كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

زاۋرەش بايمولدينا سوت تورەلىگى اكادەمياسىنىڭ رەكتورى بولدى


ءتۇرى: Ult.kz ۇلىت تورابى

ۋاقىتى: 01:50 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

جوعارعى سوتتىڭ مامانداندىرىلعان سوت القاسىنىڭ ءتوراعاسى ايگۇل قىدىرباەۆا سوت تورەلىگى اكادەمياسىنىڭ پروفەسسور-وقىتۋشىلار قۇرامىنا جاڭا رەكتوردى تانىستىردى. زاڭ عىلىمدارىنىڭ كانديداتى، پروفەسسور زاۋرەش بايمولدينا رەكتور بولدى، دەپ حابارلايدى "ۇلت اقپارات" قر جوعارعى سوتىنىڭباسپاسوز قىزمەتىنەسىلتەمە جاساپ.

«زاۋرەش حاميتقىزى عىلىمي جانە اكادەميالىق ورتادا مول تاجىريبەگە يە، مەملەكەتتىك ورگانداردا باسشىلىق قىزمەتتەردە جۇمىس ىستەدى. ول تاعايىندالعانعا دەيىن قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى بولدى»، - دەدى ا. قىدىرباەۆا جاڭا رەكتوردى تانىستىرا كەلىپ.

ول اكادەميانىڭ ۇلت جوسپارىنىڭ 18-قادامىن جۇزەگە اسىرۋعا باسا نازار اۋدارىپ وتىرعانىن اتاپ ءوتتى. ونىڭ نەگىزگى مىندەتى - جاڭا فورماتسيا سۋديالارىن دايارلاۋ، سوت جۇيەسىن ودان ءارى دامىتۋ ءۇشىن عىلىمي-زەرتتەۋ جۇمىستارىن جۇرگىزۋ. «جاقىن ارادا اكادەميا ءوز قىزمەتىن تولىعىمەن قايتا قۇرىپ، سوت جۇيەسىنە ساپالى كادرلار دايارلاۋ بويىنشا ناقتى ءارى جۇيەلى جۇمىس جۇرگىزۋى كەرەك»، - دەدى ا. قىدىرباەۆا.

جوعارعى سوت القاسىنىڭ ءتوراعاسى جاڭادان تاعايىندالعان رەكتوردى قۇتتىقتاپ، وعان ساتتىلىك پەن جەمىستى جۇمىس تىلەپ، اكادەميانىڭ باسىم مىندەتتەرىن اتاپ ءوتتى.

زاۋرەش حاميتقىزى بايمولدينا 1985-1994 جىلدارى - ە.ا. بۋكەتوۆ اتىنداعى قاراعاندى ​​مەملەكەتتىك ۋنيۆەرسيتەتىنىڭ وقىتۋشىسى، اعا وقىتۋشىسى، دوتسەنتى، زاڭ فاكۋلتەتى دەكانىنىڭ ورىنباسارى،

1994-1996 جىلدارى - ادىلەت مينيسترلىگى ەكونوميكالىق زاڭناما ءبولىمىنىڭ باستىعى، زاڭدى تۇلعالاردى تىركەۋ باسقارماسىنىڭ، باس باسقارماسىنىڭ باستىعى،

1996-2005 جىلدارى - قازاق مەملەكەتتىك زاڭ ينستيتۋتىنىڭ كافەدرا مەڭگەرۋشىسى، كاسىپكەرلىك جانە قۇقىق فاكۋلتەتىنىڭ دەكانى، دوتسەنتى، پروفەسسورى،

2005-2006 جىلدارى - قورشاعان ورتانى قورعاۋ مينيسترلىگى نورماتيۆتىك-قۇقىقتىق قامتاماسىز ەتۋ باسقارماسىنىڭ باستىعى، قۇقىقتىق قامتاماسىز ەتۋ جانە حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى،

2006-2008 جىلدارى - پرەزيدەنت اكىمشىلىگىنىڭ قۇقىق قورعاۋ جانە سوت جۇيەلەرى ءبولىمىنىڭ باس ساراپشىسى، باس ينسپەكتورى،

2008-2012 جىلدارى - پرەزيدەنت اكىمشىلىگىنىڭ مەملەكەتتىك-قۇقىق ءبولىمىنىڭ ينسپەكتورى،

2012-2017 جىلدارى - ادىلەت ءمينيسترىنىڭ ورىنباسارى،

2017 جىلعى جەلتوقساننان باستاپ قازىرگى ۋاقىتقا دەيىن ورتالىق سايلاۋ كوميسسياسىنىڭ مۇشەسى بولىپ جۇمىس ىستەدى.


كەلۋ قاينارى: http://www.elarna.net/koru.php?tur=53&id=1057941

پىكىرلەر:

juz dep sifirmen jazingiz.