كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

中国哈萨克语广播网


ءتۇرى: جۇڭگو قازاق راديو تورابى

ۋاقىتى: 18:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
اۋەلگى كەلۋ قاينارى: http://www.kazakcnr.com/zdgz2019/201910/t20191008_1365928.html

جالىقپاساڭ جۇرىستەن — ءجۇز جاساۋدان ۇمىتتەن

شىنىعۋ تۋرالى شىندىقتار

دانالار ايتقان ناقىل ءسوز

ادام ءجۇز جىل جاساي الادى. ءبىز ءوزىمىزدىڭ كۇيگەلەكتىگىمىزبەن، ءوزىمىزدىڭ تارتىپسىزدىگىمىزبەن، ءوزىمىزدىڭ اعزامىزعا بەيبەرەكەت قاراۋىمىزبەن وسىناۋ قالىپتى مەرزىمدى اناعۇرلىم ازايتىپ الامىز.

— ي. پ. پاۆلوۆ

سوتسياليستىك ەلدە جۇمىسشىلاردىڭ دەنساۋلىعى مەن شارۋالاردىڭ دەنساۋلىعى — مەملەكەتتىڭ قامقورلىق جاسايتىن نەگىزگى نارسەسى.

— م. ي. كالينىن

دەنساۋلىق —— بايلىقتان قىمبات.

— د. رەي

ءبىزدىڭ باقىتىمىزدىڭ وننان توعىزى دەنساۋلىعىمىزعا بايلانىستى.

— ا. شوپەنگاۋەر

قارشادايىمنان سپورتقا قۇشتار بولماسام، مەن، بالكىم، ەشقاشان كوسموناۆت تا بولماس ەدىم.

— گ. س. تيتوۆ

اقىرىندا، ادامنىڭ جۇزگە جەتپەي ءولۋى ۇيات بولاتىن كەزدىڭ تۋاتىنىنا ءبىز كامىل سەنەمىز.

— ي. ر. تارحانوۆ

دەنە جاتتىعۋلارىمەن قالىپتى جانە ءوز ۋاقىتىندا شۇعىلدانىپ وتىرعان ادامنىڭ اۋرۋدى قۇرتۋعا باعىتتاعان قارۋى. ول ەشقانداي ەمدەۋدى قاجەت ەتپەيدى.

— يبن-سينا

دەنە جاتتىعۋلارى كوپتەگەن ءدارى-دارمەكتىڭ ورنىنا جۇرە الادى، ءبىراق دۇنيەدە بىردەن-ءبىر دەنە جاتتىعۋىنىڭ وتەۋىنە جۇرە المايدى.

— ا. ميۋسسە

ساۋىڭدا جۇگىرمەسەڭ، اۋىرعاندا اۋرە بولۋىڭا تۇرا كەلەدى.

— گوراييي

جاياۋ ءجۇرۋ مەنىڭ ويلارىما قوزعاۋ سالىپ، جانداندىرا تۇسەدى، دەنەمنىڭ قوزعالىستا بولۋى قاجەت، سوندا اقىل-وي دا قيمىلداي باستايدى.

— ج. ج. رۋسسو

... وسىلاي تىزە بەرسەك ايتىلمىس تاقىرىپتاعى تۇجىرىمداردىڭ توپانى مولداۋ ەكەن. سوندا، «اۋىرىپ ەم ىزدەگەنشە، اۋىرمايتىن جول ىزدە»، «ون ەكى مۇشەڭ ساۋ بولسا — قاراباسىڭ حانمەن تەڭ»، «ساۋ ءجۇرۋدىڭ ءوزى ساۋىق» دەگەندەي، ساۋ ءجۇرۋ ءۇشىن ساقتانا ءجۇرۋ، ساقتانا ءجۇرۋ ءۇشىن ساۋلىق جايلى ساۋاتتى جاتقا الا ءجۇرۋ كەرەك سىندى. جوعارىداعى ۇلىلاردىڭ ۇلاعاتتى سوزدەرى — تومەندەگىدەي زەرتتەۋلەردىڭ قورىتىندىسى بولسا كەرەك. ەندەشە، امان ءجۇرىڭىز، امان ءجۇرۋ ءۇشىن جاياۋ ءجۇرىڭىز. تومەندەگى اۋدارمامىز — سونىڭ دالەلى، دەنساۋلىقتىڭ ءدال ەمى. ال، وندا وقىڭىز، ويىڭىزعا توقىڭىز. شىداپ ۇزاق ءجۇرىڭىز، عاسىر ءومىر ءسۇرىڭىز!

