كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2217284223 %77 %

«سارىارقا» گاز قۇبىرى: قارقىن جوعارى – استانا اقشامى


ءتۇرى: اقجول تور ماقالالارى

ۋاقىتى: 03:15 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.«سارىارقا» گاز قۇبىرى: قارقىن جوعارى – استانا اقشامى

كەشە «سامۇرىق-قازىنا» ءۇاق» اق باسقارما ءتوراعاسى احمەتجان ەسىموۆ پەن ەلوردا اكىمى التاي كولگىنوۆ «سارىارقا» گاز قۇبىرى ماگيسترالىنىڭ جەلىلىك بولىگىنىڭ رەسمي اياقتالۋىنا ارنالعان راسىمگە قاتىستى. گاز قۇبىرىنىڭ جالپى ۇزىندىعى 1061،3 شاقىرىمدى قۇرايدى، ول 170 ەلدى مەكەندى قامتيدى. ءىس-شاراعا سونداي-اق ەنەرگەتيكا مينيسترلىگىنىڭ، «قازاقستاننىڭ دامۋ بانكى» اق، «بايتەرەك» ۇبح» اق جانە «ەۋرازيا­لىق دامۋ بانكىنىڭ» وكىلدەرى قاتىستى. گاز قۇبىرى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تاپسىرماسى بويىنشا سالىنۋدا.

ەلوردانى ودان ءارى دامىتۋ ماسەلەلەرىنە ارنالعان جيىندا مەملەكەت باسشىسى قاسىم-جومارت توقاەۆ قالاعا گاز تارتۋ پروتسەسىن باقىلاۋعا الۋدى تاپسىرعانى ءمالىم. ءراسىم بارىسىندا احمەتجان ەسىموۆ قۇرىلىسقا وڭ باعا بەرىپ، ەلىمىزدىڭ سولتۇستىك جانە ورتالىق وڭىرلەرىن تابيعي گازبەن ءۇزىلىسسىز قامتاماسىز ەتۋدىڭ، جىلۋ بەرۋ نىساندارىن كومىردەن گازعا كوشىرۋدىڭ، سونداي-اق گاز قۇبىرى وتەتىن وبلىستاردىڭ ەكولوگياسىن جاقسارتۋدىڭ ماڭىزدىلىعىنا توقتالدى. «قازاقستاننىڭ تۇڭعىش پرەزيدەنتى ن.نازارباەۆتىڭ «بەس الەۋمەتتىك باستاماسى» اياسىندا سالىنعان گاز قۇبىرى ورتالىق قازاقستان مەن ەلوردامىزدى ەلىمىزدىڭ ءبىرىڭعاي گاز جەلىسىنە جالعادى. بۇل – تاۋەلسىزدىك جىلدارىنداعى ەڭ ءىرى ينفراقۇرىلىمدىق جوبا جانە ول ءبىر جىلدان از عانا ۋاقىتتا سالىنىپ وتىر» دەدى ا.ەسىموۆ.
قالا باسشىسى قۇرىلىسقا قاتىستى قىرۋار جۇمىستار اتقارىلعانىن اتاپ ايتتى. جەرگىلىكتى اتقارۋ ورگانداردىڭ ەندىگى مىندەتى – قالانىڭ ىشىنە گاز تارتۋ. ماسەلەن، جوبانىڭ العاشقى كەزەگىندە كوگىلدىر وتىندى گاز بولەتىن جەلىلەر ارقىلى ء1-ىنشى، ء2-نشى، 3-جىلۋ بەرۋ ورتالىقتارىنا، «كوكتال-1»، «كوكتال-2» ىقشام اۋداندارىنا، تەمىرجولشىلار كەنتىنە، وڭتۇستىك-شىعىس (وڭ جانە سول بولىگى) ىقشام اۋدانىنا بەرۋ جوسپارلانعان. ءبىرىنشى كەزەڭ اياقتالعان سوڭ، 13،5 مىڭ ءۇيدىڭ تۇرعىندارى ۇيلەرىنە گاز تارتا الادى. ەكىنشى كەزەكتە ميچۋرين، ينتەرناتسيونالنىي، كۇيگەنجار، تەلمان، پريگورودنىي، Garden Village، Family Village تۇرعىن ءۇي الاپتارىنا گاز تارتىلادى. ال ءۇشىنشى كەزەكتە يلينكا، شۇبار، ءوندىرىس تۇرعىن ءۇي ماسسيۆتەرى گاز قۇبىرىنا جالعانادى.


كەلۋ قاينارى: http://www.elarna.net/koru.php?tur=7&id=1057955

پىكىرلەر:

juz dep sifirmen jazingiz.