كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

قازاقستان بوكس فەدەراتسياسى جيىنىندا تۇيتكىلدى ماسەلەلەر تالقىلاندى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 23:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستان بوكس فەدەراتسياسى جيىنىندا تۇيتكىلدى ماسەلەلەر تالقىلاندى


توكيو وليمپياداسىنىڭ باستالۋىنا جىلعا جەتەر-جەتپەس ۋاقىت قالدى. دەمەك ەتەك-جەڭدى جيناپ، دايىندىقتى مىقتاپ قولعا الۋ كەرەك. بۇگىن ەلوردادا وتكەن بوكس فەدەراتسياسىنىڭ جيىنىندا وسى ماسەلە كوتەرىلدى.

فەدەراتسيا باسشىسى تيمۋر قۇلىباەۆ سوڭعى الەم چەمپيوناتىنداعى كەلەڭسىز جاعداي مەن ۇلتتىق قۇرامانىڭ وقۋ-جاتتىعۋىنا قاتىستى ءبىراز سىن ايتتى. وسى جيىندا فەدەراتسيا باسشىلىعىنىڭ اۋىساتىنى بەلگىلى بولدى. تىزگىندى ەندى كەڭەس راقىشەۆ ۇستايدى. ال تيمۋر قۇلىباەۆ ۇلتتىق وليمپيادا كوميتەتىنىڭ ءتوراعاسى قىزمەتىن اتقارادى.

سەرىك ساپيەۆ، قر مسم سپورت جانە دەنە شىنىقتىرۋ ىستەرى كوميتەتىنىڭ ءتوراعاسى:

- قازاقستان بوكس فەدەراتسيانىڭ جىلدى قورىتىندىلاۋعا ارنالعان جيىنىندا ءبىراز وزەكتى ماسەلە كوتەرىلدى. ونىڭ ىشىندە وڭىرلەردە وسى سپورتتىڭ دامۋى ايتىلدى. بۇعان قوسا، باپكەرلەر بىلىكتىلىگىن جەتىلدىرۋ جايىن دا تالقىلادىق. ال ەڭ باستى تاقىرىپ – توكيو وليمپياداسىنا دايىندىق. ياعني الداعى جازعى ويىندارعا ۇلتتىق قۇراما ناعىز بابىندا بارىپ، بارىنشا كوپ مەدال جەڭىپ الۋ كەرەك. 

بىردى-ەكىلى تۇيتكىل بولعانىمەن، بۇل جىل بوكسشىلار ءۇشىن جەمىستى. بۇگىنگە دەيىن ەرلەر 6، ال قىزدار 5 حالىقارالىق جارىسقا قاتىسىپ ۇلگىردى. الەمدىك جانە قۇرلىقتىق دەڭگەيدەگى جەتىستىكتەر بار. ۇلتتىق وليمپيادا كوميتەتىنىڭ باسشىلىعى بۇگىن سول جەڭىس تۇعىرىنان كورىنگەندەردى قۇتتىقتاپ، ارنايى سىياقى تابىستادى. بۇدان بولەك اۋىر اتلەتيكا، قۇزعا ورمەلەۋ جانە كۇرەس تۇرلەرى بويىنشا ەل نامىسىن ابىرويمەن قورعاعاندارعا ەرەكشە قۇرمەت كورسەتىلدى.


كەلۋ قاينارى: http://www.elarna.net/koru.php?tur=38&id=1057909

پىكىرلەر:

juz dep sifirmen jazingiz.