عىلىم-تەحنيكانىڭ وركەندەۋىنە ىلەسىپ، مەديتسينا سالاسى دا بارعان سايىن دامىدى، سوعان ساي سىرقاتتار سانى دا سايابىرلاسا كەرەك ەدى.

كەرىسىنشە، قالايشا ەمحانانىڭ ەسىگى ەنتەلەگەن ناۋقاستاردان بوسامايدى، نەلىكتەن كوپتەگەن ادامدار ۇنەمى سىرقاتتانادى؟ بۇعان، وسپە ءبولىمىنىڭ شيپاگەرى مىناداي ءبىر شىڭعىرعان شىندىقتىڭ سىرىن اشتى: شيپاگەر سەنىڭ سىرقاتىڭدى جازعانمەن، ءومىرىڭدى ەمدەي المايدى.

شىنياڭ قالالىق بەسىنشى حالىق ەمحاناسى وسپە ءبولىمىنىڭ شيپاگەرى شاڭ شۋ كەزىندە بەيجيڭ جاساندى سەرىكتىك تەلەۆيزياسىنىڭ «بايانداماشىمىن» اتتى باعدارلاماسىندا بىلاي دەگەن ەدى:

»شيپاگەر، مەديتسينا، تەك ۋاقىتتىق قانا سەنىڭ اۋرۋ-سىرقاۋىڭدى ءبىر جايلى ەتەدى؛ وزىق اسپاپ، يمپورتتىق ءدارى-دارمەكتەر، تۇبەگەيلى قۇتقارۋشى جۇلدىز بولا المايدى. تەك ءوز ومىرىڭە ءوزىڭ قۇرمەت ەتىپ، ءناپسىڭدى تيساڭ، عانا ولشەۋلى ءومىرىڭدى ءتىپتى دە حاۋىپسىز دە ساپالى ەتە الاسىڭ».

دەنساۋلىقتى ساقتاۋدا وزىڭە سۇيەنەسىڭ، اقاۋسىز تۇرمىس ءادىسى — اۋرۋدىڭ الدىن الۋدىڭ ەڭ ءونىمدى ۆاكسيناسى.

شيپاگەردىڭ جاقسىسى ءوزىڭسىڭ، جاياۋ ءجۇرۋ ەڭ جاقسى دەنە تاربيە، ۇنەمى جاياۋ جۇرەتىن ادامدار عانا ءوزىن كۇتە بىلەتىندەر.

ءبىرىنشى، ءجۇرۋ ارقىلى دەنەنىڭ بارلىق مۇشەسىن ارەكەتكە كەلتىرىپ، قان مايلاسۋ اۋرۋى، جوعارى قان قىسىمى، قانداعى قانت قۇرامىنىڭ جوعارىلاۋى مەن ايىقپاس اۋرۋدان الىس جۇرەسىز.

21- عاسىردا ءجۇرۋدى ەڭ جاقسى جاتتىعۋ ءادىسىنىڭ ءبىرى دەپ اتاعان. سەبەبى ول ۋاقىتتىڭ، كەڭىستىكتىڭ شەكتەمەسىنە ۇشىرامايدى، سونداي-اق ءجۇرۋ جىلدامدىعىنىڭ تەز-باياۋ قارقىنى ارقىلى، ۇقساماعان شىنىعۋ ونىمدىلىگىنە جەتۋگە بولادى.

قادامدى نىق الىپ ءجۇرۋدى انشەيىن اياق ارەكەتى دەپ قاراۋعا بولمايدى، كەزەكتە كوپتەگەن زەرتتەۋلەر قادامدى جۇيەلى نىق الىپ ءجۇرۋ دەنەنىڭ ءاربىر بولشەگىنە دەيىن ءونىمدى شىنىقتىرۋعا بولادى دەپ دالەلدەگەن:

وي-سانا — مي ءبولىمىنىڭ ەندورفين شىعارۋىن تەزدەتىپ، كوڭىل كۇيدى تەڭشەيدى.

وكپە ءبولىمى — تىنىس سيىمدىلىعىن كەڭەيتىپ، تەمەكىشىلەردىڭ قۇمارىن ازايتادى.

