كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

ءدىن مەن ءداستۇر - ەگىز ۇعىم


ءتۇرى: قازاقپارات جاڭالىقتارى

ۋاقىتى: 18:51 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

الماتى. قازاقپارات- ەلىمىز ەگەمەندىگىن الىپ، ءوز الدىنا دەربەس مەملەكەت بولعان ساتتەن اتا داستۇرىمىزبەن بىتە قايناسقان اسىل ءدىنىمىزدىڭ دە ايى وڭىنان تۋدى. كەڭەس زامانىندا قازاق حالقىن تىلىنەن، دىنىنەن، داستۇرىنەن اجىراتىپ، ۇلتتىق رۋحىن السىرەتۋدىڭ سان ءتۇرلى ايلاسى جاسالعانى تاريحتان بەلگىلى. ​

ۇقساس جاڭالىقتار
ەلدەگى ءدىنارالىق كەلىسىم مەن تولەرانتتىلىق ساقتالۋعا ءتيىس بالالارىن «شاھيد» قىلۋ ءۇشىن شام استى – جات اعىم جەتەگىندە كەتكەن كەلىنشەكتىڭ اناسى ەكسترەميزم، تەرروريزم، سەپاراتيزم - دىنگە جات ۇعىم

تاۋەلسىزدىك العاننان كەيىن «قازاقتىڭ وزىندىك ۇلتتىق قاسيەتتەرىنىڭ قايتا قالىپتاسۋىنا قامقورلىق جاساۋ مەنىڭ پرەزيدەنتتىك تە، پەرزەنتتىك تە پارىزىم»، – دەپ ەلباسىمىز ۇلتتىق تاربيەگە ەرەكشە ءمان بەردى. ناتيجەسىندە شيرەك عاسىردان اسا ۋاقىتتان بەرى كوپتەگەن باعدارلامالار قولعا الىنىپ، ىسكە استى. سونىڭ ءبىرى «بولاشاققا باعدار: رۋحاني جاڭعىرۋ» باعدارلاماسى.

تاربيە بارشا ادامزاتقا قاجەتتى قۇندىلىق. ءدىنى بولەك، ۇلتى باسقا بولسا دا، بار ادامزات تاربيەنىڭ قاجەتتىلىگىن ءسوزسىز مويىندايدى. سوندىقتان ونى دۇرىس تاڭداۋ دا ءوز الدىنا ءبىر ماسەلە.

يسلام – ادام تاربيەسىن ءيلاھي جۇيەمەن ۇشتاستىرادى. ياعني، ادامزاتتىڭ بارلىق قۇندىلىقتارى قورعالعان شاريعات جولى. اللانىڭ تاربيە ءۇشىن تۇسىرگەن جۇيەسى تەك وزىنە عانا قۇلشىلىق ەتۋگە شاقىرۋمەن قاتار، ادامدىق قاسيەت پەن ادالدىقتى، كىشىپەيىلدىك پەن كەشىرىمدىلىكتى، مەيىرىم مەن جاناشىرلىقتى جانە ادامنىڭ ادامعا جاقسىلىق جاساۋ ارقىلى ەكى دۇنيەلىك باقىتقا جەتۋىنە بولاتىنىن مەڭزەيدى.

ءداستۇرلى ءدىنىمىزدىڭ نەگىزدەرىن ۇيرەنۋ ارقىلى جاستاردىڭ رۋحاني دۇنيەسى دامىپ، كەز كەلگەننىڭ قۇرىعىنا تۇسۋدەن ساقتانىپ قانا قويماي، ومىردەگى ءوز ورنىن تايعا تاڭبا سالعانداي ەتىپ بەلگىلەيدى. سونداي-اق اركىمگە ءبىر ەلىكتەۋدەن قۇتىلىپ، اقيقاتتىڭ جولىمەن عانا ءجۇرۋدى ۇيرەنەدى.

«يسلام - پاكتىكتى تالاپ ەتەتىن ءدىن. سول سەبەپتى تازالىق يماننىڭ باستى ءبىر بولىگى. ەل اراسىندا كەڭ تاراعان ىرىم-تىيىمدار حالىقتىڭ ءدىني نانىم-سەنىمىنەن شىققان. ايتالىق، ەڭ قاستەرلى تاعام نان ەكەنى شىندىق. ۇلكەندەر «بالاعا ناندى ءبىر قولىڭمەن ۇزبە»، – دەپ ايتىپ وتىرادى. سەبەبى، نان قاستەرلى تاعام. ونىڭ قوقىمىن جەرگە ورىنسىز شاشپاۋدى دا ۇيرەتكەن. تازالىق پەن ىسىراپقا جول بەرمەيتىن، اسقا قۇرمەت ادەبىن ۇيرەتىپ، باردىڭ باعاسىن ءبىلۋدى مەڭزەيتىن تىيىمدارمەن نەگە كەلىسپەسكە؟!

«تاڭعى استى تاستاما، كەشكى اسقا باقپا». تۇننەن امان تۇرعانىمىزبەن، كەشكە دەيىن تالاي وقيعا بولۋى مۇمكىن. سوندىقتان تاڭعى اسقا كەلگەن كىسى، البەتتە دامنەن اۋىز تيگەنى دۇرىس دەپ ساناعان.

جالپى ۇرپاعىن جامان بول دەپ تاربيەلەيتىن ۇلت جوق. ال تاربيەنىڭ نەگىزگى وزەگى ادامگەرشىلىك، ادالدىق، قاراپايىمدىلىق، ار-ۇيات، كىشىپەيىلدىلىك، ەلىنە-جۇرتىنا، جەرىنە سۇيىسپەنشىلىك – ءبىر سوزبەن ايتقاندا يماندىلىق. ءار حالىقتىڭ بويىندا ۇيرەنەرلىك، ۇلگى-ونەگە تۇتارلىق جاقسى ىزگى قاسيەت بارشىلىق. مىنە، وسىنى ەسكەرە وتىرىپ، ۇرپاعىمىزدى يماندىلىققا تاربيەلەۋ ارقىلى عانا ۇلتىن سۇيەتىن پەرزەنت وسىرە الامىز.

انەت ومارحانۇلى

يمام


كەلۋ قاينارى: http://www.elarna.net/koru.php?tur=3&id=1057817

پىكىرلەر:

juz dep sifirmen jazingiz.