كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

اق ءۇي ترامپ يمپيچمەنتىنە بايلانىستى كونگرەسپەن ارىپتەستىك ورناتۋدان باس تارتتى


ءتۇرى: Ult.kz ۇلىت تورابى

ۋاقىتى: 20:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

اقش پرەزيدەنتى دونالد ترامپ جانە وكىلدەر پالاتاسىنىڭ جەتەكشىسى نەنسي پەلوسي.

8 قازاندا اق ءۇي پرەزيدەنت دونالد ترامپقايمپيچمەنت جاريالاۋپروتسەدۋراسىن زەرتتەۋ بويىنشا دەموكراتتارمەن ارىپتەستىك ورناتۋدان باس تارتتى.

اق ءۇي زاڭگەرى پەت چيپوللوننىڭ وكىلدەر پالاتاسىنا جولداعان مالىمدەمەسىندە "پرەزيدەنت ترامپ پەن ونىڭ اكىمشىلىگى كونستيتۋتسياعا قايشى ءبىرجاقتى زەرتتەۋگە ارالاسقىسى كەلمەيدى" دەپ جازىلعان.

اق ءۇيدىڭ ءباسپاسوز حاتشىسى ستەفاني گريشەم پرەزيدەنت اكىمشىلىگى ء"بىرجاقتى ساياسي سپەكتاكلگە قاتىسپايدى" دەپ مالىمدەدى. اق ءۇي وكىلدەرى 2016 جىلعى پرەزيدەنت سايلاۋىنىڭ قورىتىندىسىن جوققا شىعارۋ ءۇشىن دەموكراتتار ازاماتتىق ەركىندىك پەن بيلىك ءبولىنىسىن بۇزىپ جاتىر دەپ ايىپتادى.

"پرەزيدەنت ەشتەڭەنى بۇلدىرگەن جوق. دەموكراتتار مۇنى بىلەدى" دەدى گريشەم.

بۇعان دەيىن اقش مەملەكەتتىك دەپارتامەنتى اقش-تىڭ ەۋروپا وداعىنداعى وكىلى گوردون سوندلاندقا وكىلدەر پالاتاسىنىڭ تىڭداۋىنا بارۋعا تىيىم سالعان. سوندلاندتىڭ ءوزى تىڭداۋعا قاتىسۋ ءۇشىن ۆاشينگتونعا ارنايى ۇشىپ بارعان.

وكىلدەر پالاتاسىنىڭ سپيكەرى، دەموكرات نەنسي پەلوسي اق ءۇيدىڭ زەرتتەۋگە قاتىسۋدان باس تارتقانىنا پرەزيدەنت دونالد ترامپ جاۋاپ بەرەدى دەدى. ول "پرەزيدەنتتىڭ قىزمەتتىك وكىلەتىن اسىرا پايدالانعانىن امەريكا حالقىنان جاسىرۋعا تالپىنۋ زاڭعا قايشى ارەكەت" دەپ باعالادى.

داۋ ترامپتىڭ 25 شىلدەدە ۋكراينا پرەزيدەنتى ۆلاديمير زەلەنسكيمەن بولعان اڭگىمەسىنەن سوڭ تۋعان. امەريكالىق باسىلىمدار ترامپتىڭ زەلەنسكيدى 2020 جىلعى سايلاۋدا ءوزىنىڭ باس قارسىلاسى بولاتىن دجو بايدەننىڭ ۇستىنەن جەمقورلىق داۋى بويىنشا ءىس قوزعاۋعا ماجبۇرلەمەك بولعانىن جازدى. سىنشىلار ترامپ "قىزمەتتىك وكىلەتىن اسىرا پايدالانىپ، ىقتيمال قارسىلاسىنا كومپرومات تابۋعا تىرىستى" دەپ ايىپتادى. دونالد ترامپ بۇل ايىپتاۋلاردى جوققا شىعاردى.

ترامپ پەن زەلەنسكي اراسىنداعى اڭگىمە بەلگىلى بولعاننان كەيىن اقش وكىلدەر پالاتاسىنداعى دەموكراتتار ترامپقا "بەرگەن سەرتىن بۇزعانى ءۇشىن" يمپيچمەنت جاريالاۋ پروتسەسىنباستاعان. 24 قىركۇيەكتە وكىلدەر پالاتاسىنىڭ سپيكەرى نەنسي پەلوسي "ترامپ ءوزىنىڭ سەرتىن بۇزدى، ۇلتتىق قاۋىپسىزدىگىمىز بەن سايلاۋ ينستيتۋتىن ساتىپ كەتتى" دەگەن. دونالد ترامپ بۇل پروتسەستى "فارسقا" تەڭەدى.

ازاتتىق


كەلۋ قاينارى: http://www.elarna.net/koru.php?tur=53&id=1057864

پىكىرلەر:

juz dep sifirmen jazingiz.