كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

الماتىدا جاس انا 20-قاباتتان سەكىرمەك بولدى


ءتۇرى: Ult.kz ۇلىت تورابى

ۋاقىتى: 19:20 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

الماتى پوليتسەيلەرى تۇرعىن ءۇيدىڭ 20-شى قاباتىنان سەكىرمەك بولعان جاس انانى قۇتقاردى، دەپ حابارلايدى "ۇلت اقپارات".

الماتى پوليتسياسىنىڭ «102» پۋلتىنە «مانحەتتەن» تۇرعىن ءۇي كەشەنىنىڭ تۇرعىندارىنان حابارلاما تۇسكەن. ولار ۇيلەردىڭ ءبىرىنىڭ 20-قاباتىندا دالىزدەگى بالكوننان اياعىن سىرتقا سالبىراتىپ وتىرعان ايەل تۋرالى ايتقان. كورسەتىلگەن مەكەنجايعا دەرەۋ بۋران-080 پاترۋلدىك توبى اتتانعان. وقيعا ورنىنا جەتكەن پوليتسيا اعا لەيتەنانتى سايات بەكجانوۆ پەن پوليتسيا پودپولكوۆنيگى نۇرسۇلتان بەكتۇرسىن بۇل اقپاراتتى راستاپ، عيماراتتىڭ 20-قاباتىنا كوتەرىلگەن.

«بىردەن شارا قولدانۋعا كوشتىك. وعان اقىرىن جاقىندادىق: ايەل بالكوننىڭ شەتىندە وتىر ەكەن. جانىندا بالا ارباسى تۇردى، ىشىندە كىشكەنتاي ءسابي جاتتى. كورشى ءۇيدىڭ تۇرعىندارى ايەلدىڭ نازارىن وزدەرىنە اۋدارىپ، مۇنداي شەشىمنەن باس تارتۋىن ءوتىنىپ جاتتى. جاعدايدى باعالاي وتىرىپ، جۇگىرە جانىنا جەتتىك تە، بالكوننان ىشكە ءتۇسىرىپ الدىق. جاعدايدى سۇراعانىمىزدا ايەل ەشتەڭە ايتا الماي، جىلادى. مەن ونى قۇشاقتاپ، جۇباتۋعا تىرىسقانىمدا، ول قاتتى جىلاي باستادى. ونىڭ پروبلەماسى بولعانى انىق. ەڭ باستىسى، جاس انا مەن ونىڭ التى ايلىق بالاسى قۇتقارىلدى»، - دەدى الماتى قالالىق جول-پاترۋلدىك قىزمەتىنىڭ پوليتسەيى سايات بەكجانوۆ.

بەلگىلى بولعانداي، ايەلدىڭ جاسى – 26-دا، التى ايلىق بالاسى بار، تۇرمىسقا شىققان. كۇيەۋى باسقا قالادا جۇمىس ىستەيدى. ءقازىر پوليتسيا جاس انانىڭ مۇنداي ارەكەتكە بارۋىنا نە سەبەپ بولعانىن انىقتاپ جاتىر. سونداي-اق، ونىمەن پسيحولوگ جۇمىس ىستەۋدە.


كەلۋ قاينارى: http://www.elarna.net/koru.php?tur=53&id=1057833

پىكىرلەر:

juz dep sifirmen jazingiz.