كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

دجەنەريك دەگەن نە؟ | قازاق گازەتتەرى


ءتۇرى: قازاق گازەتتەرى

ۋاقىتى: 18:03 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.


جىل سايىن دارى-دارمەكتەردىڭ باعاسى شارىقتاۋ ۇستىندە. ءدارىحانالارداعى باعالاردى كورگەندە، جاعا ۇستايمىز. ءقازىر تانىمال دارىلەردىڭ ارزان بالامالارى ءدارىحانالاردا ساتىلا باستادى. ولارعا دەگەن سۇرانىس بارعان سايىن ارتۋدا. بۇل دارىلىك زاتتاردىڭ ارزان بولۋى ءوندىرۋشى تانىمالدىلىعىنىڭ تومەندىگىمەن تۇسىندىرىلەدى. قىمبات دارىلەردى قالتاسى كوتەرمەيتىن تۇتىنۋشى ءۇشىن ولاردىڭ ارزان بالامالارى  دەرتكە داۋا بولماق.

جاڭا تەحنولوگيالارى مەن زاماناۋي جابدىقتارى بار ءىرى كومپانيالار مەديتسينالىق دارى-دارمەك جاساپ شىعارعان سوڭ، مىندەتتى تۇردە پاتەنتتەيتىنى انىق. سوندىقتان باسقا كومپانيالار ءدال وسى پرەپاراتتى شىعارىپ، قولدانىسقا ەنگىزە المايدى. ءبىراق پاتەنتتەۋدىڭ مەرزىمى اياقتالعان سوڭ، وزگە كومپانيالاردىڭ ءدال سونداي دارى-دارمەك شىعاراتىن مۇمكىندىگى تۋادى. مۇنداي دارىلەر دجەنەريكتەر دەپ اتالادى.  ياعني بۇل ءدال سول دارىلەردىڭ اتاۋى عانا وزگەرگەن بالاماسى.   بۇگىندە دجەنەريكتەر كوپتەگەن مەملەكەتتەردە ساتىلۋدا. ولاردى ءتىپتى عالامتور-دۇكەندەرى ارقىلى ساتىپ الۋعا بولادى.  ءار مەملەكەتتەگى بارلىق دارىلەردىڭ 25-80% دجەنەريكتەر قۇرايدى. دجەنەريكتەردىڭ ەڭ باستى ايىرماشىلىعى باعاسىنىڭ تومەندىگىندە. ول ءتىپتى 2 نەمەسە 3 ەسەگە ارزان بولۋى مۇمكىن. تۇتىنۋشىلاردىڭ باسىم بولىگى ارزان باعاعا قىزىعىپ، دجەنەريكتەردى تاڭدايدى ەكەن. الايدا باعانىڭ مۇنشا تومەندىگىنىڭ سەبەبىن ويلاپ، باس قاتىراتىندارى  نەكەن-ساياق. ءىرى كومپانيالار دارىلىك زاتتىڭ جارناماسى مەن ونىڭ قۇرامىن زەرتتەۋگە قوماقتى قاراجات جۇمسايتىندىقتان، باعاسىن دا بارىنشا كوتەرمەلەۋگە ءماجبۇر بولادى.

دجەنەريك – جاساندى كوشىرمە ەمەس. سوندىقتان ونىڭ ساپاسىنا الاڭداماعان ءجون، دەيدى عالىمدار.

دايىنداعان ءۇمىت ءجۇمادىلوۆا



كەلۋ قاينارى: http://www.elarna.net/koru.php?tur=6&id=1057793

پىكىرلەر:

juz dep sifirmen jazingiz.