كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

中国哈萨克语广播网


ءتۇرى: جۇڭگو قازاق راديو تورابى

ۋاقىتى: 19:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
اۋەلگى كەلۋ قاينارى: http://www.kazakcnr.com/zdgz2019/201910/t20191008_1365992.html

ديكتور: گۇلجان زارقىنبەكقىزى

اۆتور: جۇمادىل ٴمارحاباۇلى

كوپتەگەن ايەلدەر قاۋىمنىڭ «كۇيەۋىم اقشا تاپپايدى… »، «ماڭدايىم نەدەگەن تايقى دەسەڭشى وسىعان كەز بولعان…»، «سورىم نەدەگەن قالىڭ ەدى… » دەگەن نالۋلارى مەن رەنىشتەرىن، اشۋلى ايعايلارىن كوپ ەستىيمىز. بالكىم بۇل دا ولاردىڭ تۇرمىستىڭ تاقارشىلىقتارىمەن اۋىرتپالىقتارىنان قاجىعان كەزدەگى جان ايعايى بولار، نە بولماسا، داعدىلى الاۋلايىنا اينالعان باسقا فورماداعى «ەركەلىگى» بولار. ٴالى دە سىرلى ايەل زاتىنىڭ وتتاي ىستىق ماحابباتىنىڭ باسقا فورماداعى بەينەلەنۋى بولار، بۇعان ەشكىم دە ٴجىپ تاعا العان ەمەس. ايەل جانى-نازىك جان، ايەل جۇرەگى-نازىك جۇرەك، ايەل كوڭىلى-نازىك كوڭىل. ايەل-گۈل، بۇل دۇنيە گۇلدەرمەن كوركەم. ايەل زاتى ٴوزىنىڭ كوركەمدىگىمەن دۇنيەنى ٴوز امىرىنە باعىندىرىپ، سىرلى كۇلىمسىرەۋىمەن الەمدى جاۋلاپ وتىر. ايەلدەر سۇلۋ بولىپ قالماستان، كوركەم دە باقىتتى تۇرمىس كەشىرۋگە قاقىلى. ويتكەنى، ول-انا، ٴبىر قولىمەن بەسىكتى، ٴبىر قولىمەن الەمدى تەربەتكەن ۇلىلىقتىڭ يەسى، الەمدەگى بارلىق جاقسىلىقتارمەن ٴتاتتى سوزدەردى ٴۇيىپ-توگىپ ولارعا سيلاساق تا ازدىق ەتەر بالكىم. حالقىمىزدا:«جاقسى ايەل جامان ەردى حان قىلادى، جامان ەر جاقسى ايەلدى كۇڭ قىلادى»-دەپ تەرەڭ وي، اقىليالىق وي قورتىپ، ولمەس تامسىلدەر قالدىرعان. مەنىڭ جوعارىداعىداي نالۋلارمەن رەنىشتەرگە ايتارىم، بالكىم ولاردىڭ وزىندىك سەبەبى بولعان كۇندە دە، قاسيەت پەن ۇلىلىقتىڭ ارقاۋى، ٴتۇرلى قۇرمەتتەرمەن، ۇزىلمەس ارقاۋلاردىڭ دانەكەرى بولعان ايەل زاتى،ٴوز سۇلۋلىعىن اسىرام،ٴوز قادىرىن باعامدايىم، ٴوز قۇرمەتىن كوتەرەم،ٴوز باعاسىن نارىقتايىم دەسە، ەڭ الدىمەن ويلاۋ فورماسىنا وزگەرىس الىپ بارسا، بارلىق باقىت-بايلىق، نارىق-قۇرمەتى ٴتىپتى دە ارتارىٴشۇباسىز. «دۇنيەگە قان تامىرداي تارايتىن، جەر بەتىندە ايەل جايلى ەرتەك كوپ. ايەلدەرگە نەمقۇرايدى قارايتىن، ەركەكتى مەن سانامايمىن ەركەك دەپ. قاي كەزدە دە سۇلۋلقتىڭ جولى-مۇز، ايەل ٴبىزدىڭ عازيز بايلىق قورىمىز. ايەل ٴبىزدىڭ تاعدىرىمىز، تاعدىرىمىز بولعان سوڭ، بەلگىلى عوي، باعىمىز نە سورىمىز»-دەپ اقىندار جىرلاعانداي، «جارتى الەمنىڭ جارىق جۇلدىزى»، ايەل-انا، ايەل-پانا، ايەل-قۇرمەت، ايەل-باقىت، ايەل-قاسيەت، ايەل-ماحاببات، ايەل-سۇلۋلىق، ايەل-عاجايىپ، ايەل-عالامات. «ايەل بولىپ، سۇلۋ بولماۋ-نامىس»، مەنشە بۇل جەردەگى سۇلۋلىق،ٴتان سۇلۋلعىنان گورى جان سۇلۋلىعىنا كوبىرەك بەيىمدەلسە كەرەك، جانى تازا، كوڭىلى سۇلۋ، جۇرەگى مەيىرىمدى،ٴدىلى پاك جانداردىڭ قۇرمەتى بولەك، ورنى ەرەن، سيلاسىمى تەرەڭ بولادى. تومەندەگىٴبىرقانشا تۇيىندەر بالكىم ايەل زاتىنىڭ ەرلەردى تەرەڭدەي تۇسىنۋىنىڭ، قۇرمەتتەۋىنىڭ، سيلاۋىنىڭ جاردەمشىسى، ايەلدەر قۇرمەتىنىڭ-تەرەڭى، ايەلدەر ماحابباتىنىڭ-جىرى، ايەلدەر سۇلۋلىعىنىڭ-ارقاۋى، ايەلدەر جۇرەگىنىڭ-ٴۇنى بولىپ تا قالار.