ارقا — ارقا بۇلشىق ەتتەرىن كۇشەيتەدى ءارى جون-ارقانىڭ زاقىمداۋلارىن تومەندەتەدى.

قول-اياق — ءجۇرۋ، سۇيەكتى ءونىمدى شىنىقتىرۋمەن بارابار، قول-اياق قاڭقا بۇلشىق ەتتەرىن كورنەكتى كۇشەيتەدى.

ەگەر ءبىر اپتادا قادامدى نىق باسىپ 7 ساعات جۇرەتىن بولسا (كۇنگە ءبولىپ جۇرگىزىلەدى):

1. ايدارشا ارتەريانىڭ قابىنۋىنان جابىسقان جۇرەك ناۋقاسى مەن جۇرەك سىرقاتتانۋ مولشەرىن %30 تومەندەتەدى.

2. ۇيقى بەزى راگىنە شالدىعۋ حاۋىپ-قاتەرىن %50 تومەندەتەدى.

3. ءولۋ قاتەرىن %50 تومەندەتە الادى.

4. ەگەر اياق استىنان راك اۋرۋىنا شالدىقسا، ۇنەمى جۇرەتىن ادامداردىڭ اۋرۋىنىڭ اسقىنۋ مولشەرى ارەكەتتەنبەيتىن ادامداردان %57 تومەن بولادى.

ءبىر كۇندە قادامىن نىق باسىپ ءبىر ساعات جۇرەتىن بولسا:

1. ەكىنشى ءتيپتى قانتتى نەسەپ (سۋسامىر) اۋرۋىنان %50 ءونىمدى ساقتانۋعا بولادى.

2. ومىراۋ راگىنە شالدىعۋ حاۋىپ-قاتەرىن %12 تومەندەتەدى، ءارقانداي جاستاعى ايەلدەرگە دە پايداسى ۇقساس.

ءار كۇنى ون نەشە مينۋت جۇرەتىن بولسا:

1. الپىس جاستان جوعارى قارتتار، ءبىر اپتادا ءۇش كۇن، ءار رەتتە 45 مينۋتتان جوعارى قادامىن نىق باسىپ ارەكەتتەنسە، اڭعارىمدىلىق يقۋاتىن ءبىرشاما جاقسى جالعاستىرۋعا كومەگى بولىپ، مەڭىرەۋلىكتەن ساقتايدى.

2. ءار كۇنى 20 مينۋت جۇرسە، ءار جىلى راك اۋرۋى، جۇرەك اۋرۋى جانە ميعا قان قۇيىلۋدان كەلىپ شىققان مەزگىلسىز ولىمنەن اۋلاق بولۋعا كومەگى بولادى.

ەكىنشى، ءجۇرۋ جىلدامدىعى ءومىردى مەجەلەيدى

ا ق ش پيتتسبۋرگ داشۋەسىنىڭ زەرتتەۋشىلەرى كەزىندە توعىز ءتۇرلى زەرتتەۋدى بىرلەستىرىپ قورىتىندى جاساعان: ءجۇرۋ جىلدامدىعىنىڭ تەز، باياۋلىعى ءومىردىڭ ۇزىن-قىسقالىعىن وتە جاقسى مەجەلەيدى:

قاراپايىم ادامداردىڭ ءجۇرۋ جىلدامدىعى ءار سەكۋندىنا 0.9 مەتر؛ ءجۇرۋ جىلدامدىعى ءار سەكۋندىنا 0.6 مەتردەن تومەن بولسا ادام ءولۋىنىڭ ىقتيمالدىعى ارتادى؛ ءجۇرۋ جىلدامدىعى ءار سەكۋندىنا ءبىر مەتردەن اسىپ كەتسە، ءومىرى ءبىرشاما ۇزاق بولادى.

جۇرگەن كەزدە، ادام دەنەسىنىڭ %60 تە %70 بولەگى ارەكەتكە كەلىپ، كوپ مولشەردەگى دەنە ەنەرگياسىن جۇمسايدى، تىنىس جۇيەسى، قان اينالىس جۇيەسى، نەرۆ جۇيەسى جانە بۇلشىق ەت، قاڭقا سۇيەك جۇيەسىن قامتىعان كوپتەگەن مۇشە جۇيەلەرى دەمەۋگە سايكەسەدى.

