كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

مۇحتار تىلەۋبەردى قازاقستان-رەسەي شەكاراسىنداعى كەپتەلىستەر تۋرالى ايتتى


ءتۇرى: Ult.kz ۇلىت تورابى

ۋاقىتى: 20:10 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

قر سىرتقى ىستەر ءمينيسترى مۇحتار تىلەۋبەردى وسى جىلدىڭ كوكتەمىندە قازاقستان مەن رەسەي شەكاراسىندا ورىن العان جۇك كولىكتەرىنىڭ كەپتەلىسىنە قاتىستى پىكىر ءبىلدىردى، دەپ حابارلايدى قازاقپارات.

ەلوردادا رەسەي سىرتقى ىستەر ءمينيسترى سەرگەي لاۆروۆپەن كەزدەسۋدەن كەيىنگى ءباسپاسوز ءماسليحاتى بارىسىندا مۇحتار تىلەۋبەردى مۇنداي پروبلەمانىڭ بار ەكەندىگىن جاسىرمادى. ونىڭ ايتۋىنشا، بۇل ماسەلە رەسەيلىك تاراپپەن تالقىلانعان.

«دەگەنمەن، ول ماۋسىمدىق سيپاتقا يە. جالپى، قازاقستان مەن رەسەي شەكاراسىندا - 51، ونىڭ ىشىندە 30 اۆتوموبيل، 20 تەمىرجول جانە 1 وزەن ارقىلى وتەتىن پۋنكت بار. بۇل، نەگىزىنەن ورتالىق ازيادان رەسەي باعىتىندا جەمىس-جيدەكتەر مەن كوكونىستەر تاسىمالى بولاتىن كوكتەم جانە جاز ايلارىندا ورىن الىپ جاتادى»، - دەدى مينيستر.

ونىڭ اتاپ وتۋىنشە، جۇك تاسىمالى ارتقان كەزدە مۇنداي قيىندىقتاردىڭ ورىن الاتىندىعى بار.

«بۇعان قوسا، وتكىزۋ پۋنكتتەرىنىڭ وتكىزۋ مۇمكىندىكتەرى دە ءارتۇرلى. ال تاسىمالداۋشىلار جىلدام جەتۋ ءۇشىن باعداردى وزدەرى تاڭدايدى. سوندىقتان بەلگىلى ءبىر پۋنكتتە كەپتەلىس ورىن الىپ جاتادى. بۇل ماسەلە 7 قاراشادا ومبىدا وتەتىن ءوڭىرارالىق ىنتىماقتاستىق فورۋمىندا قوسىمشا تالقىلاناتىن بولادى»، - دەدى ول.

سونىمەن قاتار باق وكىلدەرى مۇحتار تىلەۋبەردىدەن «قازاقستاندىق تاۋارلاردىڭ رەسەيلىك نارىقتا ءتۇرلى توسقاۋىلعا ۇشىراۋى تالقىلاندى ما؟» دەگەن سۇراق قويدى.

«يا، بۇل ماسەلە تالقىلاندى. ونى ەۋرازيالىق ەكونوميكالىق وداق اياسىندا، ەركىن ساۋدا ەرەجەلەرىنە سايكەس شەشۋ قاجەت دەگەن ورتاق ۇستانىمىمىز بار. بۇل ماسەلە دە 15 قازان كۇنى ەلوردامىزدا – نۇر-سۇلتان قالاسىندا وتەتىن قازاقستان-رەسەي ۇكىمەتارالىق كەڭەسىنىڭ وتىرىسىندا تالقىلاناتىنىن كۇتىپ وتىرمىز»، - دەپ جاۋاپ بەردى مينيستر.


كەلۋ قاينارى: http://www.elarna.net/koru.php?tur=53&id=1057856

پىكىرلەر:

juz dep sifirmen jazingiz.