كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

مادەنيەت ءمينيسترى ديالوگقا دايىن، ال وزگەلەرى شە؟ | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 18:15 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.مادەنيەت ءمينيسترى ديالوگقا دايىن، ال وزگەلەرى شە؟ | DalaNews

مادەنيەت ءمينيسترى ديالوگقا دايىن، ال وزگەلەرى شە؟

بىزدىڭ ەلدە حالىق پەن بيلىكتىڭ اراسى تىم الىستاپ كەتكەن. ات توبەلىندەي ازعانا توپ عارىشتا، قالىڭ بۇقارا عالامشاردا سەكىلدى.

 وتىز جىلعا جۋىقتاعان تاۋەلسىزدىك جىلدارىندا وسىلايشا، ەكى ءتۇرلى الەمنىڭ پايدا بولۋى ولاردىڭ ءوزارا ءتىل تابىسۋلارىنا قيىندىق تۋدىرا باستادى. ارينە، مۇنىڭ سوڭى جاقسىلىققا اپارماسى باسى اشىق اڭگىمە.

بيلىكتىڭ حالىققا جاقىنداۋى، بىرگە تىنىستاۋى قوعامداعى تۇراقتىلىقتى قامتاسىز ەتەتىن باستى فاكتور.

 وسىنى ەسكەرسە كەرەك، قر پرەزيدەنتى ق.توقاەۆ العاشقى جولداۋىندا بيلىكتەگى لاۋازىم يەلەرىنىڭ حالىققا ەتەنە جاقىنداۋىن، ەل-جۇرتپەن ارادا سالماقتى ديالوگتىڭ ورناۋىن تالاپ ەتتى.

وسىنداي ىزگى نيەتپەن قوعامدىق سەنىم كەڭەسىن قۇرعانىمەن، ونىڭ ازىرشە ناتيجەسى كومەسكىلەۋ بولىپ تۇر. اتالمىش كەڭەس العاشقى جيىندارىنان-اق وزدەرىن «نۇر وتان» پارتياسىنىڭ فيليالى سەكىلدى كورسەتىپ الدى. ولارعا ءقازىر بيلىكتىڭ سەنىمى قانشالىقتى ەكەنىن بىلمەيمىز. حالىقتىڭ سەنىمى سونشالىقتى كەرەمەت دەۋگە كەلمەيدى.

جالپى، جوعارى لاۋازىم يەلەرى ءوز قىزمەتىمەن قاتار كۇندەلىكتى ىس-ارەكەتىن، وي-پىكىرىن حالىققا جاريا تۇردە كورسەتە العاندا عانا وعان دەگەن سەنىم ارتادى.

ەش رياسىز اشىلىپ سويلەپ، سىرىن ايتقاننىڭ وزىندە جۇرت ونى وزىنە جاقىن تارتىپ، رازى-حوش بولىپ جاتادى.

ال مەيلىنشە، تۇيىقتالىپ، سىر بىلدىرمەي سازارىپ جۇرگەن ساياساتكەرگە دە، مەملەكەتتىك جوعارى لاۋازىم يەسىنە دە سەنىمسىزدىك پەن كۇدىك ۇلعايا تۇسپەسە،  سەنىم از بولادى.

ولاي بولسا، لاۋازىم يەلەرىنىڭ حالىققا جاقىنداۋىنىڭ، ولارمەن ەمەن-جارقىن ديالوگ قۇرۋدىڭ ماڭىزدى تەتىگى – اقپارات قۇرالدارىنىڭ اشىق مىنبەرلەرىنە ءجيى شىعۋى، جاريالى تۇردە تىلدەسۋى بولسا كەرەك. وكىنىشكە قاراي، ءبىزدىڭ اكىم-قارالار، لاۋازىمى ءىرى تۇلعالار جۋرناليستەردەن ات-توندارىن الا قاشادى.

