كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211158392350 %50 %

تۋريستسىزدەر مە - وقۋ-جاتتىعۋعا نيدەرلاند ەلىنە بارعان بوكس باپكەرلەرى سىنعا قالدى


ءتۇرى: قازاقپارات جاڭالىقتارى

ۋاقىتى: 18:18 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – قر ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆ وقۋ-جاتتىعۋ وتكىزەتىن مەملەكەتتەردى تاڭداۋدا كەستە بەكىتكەن قازاقستان بوكس فەدەراتسياسىنىڭ باپكەرلەر كەڭەسىن سىنعا الدى، دەپ حابارلايدى قازاقپارات ءتىلشىسى.

ۇقساس جاڭالىقتار
دينا جولامان بوكستان الەم چەمپيوناتىنىڭ شيرەك فينالىنا ءوتتى تيمۋر قۇلىباەۆ قازاقستان بوكس فەدەراتسياسى باسشىلىعىنان كەتەتىنىن مالىمدەدى ۇمىتتى اقتامادىڭدار – قۇلىباەۆ بوكستان ۇلتتىق قۇراما باپكەرلەرىن قاتاڭ سىنعا الدى

«باپكەرلەر كەڭەسى شەتەلگە شىعاتىن وقۋ-جاتتىعۋ جيىندارىنا قاراڭىزدار. سىزدەردىڭ گەوگرافيالارىڭىز (وقۋ-جاتتىعۋ جيىنىن وتكىزۋدە تاڭدالاتىن مەملەكەت) قانداي قاعيداتپەن بەلگىلەنەتىنى تۇسىنىكسىز. كورشى وزبەك قۇراماسىن بىلەسىزدەر، كەرەمەت كوماندا. مەن سىزدەردەن وزبەكستاندا نە بولىپ جاتقانىنا تالداۋ جۇرگىزىپ كورۋدى وتىنگەن بولاتىنمىن. ول قالاي ءدۇر سىلكىندى؟ ول جاقتا بوكسقا قىزىعۋشىلىق ءبىر مەزەتتە قالايشا شارىقتاپ كەتتى؟ وزبەكستان شىنىندا دا مىقتى كوماندا ازىرلەپ، كەرەمەت ناتيجە كورسەتە باستادى. سىزدەر بولساڭىزدار، ەشقانداي تالداۋ جۇرگىزبەدىڭىزدەر، جاۋاپ تا بەرە الماي وتىرسىزدار. وقۋ-جاتتىعۋ ءۇشىن گوللانديا ەلىنە بارا جاتىر ەكەنسىزدەر. ول جاقتا نە ىستەيسىزدەر؟ بارىڭدار دا وزبەكتەرمەن توبەلەسىڭدەر. وليمپياداعا بارىپ دايىندالىڭدار! سەندەردىڭ ناعىز سپاررينگ-قارسىلاستارىڭ سول جاقتا»، - دەدى تيمۋر قۇلىباەۆ قازاقستان بوكس فەدەراتسياسىنىڭ وتىرىسىندا.

ونىڭ ايتۋىنشا، قازاق بوكسشىلار كۇنى ەرتەڭ توكيو وليمپياداسىندا وزبەك جانە ورىس بوكسشىلارىمەن التىن مەدالعا تالاساتىن بولادى.

«گوللانديادان نە جوعالتىپ الدىڭىزدار؟ تۋريستسىزدەر مە؟ بەكجان (بەكتەنوۆ – فەدەراتسيانىڭ اتقارۋشى ديرەكتورى) تالاپتى السىرەتپەڭدەر! اقشانىڭ ءبارىن يگەرۋگە جۇمساپ، ادامدار اقىرى ارى-بەرى ساندالىپ ءجۇر. رەسەيدە قانشاما مىقتى بوكسشىلار بار. ول جاقتا نەگە وقۋ-جاتتىعۋ جيىندارىن وتكىزبەسكە؟ كۋبالىقتار بار. ولار دا وليمپيادادا ەرتەڭ ەڭ جوعارى دارەجەدە ونەر كورسەتەدى. نەلىكتەن ولارمەن سپاررينگ وتكىزبەيسىزدەر. سىزدەر تۋريست ەمەس، وليمپيادا چەمپيوندارىن دايىندايتىن ادامسىزدار. ولاردى لايىقتى قارسىلاستارعا قارسى قويىڭدار. ساپار كەستەسىن قايتا قاراڭدار! بۇل مەنىڭ تاپسىرمام» - دەدى تيمۋر قۇلىباەۆ.

ەسكە سالا كەتسەك، قازاقستان بوكس فەدەراتسياسىنىڭ بۇگىنگى وتىرىسىندا تيمۋر قۇلىباەۆ اتالمىش فەدەراتسيا باسشىلىعىنان كەتەتىنىن مالىمدەگەن بولاتىن.

ونىڭ ورنىنا بەلگىلى قازاقستاندىق بيزنەسمەن كەڭەس راقىشەۆ سايلاندى.


كەلۋ قاينارى: http://www.elarna.net/koru.php?tur=3&id=1057801

پىكىرلەر:

juz dep sifirmen jazingiz.