1. اۋىزىنا قاعا بەرگەن ەردىڭ ٴسوزى ٴتاتتى بولعانىمەن، سيلاپ تۇسىنگەن ەردىڭ جۇرەگىندەي سۇلۋ بولماس. ەر ادام دا ەت جۇرەكتى پەندە، ول دا جىلىلىقتى، سيلاۋدى، مەيىرىمدى قاجەت ەتەدى، ەر ادام كەيدە بالاشا ويلاپ، پەندەشە كۇي كەشەدى. كەشكە دەيىن ەركەكتىڭ «سازايىن» بەرۋدى عانا ويلاعانىڭمەن، سوڭعى ناتيجەسىنىڭ قالاي بولارىن ويلاۋدا اقىلدى ايەل زاتنىڭ ٴىسى. اسىرەسە باسقا ايەلدەرمەن بىرگە اڭگىمە دۇكەنىن قۇرىپ، اۋىل اراسىنىڭ ىستىق لەنياسىنا اينالعاندارىڭدا، استە ەرىڭنىڭ جاقسى-جاماندىعىن تالقىلاما.

2. ەرلەردى وزگەرتە الماعانىڭمەن، وعان ىقپال جاساۋدى ويلاعايسىڭ. ەرلەر ايەلدەرگە قاراعاندا جالقاۋلاۋ كەلەدى، تەگىنەن تازالىققا كەلگەندە ايەل زاتىنىڭ ماڭعاراسىن دا كورە المايدى. ەر ادام دالادان، جۇمىستان ارىپ-شارشاپ كەلگەندە، انانى ىستە، مىنانى ىستە دەپ تىنىشىن الماعايسىڭ. ۇساق-تۇيەك ىستەرمەن ونىڭ ويىن ون ساققا جۇگىرتسەڭ، بۇل ونىڭ قىزمەت ىنتاسىنا، قىزمەتكە بولعان تەرەڭ سۇيىسپەنشىلىگىنە اسەر ەتىپ، وعان يدەيالىق جۇك بولۋى مۇمكىن.

