كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

مامين ءىرى ينفراقۇرىلىمدىق جوبالاردى ىسكە اسىرۋ بارىسىن تەكسەردى


ءتۇرى: Ult.kz ۇلىت تورابى

ۋاقىتى: 22:20 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

قر پرەمەر-مينيسترى اسقار مامين جۇمىس ساپارىمەن شىعىس قازاقستان، الماتى جانە قاراعاندى وبلىستارىنا باردى، وندا مەملەكەت باسشىسى قاسىم-جومارت توقاەۆتىڭ ەل وڭىرلەرىنە جۇمىس ساپارلارى اياسىندا بەرگەن تاپسىرمالارىن ىسكە اسىرۋ بارىسىن تەكسەردى. قر تۇڭعىش پرەزيدەنتى ‒ ەلباسى نۇرسۇلتان نازارباەۆ ەلىمىزدىڭ تۇراقتى كولىك ينفراقۇرىلىمىن دامىتۋ ماقساتىندا باستاماشى بولعان «نۇرلى جول» مەملەكەتتىك باعدارلاماسىن ورىنداۋعا باسا كوڭىل ءبولىندى.

شىعىس قازاقستان وبلىسىنىڭ اياگوز اۋدانىندا پرەمەر-مينيستر يندۋستريالدى-يننوۆاتسيالىق دامۋ مەملەكەتتىك باعدارلاماسى اياسىندا الەمدەگى ەڭ ءىرى يگەرىلمەگەن مىس كەن ورىندارىنىڭ ءبىرى ‒ اقتوعاي كەنىشىن يگەرىپ جاتقان «KAZ Minerals Aktogay» كاسىپورنىنىڭ جۇمىسىمەن تانىستى. كەن ورنىنىڭ مينەرالدى رەسۋرستارى 1،7 ملرد توننانى قۇرايدى. كەندەگى مىستىڭ جالپى مولشەرى 5،8 ملن توننانى قۇرايدى. اقتوعاي تكبك قۋاتتىلىعى جىلىنا 25 ملن توننا وڭدەلگەن كەندى قۇرايدى، 2021 جىلدان باستاپ بۇل كورسەتكىشتى ەكى ەسەگە ارتتىرۋ كوزدەلگەن.

شىعىس قازاقستان وبلىسىندا اسقار مامين «وسكەمەن ‒ تالدىقورعان» اۆتوجولىن سالۋ جوباسىنىڭ ىسكە اسىرىلۋ بارىسىمەن تانىستى. بيىل 198 شاقىرىم جولدا كولىك قوزعالىسىن اشۋدى قامتاماسىز ەتۋ جوسپارلانعان. جالپى، ۇزىندىعى 763 شاقىرىم بولاتىن جولدا قوزعالىس 2020 جىلى اشىلادى. سونىمەن قاتار، «قالباتاۋ ‒ مايقاپشاعاي» تراسساسىن رەكونسترۋكتسيالاۋ جۇمىستارى جۇرگىزىلىپ جاتىر، وندا جىل سوڭىنا قاراي 45 شاقىرىم اۆتوجول پايدالانۋعا بەرىلەدى.

وسكەمەن قالاسىندا ا. مامين شىعىس قازاقستان وبلىستىق مامانداندىرىلعان مەديتسينالىق ورتالىعى جانىنداعى ونكولوگيا جانە حيرۋرگيا ورتالىعىنىڭ، روبوتتاندىرىلعان حيرۋرگيا، انگيوحيرۋرگيا جانە ترانسپلانتولوگيا ورتالىعىنىڭ قىزمەتىمەن، شقو اكىمى ۆەدومستۆوارالىق سيتۋاتسيالىق جانە ينۆەستيتسيالىق ورتالىعىنىڭ قىزمەتىمەن تانىستى. پرەمەر-مينيستر ءوڭىردىڭ ينۆەستيتسيالىق الەۋەتى، ونەركاسىپ سالاسىنداعى تسيفرلاندىرۋدى دامىتۋ، سونداي-اق مەكتەپ وقۋشىلارى مەن ستۋدەنتتەرىنىڭ Startup جوبالارىن ىسكە اسىرۋ بويىنشا پرەزەنتاتسيالاردى وتكىزۋگە ارنالعان شوۋرۋمدى قاراپ شىقتى. سونداي-اق، مۇندا «Jastar Time» يننوۆاتسيالىق ورتالىعى ورنالاسقان، وندا 5-11 سىنىپ وقۋشىلارى اT باعىتتارى بويىنشا وقىتىلادى، اتاپ ايتساق: 2D/3D گرافيكاسى، باعدارلامالاۋ، ۆيدەو جاساۋ جانە ت.ب.

الماتى وبلىسىندا ۇكىمەت باسشىسىنا ۇزىندىعى 314 شاقىرىم بولاتىن «وسكەمەن ‒ تالدىقورعان» اۆتوجولىنىڭ شىعىس بولىگىن رەكونسترۋكتسيالاۋ، ۇزىندىعى 184 شاقىرىم بولاتىن ء«ۇشارال ‒ دوستىق» اۆتوجولىنىڭ قۇرىلىسى جوباسى تۋرالى باياندالدى.

قاراعاندى ​​وبلىسىندا «قاراعاندى ‒ بالقاش» اۆتوجولىنىڭ ۋچاسكەسىندەگى جۇمىستار تەكسەرىلدى. وسى جوبا بويىنشا بيىل 40 شاقىرىم جولدا قوزعالىس اشىلادى، 2020 جىلدىڭ قورىتىندىسى بويىنشا جولدىڭ بارلىق ۇزىندىعى بويىنشا قوزعالىس اشىلادى دەپ جوسپارلانۋدا. «قاراعاندى ‒ تەمىرتاۋ» جانە «قاراعاندى ​​اينالما جولى» جوبالارى بويىنشا جۇمىستار جىل سوڭىنا دەيىن اياقتالىپ، 61 شاقىرىم جول پايدالانۋعا بەرىلەدى.

پرەمەر-مينيستر شىعىس قازاقستان، الماتى جانە قاراعاندى ​​وبلىستارىنىڭ جولدارىنداعى قۇرىلىس جۇمىستارىنىڭ قارقىنىن ارتتىرۋدى تاپسىردى. سونىمەن بىرگە، ۇكىمەت باسشىسى قۇرىلىپ جاتقان كولىك ينفراقۇرىلىمىنىڭ ساپاسىن قامتاماسىز ەتۋدىڭ ماڭىزدىلىعىن اتاپ ءوتتى.

«كەلەسى جىلى ءبىز “تالدىقورعان – وسكەمەن” جانە “قاراعاندى – الماتى” جولدارىنىڭ بويىندا تولىق جول ءجۇرۋدى قامتاماسىز ەتۋىمىز كەرەك»، — دەدى ا. مامين.

تەكسەرىلگەن ينفراقۇرىلىمدىق جوبالاردى ىسكە اسىرۋ قازاقستان ەكونوميكاسىن دامىتۋعا قوسىمشا مۇمكىندىكتەر تۋعىزادى.


كەلۋ قاينارى: http://www.elarna.net/koru.php?tur=53&id=1057893

پىكىرلەر:

juz dep sifirmen jazingiz.