كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1812629926 %74 %

وسكەمەندە 62 كوپ قاباتتى ءۇي جىلۋ ماۋسىمىنا دايىن ەمەس - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 23:50 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.



قالاداعى جىلۋعا جاۋاپتىلار، بۇل باسپانالاردى باسقاراتىن جەكە پاتەر يەلەرى كووپەرتيۆتەرى مىندەتتەرىن دۇرىس اتقارماعان دەپ وتىر. ەندى سونىڭ كەسىرىن تۇرعىندار تارتادى. ايتپاقشى، جىلۋعا قوسىلماعان ۇيلەردىڭ كوبىندە كوممۋنالدىق قارىز قوردالانىپ قالعان.

ابدەن توزىعى جەتكەن ەكى قاباتتى بۇل ءۇيدىڭ جىلۋى جىلدا جىر بولادى. بيىل دا دايىن بولماي شىقتى. تۇرعىنداردىڭ باسىم بولىگى ءۇيدى قىسقا دايىنداۋ ءۇشىن جەكە پاتەر يەلەرى كووپەراتيۆىنە قاجەتتى قارجىنى تامىز ايىندا جيناپ بەرگەن. ءبىراق ناتيجە شامالى. ەندى كۇندىز كۇنشۋاقتاپ، ال تۇندە جىلىتۋ قوندىرعىلاردى قوسادى. 

نادەجدا ششيتيكوۆا، زەينەتكەر:

- قاشان قوسىلاتىنى بەلگىسىز؟  الداعى ۋاقىتتا نە بولاتىنىن بىلمەيمىز. ءقازىر كۇن جىلى بولعان سوڭ شىداپ وتىرمىز. شىعىستىڭ سۋىعىن بىلەسىزدەر عوي. مىنا ءبىز سەكىلدى قارت ادامدار قالاي شىدايمىز؟! ءقازىر اۋىرماۋدىڭ ارەكەتىن جاساپ ءجۇرمىز. 

الينا موشكوۆا، قالا تۇرعىنى:

- بۇل ءبىزدىڭ كىنامىز ەمەس ەكەنىن ءبارى جاقسى بىلەدى. تۇرعىندار بولىپ جينالىپ، تامىز ايىندا جىلۋ جۇيەسىنىڭ قىسىمىن تەكسەرتۋگە تاپسىرىس بەردىك. ءالى كۇنگە دەيىن ىستەلگەن جوق. ءقازىر 8 ايلىق نارەستەمدى توڭدىرماس ءۇشىن ەلەكتر پەشتى قولدانىپ وتىرمىن. 

قالانىڭ شەتىندەگى كوپ قاباتتى بۇل ءۇيدىڭ جىلۋ جۇيەسىن رەتتەيتىن 100-دەن اسا بۇراندا قولدى بولعان. وسى ماڭداعى باسقا باسپانالارعا جىلۋ قازاننىڭ ەكىسىندە بەرىلگەن. تەك 100 پاتەرلى وسى ءۇي عانا قوسىلماعان. ەندى قولدى بولعان قۇرىلعىلاردى قايتا ورناتۋ ءۇشىن  تۇرعىندار قارجى جيناپ جاتىر. 

ۆلاديمير سەمەنوۆ، جەكە پاتەر يەلەرى كووپەراتيۆىنىڭ ءتوراعاسى:

- ۇرلانعان سول بۇراندا-شۇرالاردى قايتا ساتىپ الىپ، ورنتاۋ ءۇشىن تۇرعىندار قاراجات جينادى. ءقازىر بىرىتىندەپ جۇمىستى باستادىق ءبىراق جىلۋ جۇەيسىنە قاجەتتى قۇرىلعىلاردى تولىق ورناتۋ ءۇشىن از دەگەندە 10 كۇن كەتەدى. 

جالپى جىلۋ وسكەمەندىكتەرگە بيىل بىلتىرعىدان ەرتە بەرىلدى.بىراق قالا بويىنشا 62 ءۇي قوسىلعان جوق. سەبەبى ءارتۇرلى. 

تالعات قايىركەنوۆ، «وسكەمەن جىلۋ جۇيەلەرى» اق تەحنيكالىق ديرەكتورى:

- نەگىزگى سەبەبى قوسىلماعاندار ول كەرەكتى مينيمالدى جۇمىستارىن جىلۋ جۇيەگە اتقارعان جوق. ول ىشكى جىلۋ جۇيەسىن گيدراۆليكالىق سىنىقتان وتكىزۋ كەرەك. كسك-نىڭ تۇرعىندارمەن وزدەرىنىڭ اراسىنداعى كەلىسپەۋشىلىك بار شىعار.

كەلىسپەۋشلىكتىڭ بارى راس. ءقازىر  پاتەر يەلەرى كووپەراتيۆىنە كەيبىر  تۇرعىندار شاش ەتكەتەن قارىز. نەگىزىنەن وسى بەرەشەگى بار ۇيلەر قىسقا دايىن بولماي شىقتى.

فارحات جىلىباەۆ، قالالىق تۇرعىن ءۇي ينسپەكتسياسى ءبولىمىنىڭ جەتەكشىسى:

- ءدال بۇگىنگە دەيىن قالا بويىنشا تۇرعىنداردىڭ  پاتەر يەلەرى كووپەراتيۆىنە قارىزى 237 ميلليون تەڭگە. بۇل شامامەن 30 مىڭ پاتەر.تەحنيكالىق  تۇرعىدا دايىن ەمەس ۇيلەر جىلۋعا قوسىلمايدى.ەرتەڭ ول ۇيلەردىڭ جىلۋ جۇيەسىنەن اقاۋ شىعىپ، اپات بولسا جاۋاپكەرشىلىكتى كىمنەن سۇرايمىز.

ايماقتا قازان ايى جىلى باستالدى. ءبىراق وعان قاراماستان الەۋمەتتىك مەكەمەلەرگە جىلۋ تولىق بەرىلدى. ال الدا قاراشانىڭ قارا سۋىعى تۇر. 

اۆتورلارى: ولجاس كەرەيحان، دميتري پىحتين


كەلۋ قاينارى: http://www.elarna.net/koru.php?tur=38&id=1057913

پىكىرلەر:

juz dep sifirmen jazingiz.