3. ول ەسىكتەن كىرىسىمەن سەن ەسىكتەن شىعا جونەلىپ، ٴمانسىز باس قوسۋلارمەن شايلاردىڭ قۇرمەتتى قوناعى بولۋدان ساقتان. ويتكەنى ەر ادام سىرتتان، جۇمىستان قاجىپ، شارشاپ كەلگەنىندە سەميادا ەڭ الدىمەن كورگىسى كەلەتىنى اياۋلى جارى، سۇيىكتى ۇرپاعىنىڭ جارقىن ٴجۇزى، تىڭداعىسى كەلەتىنى جارىنىڭ سىڭعىرلى اۋەنى مەن «تاۋسىلماس جاراپازانى»، بۇل جەردەگى «جاراپازان» استە بوس سوزدەرمەن ايعايلار ەمەس قايتا تۇسىنىكتەر جانەٴسوز بىرلىگى. «سان ٴتۇرلى داۋىستاردىڭ ىشىندەگى ەڭ جاعىمدى، ەڭ ٴتاتتى داۋىس-ٴوزىمىز سۇيگەن ايەلدىڭ داۋىسى»-دەپ لابرويەر ايتقانداي، سۇيكىمدى ايەلدىڭ ٴتاتتى ٴۇنى، ماحابباتقا تولى كۇلكىسى مەن ىستىق لەبىزى-دۇنيەنىڭ ٴلاززاتى.

4. ايەل زاتى كۇمانىن استە ٴوزىنىڭ كەسىمىنە اينالدىرىپ الماۋى كەرەك. ايەل زاتى جانى نازىك بولۋمەن بىرگە كوپتەگەن نارسەلەرگە كۇمانمەن قاراپ، كۇدىگىن اسىرىپ، ٴوزىنىڭ دە وزگەنىڭ دە باسىن ورىنسىز اۋىرتىپ جاتاتىنىٴجاي قۇبىلىس، دەگەنمەن بارلىق نارسەنىڭ باعامى مەن ورنى بولعانى دۇرىس، كوپتەگەن ىستەر سەن ويلاعاننان باسقاشا ٴمان، باسقاشا ٴسان الىپ جاتادى. سەن ٴوز ويلاعانىڭ بويىنشا تۇجىرىم جانە كەسىم جاساعانىڭمەن، بۇل كوبىندە ەرلەرگە جاسالعان ادىلەتسىزدىك بولىپ، ولارعا اۋىر سوققى بولادى، بۇل ولاردىڭ وزىندىك سەنىمنە، ىزەت-قۇرمەتىنە، ار-نامىسىنا تيەدى. كەيدە ويلاماعان ناتيجەلەر، اۋىر، ۇشقىر ويدىڭ قاتەلىكتەرى مەن وقىستارىن تۋدىرىپ جاتادى.

5. ايەلدەر ٴارقانداي جاعدايدا، كىرپىدەي جىيرىلماۋى، اراشا شاعىپ الماۋى كەرەك. ايەل زاتى كوبىندە كىرپىدەي جىيرىلىپ، اراشا شاعىپ جاتسا، ەرلەر ساعان جاقىنداۋعا، وي بىرلىگى مەن ٴتىل بىرلىگى جانە ٴدىل بىرلىگىن ساقتاۋعا امالسىز قالادى، كىرپى مەن كۇشىك قالاي ماحابباتتاسا السىن، وت پەن سۋ قالاي وتاسا السىن.

