كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23587359638 %62 %

نۇر-سۇلتانداعى ۇيلەرگە تابيعي گاز كەلەتىن ۋاقىت تاياپ قالدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 00:30 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.



«قازمۇنايگاز» ۇلتتىق كومپانياسىنىڭ جاۋاپكەرشىلىگى اياسىندا «سارىارقا» گاز قۇبىرىنىڭ قۇرىلىسى مەجەلەنگەن مەرزىمدە اياقتالدى. ءسويتىپ، قىزىلوردا مەن نۇر-سۇلتان اراسىنداعى 171 ەلدى مەكەنگە تابيعي گاز كەلەتىن ۋاقىت جاقىنداي ءتۇستى. ۇزىندىعى 1061 شاقىرىمدى جەتەتىن اۋقىمدى جوبانىڭ جالپى قۇنى 267 ملرد تەڭگە.

ەگەمەندىك العالى ەلىمىز بويىنشا جۇزەگە اسقان ەڭ اۋقىمدى جوبا. «سارىارقا» گاز قۇبىرى ورتالىق جانە سولتۇستىك وڭىرلەرىن، سونداي-اق ەل ورداسى نۇر-سۇلتان قالاسىن تابيعي گازبەن قامتيتىن بولادى. باس-اياعى 8 ايدا مەجەلى ماقسات ورىندالدى. بۇگىن گاز قۇبىرىنىڭ «التىن بولىگى» دانەكەرلەندى. ءسويتىپ، قۇبىردىڭ جەلىلىك بولىگىنىڭ قۇرىلىسى رەسمي تۇردە اياقتالدى. 

احمەتجان ەسىموۆ، «سامرۇق-قازىنا» ۇلتتىق ءال-اۋقات قورى» اق باسقارماسىنىڭ ءتوراعاسى:

- بۇل ەلباسىنىڭ 5 الەۋمەتتىك باستاماسىنىڭ ءبىرى. بۇگىندە ەڭ ءىرى ينفراقۇرىلىمدىق نىسان سانالادى. قالعان تەحنيكالىق جۇمىستار قاراشا ايىندا اياقتالادى. ءارى قاراي جەرگىلىكتى اكىمدىكتەر نۇر-سۇلتان، وزگە دە اۋماقتاردى گازعا قوسادى. جوبانىڭ ەكىنشى كەزەڭىندە قۇبىردى سولتۇستىك قازاقستانعا جالعايمىز. اۋقىمدى جۇمىس اتقارىلدى. مەن قۇرىلىسقا قاتىسقان بارلىق ادامدارعا العىس بىلدىرەمىن. 

«سارىارقا» گاز ماگيسترالىنىڭ ءبىرىنشى كەزەڭى ءۇشىن 267،3 ملرد تەڭگە جۇمسالدى. احمەتجان ەسىموۆ گاز باعاسىنىڭ حالىققا قولجەتىمدى بولاتىنىنا سەنىمدى. ال قۇرىلىستىڭ دەر شاعىندا اياقتالىپ، قولدانىسقا بەرىلۋى، ۇلكەن ەڭبەك پەن جاۋاپكەرشىلىك جەمىسى.

ساعيدوللا ماقاشوۆ، باس مەردىگەر:

- ءبىز قازاقستاندا تۇڭعىش رەت امەريكالىق دانەكەرلەۋ تەحنولوگياسىن قولداندىق. نەگىزگى قۇرىلىسقا قاجەت جابدىقتاردى رەسەيدەن، وتاندىق وندىرۋشىلەردەن الدىق. جەلتوقساننىڭ سوڭىندا قۇبىرلاردى گازعا تولتىرامىز. تەحنولوگيالىق تالاپ بويىنشا، الدىمەن ينتەرتتى گاز، كەيىن تابيعي گاز جىبەرىلەدى. ودان كەيىن تۇتىنۋشىلارعا تاراتا بەرۋگە بولادى. 

ايتپاقشى «سارىارقا» گاز قۇبىرىنىڭ يگىلىگىن 171 ەلدى مەكەن كورەدى. دەمەك، 2 ميلليونعا جۋىق قازاقستاندىق كوگىلدىر وتىندى تۇتىناتىن بولادى. جۇمىسپەن قامتىلاتىنى قانشاما. سونداي-اق، وڭىرلەردە شاعىن جانە ورتا بيزنەس داميدى، ينۆەستيتسيا تارتىلادى. باستىسى، ەكولوگيا رەتتەلەدى.

اۆتورلارى: مەرەي مۇراتحانقىزى، ەرمەك كەنشىمبەك


كەلۋ قاينارى: http://www.elarna.net/koru.php?tur=38&id=1057922

پىكىرلەر:

juz dep sifirmen jazingiz.