كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-221353444532 %68 %

قاراعاندىدا جاڭا تۋعان نارەستە «جەدەل جاردەم» كولىگىندە شەتىنەپ كەتتى


ءتۇرى: قازاقپارات جاڭالىقتارى

ۋاقىتى: 02:03 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
قاراعاندىدا جاڭا تۋعان نارەستە «جەدەل جاردەم» كولىگىندە شەتىنەپ كەتتى

قاراعاندى. قازاقپارات – قاراعاندىلىق دارىگەرلەر ءسابيدىڭ ءومىرىن ساقتاپ قالا المادى. نارەستە وتە اۋىر حالدە دۇنيەگە كەلگەندىكتەن ونى جاساندى تىنىس الۋ اپپاراتىنا قوسۋ قاجەت بولعان. الايدا بالانى وبلىستىق پەريناتالدىق ورتالىققا تاسىمالداۋ كەزىندە ول شەتىنەپ كەتتى، دەپ حابارلايدى قازاقپارات ءتىلشىسى.

ۇقساس جاڭالىقتار
قاراعاندىدا 3 جاسار بالانى ولتىرگەن كۇدىكتىگە ەل اۋماعىندا ىزدەۋ جاريالاندى

بالانىڭ اكەسى ايتقانداي، ونىڭ ايەلى جۇكتىلىك كەزىندە بارلىق مەديتسينالىق ساراپتامالاردى دەر كەزىندە تاپسىرىپ وتىرعان جانە دە ولاردىڭ قورىتىندىسى جاقسى بولعان. جۇكتى ايەل 26 قىركۇيەكتە اۋرۋحاناعا تۇسكەن. الايدا، بىرنەشە كۇننەن كەيىن دارىگەرلەر وعان بوسانۋعا ءالى ەرتە دەپ، ۇيىنە قايتارعان. ءبىر اپتادان كەيىن ول قايتادان پەرزەنتحاناعا جاتقان. دارىگەرلەر قاراپ شىققان سوڭ، ەگەر تولعاق بولماسا، ارنايى ءدارى ەگەتىنىن ايتقان. بىرنەشە كۇننەن كەيىن جاس كەلىنشەككە تولعاق شاقىراتىن ءدارى سالىنعان.

ء

«ۇشىنشى ءتۇنى جۇبايىمنىڭ سۋى كەتتى. ول سول كەزدە پەرزەنتحانادا بولعان، - دەيدى بالانىڭ اكەسى ۇلان نۇرپەيىسوۆ. - تاڭەرتەڭ، ساعات 8-دە وعان كەسىر تىلىگى جاسالدى. الايدا بىزگە بالانى كورسەتپەدى، بىردەن الىپ كەتتى. بالامىزدىڭ وكپەسىندە سۇيىقتىق بولعانى انىقتالدى. «ول اۋىر حالدە بولعاندىقتان، ونى جاساندى تىنىس الۋ اپپاراتىنا قوسۋ كەرەك»، - دەدى. بىزگە بالانى ميحايلوۆ شاعىن اۋدانىنداعى وبلىستىق پەريناتالدىق ورتالىققا اۋىستىرۋدى ۇسىندى، سەبەبى پريشاحتينسكىدە جاساندى تىنىس الۋ اپپاراتى جۇمىس ىستەمەيدى دەدى. الايدا كەشە مەن پريشاحتينسك پەرزەنتحاناسىندا بۇل تۋرالى قايتادان سۇراعانىمدا اپپارات جۇمىس ىستەيدى دەپ جاۋاپ بەردى. مەنىڭ ايەلىم كەشە تاڭعى ساعات 8-دە بوساندى، ءبىز بالانىڭ تاسىمالداۋىن كۇندىزگى 4-كە دەيىن كۇتتىك. سودان كەيىن بىزگە بالامىز جولدا قايتىس بولدى دەپ حابارلادى...».

قاراعاندى وبلىسىنىڭ دەنساۋلىق ساقتاۋ باسقارمالارىندا بۇل جاعدايعا كەلەسىدەي تۇسىنىكتەمە بەردى: «تۋ كەزىندەگى بالانىڭ جاعدايى وتە اۋىر بولدى. انا بالاعا جۇكتىلىك كەزىندە ەكى رەت بەرميدي ۆيرۋستىق ينفەكتسياسىمەن اۋىرعان. انا مەن بالاعا مەديتسينالىق كومەك دەنساۋلىق ساقتاۋ مينيسترلىگىنىڭ بەكىتكەن دياگنوستيكا جانە ەمدەۋ حاتتامالارىنا ساي جۇرگىزىلدى. وكپەنى جاساندى جەلدەتۋ اپپاراتى باسقا پاتسيەنتتەردى ەمدەۋگە قاتىستىرىلعاندىقتان، بالانى مامانداندىرىلعان كولىكتە وبلىستىق پەريناتالدىق ورتالىققا اۋىستىرۋ تۋرالى شەشىم قابىلداندى. قازىرگى ۋاقىتتا دەنساۋلىق ساقتاۋ باسقارماسى قىزمەتتىك تەكسەرۋ جۇرگىزۋدە. ونىڭ ناتيجەلەرى كەيىنىرەك جاريالانادى».


كەلۋ قاينارى: http://www.elarna.net/koru.php?tur=3&id=1057946

پىكىرلەر:

juz dep sifirmen jazingiz.