6. ايەل زاتى ەرىنە كەيي بەرمەۋى، اسىرەسە اۋىر سوزدەر ايىتپاۋى كەرەك. كەيىپسىز كەيۋمەن ورىنسىز اۋىر سوزدەر ەر-ايەل اراسىنا سالقىندىق تۇسىرىپ، ماحابباتىنا داق سالادى، كوڭىلدەرگە قاياۋسالىپ سۋىندىرادى. فيزيكاداعى كۇش اسەرىنىڭ ٴوزارا بولاتىنىن ۇمتىپ قالماعايسىڭ. ەتىنە قانجار قاداساڭدا قىڭىق ەتپەيتىن ەركەكتىڭ بەرىكتىگى مەن قايسارلىعى، ايەلدىڭ نامىسقا تيەر ٴبىر اۋىز سوزىمەن جەرمەن-جەكسەن بولىپ، سىنىپ جاتاتىن-نازىك تە عاجايىپ كوڭىلى بار، ادام ٴوز سۇيگەن ادامىنا ەشقاشان جاماندىق ويلاماۋى، وداعاي ٴسوز ايىتپاۋى كەرەك، «اشىنعان ايەلدىڭ دولى بولاتىنداي، ساعى سىنعان ەركەك تە توزىمنەن تىسقارى كەتۋى مۇمكىن».

7. ماحاببات بەينە اقپا قۇمٴتارىزدى، ەركەكتى الاقانىمنان شىعارمايمىن دەپ ويلاما. ايەل زاتى استە ەر ادامدى الاقانىمنان شىعارماي ۇستايمىن دەپ ويلاماسىن، ەردى الاقانىڭا قىسقاننان گورى ونىڭ جۇرەگىن جاۋلاپ الۋعا ۇمتىلعايسىڭ. ەر ادام جاس كەزىندە اتا-اناعا وپالى بولسا، ۇيلەنگەن سوڭ وتباسىنا وپالى بولادى، ەر ادامنىڭ تىرلىگى، تۇرمىس ماقساتى، ۇمتىلىستارى كوبىندە اقشا تاۋىپ، بايلىق توپتاپ وتباسىن اسىراۋدان باسقا، ۇستانىمى، بەدەلى، ورنى، ەركەكتىك نامىسى، ۇجدانىٴۇشىن كۇرەستەرمەن تولادى.

8. ايەل زاتى ەركەكتى ٴسۇيۋ ٴۇشىن ەڭ الدىمەن ونىڭ اتا-اناسىن ٴسۇيۋىڭ، قۇرمەتتەۋىڭ، وپالى بولۋىڭ كەرەك. ونىڭ اكە-شەشەسى بولماسا، سەن ونى قايدان تاۋىپ سۇيەسىڭ؟ ايەل زاتى ٴوز اتا-اناسىنا بولعان پوزيتسياسى مەن اتا-ەنەسىنە بولعان پوزيتسياسىن پارىقتى ۇستاماۋى، سالىسترما جاساماۋى كەرەك. قانداي بولماسىن بارلىعى اتا-انا، ولار سەندەردى دۇنيەگە اكەلدى، باقتى-قاقتى، وقىتتى، ەرجەتكىزدى، الەمنىڭ جارىعىن، بۇگىنىگى كۇندى سيلادى. «ايەل بولىپ، سۇلۋ بولماۋ تابيعاتتى الداۋمەن تەڭ ەمەس پە؟»-دەپ ۇلىلار ايتقانداي، التىننىڭ سىنىعى، شۇعانىڭ قيىعىنداي قاستەرلەپ، تورگە وتىرعىزىپ، توبەسىنە كوتەرگەن اتا-اناڭ كىم؟ «تاس تۇسكەن جەرىنە اۋىر» دەپ قالعان عۇمىرىڭدا، قۇرمەتىن قىلۋعاجارالعان اتا-ەنەڭ كىم؟ سۇلۋلىق پەن نازىكتىكتى، وپالىلىقتى ارداقتاۋ، ۇرپاقتان-ۇرپاققا جالعاۋ، گەنگە ٴسىڭدىرۋ-ايەلدىڭ قاسيەتتى بورىشى، ۇيات پەن ۇلىتتىق بولمىستىڭ دانەكەرى، ۇلىلىقتىڭ-قاينارى، ۇرپاقتىڭ-ۇلاعاتى.