ال ءجۇرۋ جىلدامدىعى باياۋ بولۋ ءبىر جاعىنان قارتتاردىڭ دەنە جۇيەسى زاقىمدالعانىنان بەلگى بەرەدى، تاعى ءبىر تاراپىنان ول جۇرگەن كەزدە ءبىرشاما كوپ ەنەرگيا جۇمسايدى، سوندىقتان ءجۇرۋ جىلدامدىعىنىڭ ءوزى دەنساۋلىقتىڭ اۋجايىنان دەرەك بەرەدى.

ءۇشىنشى، بۇلاي جۇرسە، قىرۋار ءدارىنىڭ دارۋلىگىنەن الدە قايدا اسىپ تۇسەدى

ءار ءتۇرلى اۋرۋ-سىرقاۋدى جازا الاتىن قاسيەتتى ءدارى-دارمەك جوق، ارەكەتتەنۋ استە ءدارى-دارمەك ەمەس، ارەكەتتەنۋدىڭ دەنەگە بولعان جالپى بەتتىك اسەرىنىڭ ورنىن ءارقانداي ءدارى-دارمەك باسا المايدى.

1. ءار كۇنى «تەر» شىعارسا، قان تامىردىڭ يكەمدىگى جاقسارادى

تەردىڭ قۇرامىندا %98 سۋ، %2 نەسەپ سورى، نەسەپ قىشقىلى، ءسۇت قىشقىلى، تۇز سياقتى زاتتار بار. شىققان تەر تەك ادامنىڭ تەمپەراتۋراسىن تۇسىرۋمەن بىرگە، ەڭ ماڭىزدىسى، دەنەدەگى كوپتەگەن قوقسىق، مىسالى، ءسۇت قىشقىلى، نەسەپ قىشقىلى سىندى جاراقسىز زاتتار، اۋەلى، ۋىتتار، ۇلكەن دارەت، كىشى دارەتپەن تولىق دەنە سىرتىنا شىعا المايدى، تەك تەر بەزدەرى ارقىلى عانا سىرتقا شىعارىلادى.

جۇگىرۋ جىلدامدىعى تىم تەز بولماۋ كەرەك، ءجۇرۋ جىلدامدىعى تىم باياۋ بولسا دا بولمايدى، سەبەبى باياۋ جۇگىرۋ جانە تەز جۇرگەن كەزدە، ادام دەنەسى ادەتتەگىدەن نەشە ەسە نەمەسە نەشە ون ەسە وتتەگىن ءسىمىرىپ، دەنەدەگى بارلىق ىشكى مۇشە ءتىپتى دە جاقسى ارەكەتتەنىپ، يممۋنيتەت جۇيەسىن تىتىركەندىرەدى.

حۋاتونىڭ ءبىر سوزىندە «قالىپتى ەڭبەك پەن قيمىل بارىسىندا، ادام دەنەسى سىمىرگەن ازىقتىقتىڭ قۇنارى قورىتىلىپ ءسىڭىپ، قان اينالىسى جاقسارىپ، وڭايلىقپەن اۋرىپ-سىرقاتتانبايدى» دەگەن. ادام ارەكەت ارقىلى تەر شىعارعاندا، دەنە تەمپەراتۋراسى ءبىر كوتەرىلىپ ءبىر تومەندەۋ بارىسىندا، قان تامىرىنىڭ سوزىلعىشتىعىن ونان ارى جاقسارتادى.

2. اياق استىنان جان ۇزۋدەن ساقتانۋ ءۇشىن، جاياۋ جۇرۋگە بولاتىن جەرلەرگە امال بار اۆتوكولىككە وتىرماۋ

مەديتسينا ساناعىندا، ەلىمىزدە ءار ون ەكى سەكۋندتا جۇرەك-قان تامىر اۋرۋىنان ءبىر ادام جان ۇزەدى. قازىر قاتەرى ەڭ ءجيى تۋىلاتىن جاس شاماسى 35 جاستان 45 جاس ارالىعىندا، ال بۇل ادامداردا ەشقانداي بەلگى بولمايدى، مىسالى، ءجۇرىپ كەتىپ بارا جاتىپ، اياق استىنان جىعىلادى.

