كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211158392350 %50 %

اكىمدىك الەم چەمپيونى بەكزات نۇرداۋلەتوۆكە قىمبات كولىك سىيعا تارتتى


ءتۇرى: Ult.kz ۇلىت تورابى

ۋاقىتى: 23:20 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

اۋەسقويلار اراسىندا بوكستان الەم چەمپيونى اتانعان 22 جاستاعى بەكزات نۇرداۋلەتوۆكە Toyota Camry XV70 كولىگى سىيعا تارتىلدى، دەپ حابارلايدى "ۇلت اقپارات".

جاڭاوزەن قالاسى اكىمدىگىنىڭ ءباسپاسوز قىزمەتى تاراتقان مالىمەتكە سايكەس، كولىكتى سپورتشىعا قالالىق اكىمدىك پەن "وزەنمۇنايگاز" اق سىيلاعان.

"جاڭاوزەن قالاسىنىڭ اكىمى ماقسات يباعاروۆ چەمپيوندى قۇتتىقتاپ، اتا-اناسىنا العىسىن ءبىلدىردى. قالا اكىمى سپورتشىنىڭ باپكەرلەرىن اتاپ ءوتىپ، ولار الەم بىرىنشىلىگىندە بەكزات نۇرداۋلەتوۆتىڭ جەڭىسكە جەتۋىنىڭ باستى سەبەپكەر بولعانىن اتاپ ءوتتى"، - دەلىنگەن حابارلامادا.

سونىمەن قاتار مەرەكەلىك شاراعا قاتىسقان قالالىق ءماسليحات حاتشىسى ساقي مىڭباي مەن "وزەنمۇنايگاز" اق ترانسپورت جونىندەگى باسقارۋشى ديرەكتورى ايتقالي باشەنوۆ بوكسشىعا ساتتىلىك تىلەدى.

اشىق دەرەككوزدەگى مالىمەتتەرگە سۇيەنسەك، Toyota Camry XV70 اۆتوكولىگىنىڭ اۆتوسالونداعى باعاسى – 10-17 ميلليون تەڭگە ارالىعىندا.

وسىعان دەيىن ماڭعىستاۋ وبلىسىنىڭ اكىمى سەرىكباي تۇرىموۆ بەكزات نۇرداۋلەتوۆكە ەكى بولمەلى پاتەردىڭ كىلتىن سىيعا تارتقان بولاتىن.

ايتا كەتەيىك، رەسەيدىڭ ەكاتەرينبۋرگ قالاسىندا وتكەن بوكستان الەم چەمپيوناتىندا 81 كەلى سالماقتا جۇدىرىقتاسقان بەكزات نۇرداۋلەتوۆ ءتورت دۇركىن الەم چەمپيونى جانە وليمپيادا جەڭىمپازى كۋبالىق حۋليو لا كرۋستى تىزە بۇكتىردى. ال فينالدا ول وزبەك بوكسشىسى ديلشودبەك رۋزمەتوۆتى ايقىن باسىمدىقپەن ۇتىپ، الەم چەمپيونى اتاندى.


كەلۋ قاينارى: http://www.elarna.net/koru.php?tur=53&id=1057905

پىكىرلەر:

juz dep sifirmen jazingiz.