9. ەر-ايەل نيەتى ورتاق، پەيىلى ورتاق، كوڭىلى ورتاق بولسا، الىنباس قامال، اسپاس اسۋ بولمايدى، ايەل زاتى بارلىعىن قازبالاپ، ٴبارىن بىلۋگە قۇشتار بولماۋى كەرەك. ەر ادامنىڭ وزىندىك ويلارى، وزىندىك قۇپيالىقتارى، وزىندىك جوبا-جوسپارلارى، ماقسات-مۇراتتارى، وزىندىك ٴىشقۇستالىقتارى بولادى، ونىڭ بارلىعىن ساعان ايتىپ وتىرعىسى كەلمەيدى، ولار ونىٴوز الەمىندە،ٴوز قيالىندا، ٴوز جۇرەگىندە پارىقتاپ، قۇپيا ۇستاپ، سىرلى ەتىپ وتىرادى، بۇل ولاردىڭ تابيعاتى، بۇل ولاردىڭ تالعامى، سەن ٴسوزسىز قۇرمەت ەتۋىڭ، كەڭپەيىلدىكپەن قابىلداۋىڭ كەرەك. سەن ونىڭ وسى قاسيەتتەرىنەن شىنايى ٴلاززاتتانۋىڭا بولادى،ٴبىراق تولىق تۇسىنۋگە كۇش سالۋىڭ قاجەتسىز، ەرلەر الدىندا بارلىق ٴىستى قۇتقۋىرلاما، تەك ٴوزىڭنىڭ ىستەگەنىڭ عانا شەكسىز مۇلتىكسىز دەپ ساناما. ٴبىر اقىننىڭ:« سۇيىكتىم-اۋ، ٴانسىز ٴومىر ٴماندى مە؟ ٴان تۇزەلسە تۇزەيمىز عوي ٴساندى دە. جۇبايلار بار اڭگىمەسى تاۋسىلعان، ال ماحاببات-تاۋسىلمايتىن اڭگىمە!»-دەگەن وي قورتىندىسى بىزگە، تاۋسىلماس ماحاببات تابۋ، وتباسى بەرەكەسىن اسپەتتەۋ، قۋانىشتارمەن قىزىقتاردى ۇزاعىنان جاساۋ ٴۇشىن دە ورتاق ٴتىل بىرلىگى،ٴدىل بىرلىگى بولۋدى قۋاتتاپ وتىرماي ما؟ تىرلىك اتاۋلىنىڭ قۇدىرەتتى قوزعاۋشى كۇشى، ادامنىڭ پەشەنەسىنە جازىلعان باقىتتارىنىڭ باستاۋى، جان-دۇنيەڭدى تولقىتقار، تالاي تاڭدى دوڭبەكشۋمەن اتىرتقان، تالاي كۇندى سارىعۋمەن باتىرتقان، اق ماحابباتتىڭ، اسىل سەزىمدەردىڭ كۋاسى، ٴوزىنىڭ جانىمەن دە، تانىمەن دە، بۇكىل تابيعاتىمەن دە ەركىڭدى بيلەگەن سۇلۋلىقتىڭ قۇدىرەتى-ايەل زاتى، انالارعا دەگەن شەكسىز قۇرمەت جاساۋ، العىسپەن قاراۋ، سۇيىسپەنشىلىكپەن مامىلە جاساۋ ٴاربىر وركەندى ۇرپاقتىڭ، وسەر ۇرپاقتىڭ، سانالى ۇرپاقتىڭ، باقىتتى ۇرپاقتىڭ-باياندى بىرلىگى، باقتتى تىرلىگى، ۇلى وپالىلىعى. ساۋلەلى عۇمىردىڭ، قيال تىزگىنىن ىزگىلىك اتتى زاڭعارلاردىڭ بيىگىنە قاراي سۇيرەگەن كۇندەردىڭ شۇعىلاسى، سۇلۋلىقتىڭ-قاسيەتى. ايەلدىڭ مىنەزى-ەركەكتىڭ باقىتى.


    كەلۋ قاينارى: http://www.elarna.net/koru.php?tur=37&id=1057819

    پىكىرلەر:

    juz dep sifirmen jazingiz.