ساقتانۋدىڭ ءادىسى وتە قاراپايىم:

جۇرەتىندەي جەر بولسا ءسوزسىز ءجۇرۋ، جۇگىرەتىندەي جەر بولسا ءسوزسىز جۇگىرۋ، اۆتوكولىكتى امال بار جۇرگىزبەي ۆەلوسيپەد ءمىنۋ، باسپالداق بار جەرلەردە مۇمكىندىگىنشە باسپالداقپەن شىعىپ ليفتكە وتىرماۋ، مىنە بۇل بۇلجىمايتىن پرينسيپ.

ءار كۇنى جەتەرلىكتەي ۋاقىت شىعارۋ. مىسالى كەشتە ساعات جەتى-سەگىزدەن توعىز-ونعا دەيىن وتتەكتى دەنە شىنىقتىرسا بولادى.

3. ىشەك-اسقازاندى قورعاۋدا، كۇندە ىرعالىپ ءجۇرۋ

جۇرگەن كەزدە ەڭ الاڭداتاتىنى قۇرساقتىڭ ارەكەتكە كەلمەۋى، قۇرساق ارەكەتتەنبەسە، كوپتەگەن اۋرە-سارساڭ تۋدىرادى. بۇل توپتاعى ادامداردا ءىش قاتۋ، تىك ىشەك راگى مەن توق ىشەك راگى ءجيى كەزدەسەدى.

بۇگىننەن باستاپ، ءبىر ارەكەت ىستە، قوس قولىڭمەن مىقىنىڭدى تايانىپ، ەكى اياعىڭدى بىرىكتىرىپ، ودان كەيىن قۇرساق كۇشىڭمەن «وڭ-سولعا ىرعال»، تەلەۆيزور كورگەن كەزدە ۇنەمى وتىرىپ الماي، وسى ارەكەتتى 15 مينۋت ىستەسەڭ بولعانى.

ەگەر ءار كۇنى كەشتە جۇرگەن كەزىڭدە وسىلاي ىرعاتىلساڭ، ەكىنشى كۇنى تاڭەرتەڭ دارەتحانادا وتىرعان جىلدامدىعىڭنىڭ تەزدەگەنىن بايقايسىڭ.

4. ءجۇرىپ بارا جاتىپ سان ساناۋ

ادام جوتەلدى بولدى، وكپەدە ءسوزسىز پالە بولدى دەگەن ءسوز. سىرقاتتانىپ شيپاحانادا جاتقان 10 كاريانىڭ سەگىزى، نە توعىزى ءوز اۋرۋىنان ەمەس، وكپە قابىنۋى مەن وكپە قىزمەتىنىڭ زاقىمدالۋىنان جان ۇزەدى.

قايتىپ جاتتىعۋ كەرەك؟ ءار كۇنى جۇرگەن كەزدە ىشتەي ءبىر، ەكى، ءۇش، ءتورت، ءبىر، ەكى، ءۇش، ءتورت دەپ سان ساناۋ كەرەك، بۇل ءتورت ساناق ءتورت قادامعا ۋاكىلدىك ەتەدى، بۇل ارەكەتتى ىستەگەندە ءبىرىنشى، ەكىنشى، ءۇشىنشى قادامدا تىنىستاپ، ءتورتىنشى قادامدا تىنىستى شىعارادى، باستان اياق دەنەنى تىك ۇستاپ، ەڭكىش جۇرمەۋ كەرەك.

5. قانتتى نەسەپ (سۋسامىر) اۋرۋىن تەجەۋدە، اياقتى بۇگىپ ءجۇرۋ

كوپتەگەن قانتتى نەسەپ اۋرۋىنا شالدىعۋشىلار ءار كۇنى ۇلكەن قاداممەن ءجۇرۋ ادەتىن قالىپتاستىرعان، ەگەردە جۇرگەندە ءبىر ۋاقىتتا كوبىرەك اياق بۇگىپ جۇرسە ءتىپتى دە جاقسى بولادى.

اياق بۇگىپ ءجۇرۋدىڭ نەگىزگى مازمۇنى الدىمەن الدىعا ۇلكەن قادام باسىپ، ودان كەيىن الدىڭعى اياقتى جەبە سەكىلدى ءيىپ، ساندى جەر جۇزىمەن بىردەي ەتكىزىپ، ءبىر-ەكى سەكۋند تۇرۋ، ودان كەيىن اياق الماستىرىپ جالعاستى ىستەۋ.

