كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

قاراعاندىدا ەندوسكوپيالىق ادىسپەن ومىرتقاعا وتا جاسالا باستادى


ءتۇرى: قازاقپارات جاڭالىقتارى

ۋاقىتى: 23:45 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

قاراعاندى. قازاقپارات - پروفەسسور ح. ج. ماقاجانوۆ اتىنداعى قاراعاندى تراۆماتولوگيا جانە ورتوپەديا ورتالىعىندا ومىرتقاعا ەندوسكوپيالىق ادىسپەن وتا جاسالا باستادى. جەرگىلىكتى حيرۋرگتاردى بۇعان قىتاي مەن رەسەيدەن كەلگەن ماماندار ۇيرەتۋدە، دەپ حابارلايدى قازاقپارات ءتىلشىسى.

ۇقساس جاڭالىقتار
ايدا بالاەۆا ەمحانالار تۋراسىندا: ادامدار ۇزىن-سونار كەزەككە شاعىمدانۋدا تۇركىستان وبلىستىق كلينيكالىق اۋرۋحاناسىندا وتانىڭ جاڭا ءادىسى قولدانىلدى كەيدە بالالاردا ەرەسەكتەردە بولمايتىن پاتولوگيالار كەزدەسەدى – نەيروحيرۋرگ مۇحتار يبراگيموۆ

قاراعاندىلىق دارىگەرلەرگە كەڭەس بەرۋ ءۇشىن ءنوۆوسىبىر قالاسىنىڭ جوعارى ساناتتى نەيروحيرۋرگ دارىگەرى، مەديتسينا عىلىمدارىنىڭ كانديداتى سەرگەي ميشينوۆ پەن قىتايداعى حالىق-ازاتتىق ارمياسىنىڭ اسكەري-اۋە اسكەري مەديتسينالىق ۋنيۆەرسيتەتى جانىنداعى Tangdu اۋرۋحاناسىنان پروفەسسور ۆانگ پەنگ شاقىرىلدى.

تەوريالىق جانە پراكتيكالىق بولىمدەردى قامتيتىن شەبەرلىك ساباقتارى ەكى كۇنگە سوزىلدى. وسى ۋاقىت ارالىعىندا كلينيكادا ترانسفورامينالدى ەندوسكوپيا ارقىلى ەكى وتا جاسالدى.

وپەراتسيا بارىسىندا ەمدەلۋشىنىڭ ىشىنە شاعىن تىلىك جاسالىپ، سول ارقىلى ومىرتقا ارالىق ديسكىگە ءوتىپ، ونداعى جارىقتى جويادى. سونداي-اق، بۇل وپەراتسيا — ەكسترۋزيا جانە ومىرتقاارالىق ديسك پروترۋزيا، ستەنوز جانە ارقاداعى اۋىرسىنۋ سيندرومىن ەمدەۋ ءۇشىن قولايلى ءادىس.

بۇرىن مۇنداي ارالاسۋلار اشىق نەمەسە ەندوسكوپيالىق تۇردە، ارقادا تىلىك جاساۋ ارقىلى جۇزەگە اسىرىلاتىن. بۇل رەتتە مىندەتتى تۇردە ارقاداعى بۇلشىق ەت تە تىلىنەتىن. مۇنداي جاعدايلاردا ەمدەلۋشى ايتارلىقتاي ۇزاعىراق ۋاقىت قالپىنا كەلىپ، جاراداعى تىگىستەر اسا اۋىر ءبىتىپ، ەمدەلەتىن.

«جاڭا ءادىستى پايدالانا وتىرىپ، ءبىز بۇلشىقەتتەر ارقىلى وتپەيمىز، ادامدار بۇل پروتسەدۋرادان سوڭ جەڭىلىرەك قالىپقا كەلەدى. ادەتتە وپەراتسيا كەزىندە، بۇل اشىق ءادىس نەمەسە تەسۋ بولسىن، قالپىنا كەلتىرۋ ءۇشىن ءبىر اپتادان كەم ەمەس ۋاقىت كەتەدى، پاتسيەنتتىڭ بۇيىرىنەن تەسكەن كەزدە، ناۋقاس ەكى كۇننەن كەيىن شىعارىلادى. بىرنەشە ساعاتتان كەيىن دە وتا جاساعان ادامدى ۇيىنە جىبەرگەن تاجىريبە بار. بۇل ەڭ از ءينۆازيۆتى حيرۋرگيا»، - دەدى نەيروحيرۋرگيا ورتالىعىنىڭ مەڭگەرۋشىسى عابيت ماحامباەۆ.

ء

ترانسفورامينالدى ەندوسكوپيا ءادىسى ومىرتقاارالىق ديسكىسى بيىك بولىپ كەلەتىن ەمدەلۋشىلەرگە عانا جارامدى.

ماقاجانوۆ اتىنداعى كلينيكادا ومىرتقا ارالىق ديسكىدەگى جارىقتاردى جويۋ بويىنشا جىلىنا 300 وتا جاسالادى. كەلەسى جىلى ولاردىڭ 50-گە جۋىعى جاڭا ءادىس بويىنشا جۇزەگە اسىرىلاتىن بولادى. 2020 جىلدان باستاپ حيرۋرگيالىق وتانىڭ بۇل ءتۇرى مىندەتتى مەديتسينالىق ساقتاندىرۋ شەڭبەرىندە قىزمەتتەر پاكەتىنە ەنگىزىلەدى جانە قورعا ۇنەمى جارنالار جاسايتىندار ءۇشىن تەگىن بولماق.

مۇنداي وپەراتسيالاردى نۇر-سۇلتان، الماتى جانە پاۆلودار كلينيكالارىندا ءساتتى وتكىزىلىپ جاتىر.


كەلۋ قاينارى: http://www.elarna.net/koru.php?tur=3&id=1057912

پىكىرلەر:

juz dep sifirmen jazingiz.