كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-0566971342055 %45 %
2019-12-0628711318864 %36 %
2019-12-071420583357 %43 %

توقاەۆ رەسەي سىرتقى ىستەر ءمينيسترى سەرگەي لاۆروۆتى قابىلدادى


ءتۇرى: تۇركىستان گازەتى

ۋاقىتى: 23:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
توقاەۆ رەسەي سىرتقى ىستەر ءمينيسترى سەرگەي لاۆروۆتى قابىلدادى

قازاقستان پرەزيدەنتى قاسىم-جومارت توقاەۆ نۇر-سۇلتانعا رەسمي ساپارمەن كەلگەن رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆتى قابىلدادى، دەپ حابارلايدى اقوردانىڭ ءباسپاسوز قىزمەتى.

تاراپتار ەكى جاقتى ىنتىماقتاستىقتىڭ اۋقىمدى ماسەلەلەرىن تالقىلادى، سونداي-اق، ايماقتىق جانە حالىقارالىق كۇن تارتىبىندەگى وزەكتى ماسەلەلەرگە قاتىستى پىكىر الماستى. مەملەكەت باسشىسى سەرگەي لاۆروۆتىڭ قازاقستان استاناسىنا رەسمي ساپارمەن كەلۋى ەكى جاقتى قارىم-قاتىناستارعا قوسىمشا سەرپىن بەرەتىنىن اتاپ ءوتتى. سونىمەن قاتار پرەزيدەنت سوچيدەگى ۆالداي فورۋمىنان العان اسەرىمەن ءبولىسىپ، جيىننىڭ جوعارى دەڭگەيدە وتكەنىن ايتتى.

– ءبىزدىڭ ەلدەرىمىزدىڭ اراسىندا ەشقانداي كۇردەلى ماسەلە جوق. قازاقستان مەن رەسەي سياقتى ارىپتەستەر ءۇشىن سولاي بولۋى دا زاڭدىلىق. ءبىز وداقتاستىعىمىزدى بەكىتىپ جانە دامىتۋعا نيەتتى ستراتەگيالىق ارىپتەستەرمىز، – دەدى قاسىم-جومارت توقاەۆ.

سەرگەي لاۆروۆ مەملەكەت باسشىسىنا قازاقستان-رەسەي اراسىنداعى جوعارى دەڭگەيدە قول جەتكىزىلگەن كەلىسىمدەردىڭ جۇزەگە اسىرىلىپ جاتقانى تۋرالى مالىمەت بەردى. سونىمەن قاتار ول ەكى ەلدىڭ سىرتقى ىستەر مينيسترلەرى كەلىسسوزدەرىنىڭ قورىتىندىسى تۋرالى ايتتى. – ءبىزدىڭ پايىمداۋىمىزشا، بايلانىستارىمىزدىڭ دامۋى جاقسى. قارىم-قاتىناستارىمىزدىڭ دامۋىنا جوعارى دەڭگەيدە بەرىلگەن سەرپىن، ءبىز ءۇشىن بارلىق باعىتتاعى ءوزارا ءىس-قيمىلدارىمىزعا باعدار بولۋى ءتيىس، – دەدى رەسەيلىك ديپلومات.


كەلۋ قاينارى: http://www.elarna.net/koru.php?tur=14&id=1057903

پىكىرلەر:

juz dep sifirmen jazingiz.