ءار كۇنى وسىلاي تاباندىلىقپەن بەس تە ون مينۋت ءجۇرىپ بەرسەڭىز، سانىڭىزدىڭ بۇلشىق ەتتەرى ءسوزسىز بىرتىندەپ داميدى، دامىعان بۇلشىق ەت — «تابيعي قانتتى تىزگىندەيتىن ءدارى-دارمەك»، ول قانداعى قانت قۇرامىن كورنەكتى تىزگىندەيدى.

6. بەل جۋاندىعىن، ۇرعىلاۋ ارقىلى كىشىرەيتۋ

دەنەنىڭ سەمىزدىگىنەن اۋرۋ جامالادى، قۇرساقتىڭ سەمىزدىگى جان الادى.

ايەلدەردىڭ بەل جۋاندىعى 80 سانتيمەتردەن، ەرلەردىڭ بەل جۋاندىعى 85 سانتيمەتردەن اسىپ كەتسە، ىشەك-قارىن مايىنىڭ ولشەمنەن اسىپ كەتۋ حاۋپىنە دۇشار بولۋ ىقتيمالدىعى بار.

جۇرگەن كەزدە قولدى ارەكەتكە كەلتىرىپ قۋىرساق اينالاسىن ۇرعىلاسا (مىسالى قابىرعانىڭ ەتەگىن )، بەل اينالىمىن ارىقتاتۋعا كومەگى كورنەكتى.

قابىرعا استىنداعى جۇيكە ۇياشىقتارى جولداعى «دوڭگەلەك ارالشا»مەن بىردەي، توڭىرەگىندەگى اۆتوكولىكتەردىڭ بارلىعى «دوڭگەلەك ارالشا»نى اينالىپ وتەدى، ەگەر دوڭگەلەك ارالشا كەپتەلىپ قالسا، باسقا جولمەن دە ءجۇرۋ ىقتيمالدىعى بولماي قالادى، سوندا جۇرگەن كەزدە ەكى قولمەن بەلدىڭ وڭ-سول ەكى جاعىن ۇرعىلاۋدىڭ زيانى جوق، ءار كۇنى بۇل ارەكەتتى جارىم ساعات جالعاستىرسا، بەل جۋاندىعى ءسوزسىز دەرەۋ جىڭىشكەرەدى.

ەسكەرتۋ: جۇرگەن كەزدە اسكەر سەكىلدى كوكىرەك كەرە تۇرىپ ءجۇرۋ كەرەك، باستى ۇنەمى تومەن قاراتىپ جۇرەتىن بولسا ومىرتقا سۇيەگىنە اۋىر سالماق ءتۇسىپ، مويىن ومىرتقاسى مەن بەل ومىرتقاسىنا اسەر ەتەدى، وعان قوسا جۇرگەندە وكشە جەرگە ءتيۋ كەرەك، وكشە جەرگە تيمەسە، مىسالى، ۇنەمى بيىك وكشەلى اياق كيىم كيگەن ايەلدەردىڭ اياق باسى دوعاسىنا ىقپال جاسايدى.

ۇزاق ۋاقىت جاياۋ ءجۇرۋ دەنەدەگى جۇرەك، وكپە يقۋاتتارىنىڭ بارلىعىنا زور جاتتىقتىرۋ رولى بار.

شيپاگەر تەك سەنىڭ اۋرۋ-سىرقاتىڭدى جازا الادى، ءبىراق ءومىرىڭدى جازا المايدى، دەنساۋلىق ءوزىڭنىڭ قولىڭدا، ءار كۇنى جۇرسەڭ، جانىڭنان اقشا شىعارماي-اق، قان مايلاسۋ اۋرۋى، جوعارى قان قىسىمى، قانداعى قانت قۇرامىنىڭ جوعارىلاۋى جوعالىپ، ايىقپاس اۋرۋدان الىستايسىڭ، بۇنداي جاقسى ءىستى قايدان تاپپاقسىڭ!

سوڭعى ەسكەرتۋ: ءجۇرۋ وتە جاقسى، دەسەدە ءوزىڭنىڭ دەنساۋلىق جاعدايىڭا قاراپ جۇرۋگە كوڭىل ءبول.


    كەلۋ قاينارى: http://www.elarna.net/koru.php?tur=37&id=1057806

    پىكىرلەر:

    juz dep sifirmen jazingiz.