كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2215763029 %71 %

امەريكا حورەوگرافياسىنىڭ جاۋھارى – استانا اقشامى


ءتۇرى: اقجول تور ماقالالارى

ۋاقىتى: 01:15 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.امەريكا حورەوگرافياسىنىڭ جاۋھارى – استانا اقشامى

«استانا بالەت» تەاترىنىڭ بيىلعى ماۋسىمىنىڭ العاشقى پرەمەراسى دجوردج ءبالانچيننىڭ «كونچەرتو باروككو» اتتى ءبىر اكتىلى بالەتىمەن اشىلدى. بۇل شىعارما امەريكا حورەوگرافياسىنىڭ جاۋھارى سانالادى.

قويىلىمدى ساحناعا بەلگىلى حورەوگراف نانەتت گلۋشاك شىعاردى. ول ءوزى پرەمەراعا دايىندالۋ ءۇشىن باس قالاعا ءۇش اپتا بۇرىن كەلگەن. ونىڭ ايتۋىنا قاراعاندا، ارتىستەر نەبارى ءتورت كۇن ىشىندە بارلىق ءماتىندى مەڭگەرىپ العان.
«بالەتتى وسىنشالىقتى قىسقا مەرزىم ىشىندە مەڭگەرۋ – مەن ءۇشىن جاڭالىق. سوندىقتان ارتىستەرگە ءتانتى بولدىم» دەدى نانەتت گلۋشاك. ال ەكىنشى جانە ءۇشىنشى بولىمدە كورەرمەندەر دجوردج ءبالانچيننىڭ «سەرەناداسى» مەن نيكولو فونتەنىڭ «ماحابباتتىڭ عايىپ بولعان دارابوزدارى» اتتى تۋىندىلارىن تاماشالادى.«كونچەرتو باروككو» بالەتى بەكزات ونەردەگى كۇردەلى شىعارمالاردىڭ بىرىنە جاتادى. مۇنداعى ءبيشىنىڭ قيمىلى تۋىندىنىڭ ءار نوتاسىمەن ۇيلەسىپ تۇرۋى كەرەك. قويىلىمداعى باستى پارتيالاردى تەاتردىڭ ەكى ءسوليسى تاتيانا تەن مەن نازەركە ايمۇحامەتوۆا ورىنداپ، ولار باحتىڭ مۋزىكا يىرىمدەرىن بي كومبيناتسيالارى ارقىلى تانىتتى. بالەتتەگى جالعىز ەر ادام پارتياسىن فارحات بوريەۆ ءساتتى الىپ شىقتى. ول ساحناداعى سكريپكانىڭ قۇلاعىندا ويناعان مۋزىكانتتىڭ بەينەسىن سومدادى.
قويۋشى-حورەوگراف ءوز سوزىندە سىرت كوزگە قاراپايىم كورىنەر بالەتتىڭ تەحنيكالىق جاعىنان وتە كۇردەلى ەكەندىگىن ايتتى. ساحنادا ارتىستەر جيىرما مينۋت بويى ۇزدىكسىز بي بيلەدى. باستىسى، بيشىلەر قويىلعان تالاپتىڭ ۇدەسىنەن شىعا ءبىلدى.
قويىلىم سوڭىندا كورەرمەندەر تاماشا كوڭىل-كۇي سىيلاعان بالەت ارتىستەرىنىڭ ونەرىنە ريزا بولىپ، زور قوشەمەت كورسەتتى.


كەلۋ قاينارى: http://www.elarna.net/koru.php?tur=7&id=1057933

پىكىرلەر:

juz dep sifirmen jazingiz.