كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

中国哈萨克语广播网


ءتۇرى: جۇڭگو قازاق راديو تورابى

ۋاقىتى: 03:30 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
اۋەلگى كەلۋ قاينارى: http://www.kazakcnr.com/gnxw/201910/t20191009_1366067.html

شينحۋا اگەنتتىگىنىڭ حابارى: ءتىلشى 10-ايدىڭ 7-كۇنى مادەنيەت جانە ساياحات مينيسترلىگىنەن مىنالاردى ۇعىستى: مەملەكەت مەرەكەسىندەگى 7 كۇندىك دەمالىس كەزىندە مەملەكەت بويىنشا جيىنى 782 ميلليون ادام-رەت ساياحاتشى قابىلدانىپ، ۇقساس مەزگىلدەگىدەن %7.81؛ ەل ىشىندەگى ساياحات كىرىسى 649 ميلليارد 710 ميلليون يۋان بولىپ، ۇقساس مەزگىلدەگىدەن %8.47 ارتقان. كورىنىس رايوندارىنىڭ ەسىك بەلەت باعاسىن تومەندەتۋ، جوعارى قارقىندى تاسجولدا اقىسىز قاتىناۋ، مادەنيەت پەن ساياحاتتى توعىستىرۋ جانە باقىلاۋ-باسقارۋ پارمەندى بولۋ قاتارلى بەلسەندى فاكتورلاردىڭ ارقاسىندا ساياحاتشىلاردىڭ رازىلىق دارەجەسى مەن تابىس سەزىمى ورنىقتى جوعارىلاعان.


ۇعىسۋعا قاراعاندا، 1-قازان ۇزاق دەمالىس كەزىندە، مادەنيەت ارقىلى ساياحاتتى جەبەۋ ونىمدىلىگى كورنەكتى بولعان. ساناققا قاراعاندا،%66.4 ساياحاتشىلار دەمالىس كەزىندە مادەنيەت ساياحات كورىنىس تۇيىندەرىن، %59.45 ساياحاتشىلار تاريحي مادەنيەت كوشەلەرىن ەكسكۋرسيالاسا، %86.36 ساياحاتشىلار ەكىدەن ارتىق مادەنيەت قيمىلىنا قاتىناسقان. جياڭشي، گۇيجوۋ، سىچۋان قاتارلى جەرلەردەگى مۇراجايلار، اسەمونەر سارايلارى، مادەنيەت سارايلارى كورمە اشۋ ۋاقىتىن ىرىقتىلىقپەن ۇزارتىپ، قالىڭ بۇقاراعا مادەنيەت جاعىنان اناعۇرلىم كوپتەپ قىزمەت وتەسە ؛ بەيجيڭدەگى ٴارقايسى كونسەرت ورىندارى مەن ۇيىرمەلەر جيىنى 134 مايداندا 521 رەت ويىن قويدى، سونىمەن بىرگە، نەگىزگى تاقىرىپتىق كورمە، حاتكەرلىك، سۋرەت اۋىس-كۇيىس قيمىلى، كىتاپ تانىستىرۋ قاتارلى تۇرلەر بويىنشا 977 رەت قيمىل وتكىزىلىپ، سىرتتان كەلگەن ساياحاتشىلار مەن جەرلىك تۇرعىنداردىڭ كوپ ساتىلى مادەنيەت قاجەتى قاناعاتتاندىرىلدى.


1ـ قازان دەمالىس كەزىندە تۇتاس وڭىرلىك ساياحات،اسىرەسە تۇنگى ساياحات جەدەل كۇسەتتەندى. %44.96 ساياحاتشىلار كەشكى ساياحات قيمىلىنا قاتىناستى. سوتسياليستىك قۇرىلىس جەتىستىكتەرىن ايگىلەيتىن قالا بەلگى سيپاتتى قۇرىلىستارى، كەلەلى ينجەنەريالار، جوعارى عىلىم-تەحنيكا جەتىستىكتەرى قاتارلىلار ساياحاتشىلاردى باۋرادى.


بۇدان سىرت، جەكە كولىكپەن ساياحاتتاۋ، وتباسىلىق ساياحاتتاۋ، كۇز كورىنىسىن تاماشالاپ ساياحاتتاۋلار دا مەملەكەت مەرەكەسى كەزىندەگى ساياحات بازارىنىڭ جارقىن تۇيىنىنە اينالدى. ساندى مالىمەتتە كورسەتىلۋىنشە، مەملەكەت مەرەكەسى كەزىندە، %30.57 ساياحاتشىلار ٴوز كولىگىمەن ساياحاتتادى. گانسۋ، چيڭحاي، شينجياڭ، وڭتۇستىك انحۇي، سىچۋان، شيزاڭ قاتارلى جەرلەردە ٴوز كولىگىمەن ساياحاتتاۋ لەنيالارىندا ساياحات ورلەۋى كوتەرىلدى.

اۋدارعان: قاناتبەك جۇماباي ۇلى


كەلۋ قاينارى: http://www.elarna.net/koru.php?tur=37&id=1057956

پىكىرلەر:

juz dep sifirmen jazingiz.