، سوسىن ەلوردادا سان-مارينودان 4:0 ەسەبىمەن باسىم ءتۇستى. بەسىنشى كەزدەسۋىندە سىرت الاڭدا كيپرمەن 1:1 ەسەبىمەن تەڭ تۇسسە، رەسەيگە سوڭعى مينۋتتاردا 0:1 ەسەبىمەن جول بەرىپ قويدى.

ال كيپر الدىمەن سان-مارينونى 5:0 ەسەبىمەن جەڭسە، سوسىن بەلگياعا 0:2 ەسەبىمەن جەڭىلىپ قالدى. بۇدان كەيىن سىرت الاڭدا شوتلاندياعا 1:2، رەسەيگە 0:1 ەسەبىمەن جول بەردى. قازاقستانمەن تەڭ ويىننان كەيىن سىرت الاڭدا سان-مارينونى 4:0 ەسەبىمەن جەڭىپ قايتتى.

ايتا كەتەرلىگى، ەكى قۇرامانىڭ ەنشىسىندە ءقازىر جەتى-جەتىدەن ۇپاي بار. ماماندار بۇگىنگى كەزدەسۋدە قاي قۇراما جەڭىسكە جەتسە سول قۇرامانىڭ ءۇشىنشى ورىن الۋ مۇمكىندىگى زور ەكەنىن ايتادى. جالپى، ءۇشىنشى ورىننان ولاردان باسقا شوتلانديا قۇراماسى دا ۇمىتكەر ەكەنىن ايتا كەتكەنىمىز ارتىق بولماس.

بۇگىندە كيپر قۇراماسىنا يزرايلدىك مامان ران بەن-شيمون جەتەكشىلىك ەتەدى. ول قۇراماعا 2017 جىلدان بەرى جەتەكشىلىك جاساپ كەلەدى. ول قازاقستانمەن كەزدەسۋدە ءوز شاكىرتتەرى بارىن سالاتىنىن جەتكىزىپ وتىر. قوس قۇرامانىڭ دەڭگەيى بىردەي ەكەنىن مويىنداعان ول بۇگىنگى كەزدەسۋدە شاكىرتتەرىنىڭ جەڭىسكە جەتۋ جولىن ىزدەيتىنىن ايتادى.

قازاقستان قۇراماسىنىڭ باس باپكەرى ميحال بيلەك تە قارسىلاسىنا ەسە جىبەرمەۋگە نازار اۋداراتىنىن تىلگە تيەك ەتتى. بۇدان بۇرىنعى ويىنداردا جاسىل الاڭعا قۇرامعا ءبىرقاتار وزگەرتۋ ەنگىزگەن چەح مامانى ءۇش ۇپاي ولجالاۋ باستى ماقسات ەكەنىنە توقتالىپ ءوتتى. الداعى ويىنداردا قازاقستاندىق قۇرامانىڭ ۇپاي قورىن تولىقتىرۋعا مۇمكىندىك مول. ونىڭ شاكىرتتەرى 13 قازاندا ەلوردادا بەلگيانى قابىلداعاننان كەيىن سىرت الاڭدا 16 قاراشادا سان-مارينومەن كەزدەسسە، ىرىكتەۋ ساتىسىن 19 قاراشاداعى شوتلانديا قۇراماسىمەن كەزدەسۋىمەن تۇيىندەيدى.

قازاقستان جانە كيپر قۇرامالارى اراسىنداعى كەزدەسۋ بۇگىن ەلورداداعى «استانا-ارەنا» ستاديونىندا نۇر-سۇلتان ۋاقىتىمەن 20.00-دە باستالادى. ويىن QazSport تەلەارناسىنان تىكەلەي ەفيردە كورسەتىلەدى.

سونداي-اق، بۇگىن I توبىندا رەسەي مەن شوتلانديا، بەلگيا مەن سان-مارينو ويىندارى وتەدى. ال 13 قازاندا قازاقستان مەن بەلگيا كەزدەسسە، كيپر مەن رەسەي، شوتلانديا مەن سان-مارينو شەبەرلىك بايقاسادى.


كەلۋ قاينارى: http://www.elarna.net/koru.php?tur=3&id=1057987

پىكىرلەر:

juz dep sifirmen jazingiz.