تىكەلەي ەفير دەسە ءتىپتى، جولامايدى. جاي سۇحباتتىڭ وزىنە ورىنباسارىن جىبەرەدى. كەيبىرى ءتىپتى ءباسپاسوز قىزمەتىن العا تارتىپ، وزدەرى ءىزىم-عايىم قاشىپ جوعالادى.

بىزدەگى اقپارات قۇرالدارىنىڭ كوبى ۇكىمەتكە باعىنىشتى، تىكەلەي سولاردىڭ ىعىمەن جۇرەتىندەرىنىڭ كوپتىگىنە قاراماستان، بۇلاي ۇركۋدىڭ سىرى حالىق الدىنا شىعۋدان قايمىعاتىن الدە ءبىر سىرلارى بار ما دەگەندەي كۇدىك تۋدىراتىنىن نەسىنە جاسىرايىق.

دەگەنمەن مينيسترلەرىمىزدىڭ اراسىندا دا ارا-تۇرا اقپارات وكىلدەرىمەن اشىق اڭگىمەگە باراتىندارى كەزدەسەدى ەكەن. بۇل تۇرعىدان كەلگەندە، ءوز باسىم قر مادەنيەت جانە سپورت ءمينيسترى اقتوتى رايىمقۇلوۆا جاڭاشا كوزقاراسى باسىم، حالىقپەن ءتىل تابىسا الاتىن دەموكراتيالىق قوعامعا بەيىم تۇلعا رەتىندە كورىپ وتىرمىن.

نەگىزى، بەتپە-بەت اڭگىمەگە دايىن بولا الۋدىڭ استارىندا بەلگىلى ءبىر تۇلعانىڭ مىقتىلىعى دەسەك تە بولادى. ءوزىن بار بولمىسىمەن شىنايى كورسەتە الۋىنىڭ ءوزى مينيستر لاۋازىمدى تۇلعا ءۇشىن حالىققا جاقىندىعىن كورسەتەتىن تاعى ءبىر قىرى دەۋگە بولادى.

اقتوتى رايىمقۇلوۆا حانىمنىڭ اشىق سۇحباتقا باتىل شىعىپ، شىنايى جاۋاپ بەرگەنىن يۋتۋب ارناسىنان كورىپ قالدىم.

شىندىعىن ايتقاندا، كوپتەگەن ءبىرىنشى باسشىلاردىڭ مۇندايعا جۇرەگى داۋالامايدى عوي، نەگىزى. ونىڭ وزىندە بيلىكتىڭ ىعىنا جىعىلىپ، ءسوزىن سويلەپ جۇرگەن رەسمي باق ەمەس، امان تاسىعان سەكىلدى تىم ەركىن ءارى تسەنزۋراسىز سويلەيتىن بلوگەردىڭ ۇسىنىسىن قابىلداپ تىكەلەي ەفيرگە شىعۋى مينيستر قارىنداستىڭ وزىنە دەگەن سەنىمدىلىگىن جانە قوعام الدىنداعى زور جاۋاپكەرشىلىكتى تەرەڭ سەزىنە بىلگەندىگى بولسا كەرەك.

اقتوتى حانىم بلوگەردىڭ بارلىق سۇراعىنا ەش توسىلماستان، سالماقتى جاۋاپ بەرە الۋى جاس ءمينيستردىڭ الدەن ىسىلا باستاعان باتىل ساياساتكەر ەكەندىگىن اڭعارتقانداي بولدى.

مەن ونىڭ وسى قادامىنا رازى بولدىم. دەموكراتيالىق اشىق قوعام قۇرۋ ءۇشىن مينيسترلەر حالىقپەن وسىلايشا ديالوگقا شىعا الاتىن بولعانى ابزال. وزگەلەر ۇلگى السا، قانەكي.

قۋاندىق شاماحايۇلى، جۋرناليست

ارنايى «قالا مەن دالا» گازەتى ءۇشىن

نا يزوبراجەني موجەت ناحوديتسيا: 2 چەلوۆەكا


كەلۋ قاينارى: http://www.elarna.net/koru.php?tur=25&id=1057798

پىكىرلەر:

juz dep sifirmen jazingiz.