كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2417572533 %67 %

ورال تۇرعىندارى "1،5 مىڭ اعاش وتاپ سالاتىن" كوپىرگە قارسى بولدى


ءتۇرى: Ult.kz ۇلىت تورابى

ۋاقىتى: 17:50 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

ورال قالاسىنداعى قوعامدىق تىڭداۋ. 8 قازان 2019 جىل.

سەيسەنبى كۇنى ورال قالالىق اكىمدىگىندەگى قوعامدىق تىڭداۋ كەزىندە تۇرعىندار قالا ورتالىعىن جاڭا اۋدانمەن جالعايدى دەپ جوسپارلانعان كوپىر ەكولوگياعا نۇقسان كەلتىرەتىنىن ايتتى. كەي تۇرعىندار كوپىردى باسقا جاققا سالۋدى ۇسىنسا، كەيبىرى جوبادان مۇلدە باس تارتۋدى تالاپ ەتتى. اكىمدىك وكىلدەرى ولاردىڭ ۇسىنىستارىن ەسكەرۋگە ۋادە بەردى.

شاعان وزەنىنە سالىناتىن جاڭا كوپىر قالا ورتالىعىن "اقجايىق" ىقشام اۋدانىنا جالعاۋى ءتيىس. جوبا بويىنشا، كوپىر سالاتىن جەردەگى 1500 ءتۇپ اعاش كەسىلىپ، توڭىرەگىندەگى ءتورت تۇرعىن ءۇي بۇزىلادى.

- جول ساياباقتى كەسىپ وسەدى. بۇل - قالاعا تىنىس بەرىپ تۇرعان قالىڭ اعاشى بار ساياباق. ساياباق جويىلسا قالا ەكولوگياسىنا تىكەلەي اسەر ەتەدى. ەكولوگياعا اسەرى جايلى ەسەپ-قيساپتارىڭىز بار ما؟- دەدى تۇرعىنداردىڭ ءبىرى بولات جۇرمۇحامبەتوۆ.

قالا اكىمىنىڭ ورىنباسارى بەكجان توقجانوۆ مۇنداي ەسەپ جۇرگىزىلمەگەندىكتەن سۇراققا جاۋاپ بەرە المايتىنىن ايتتى.

- بۇل ازىرگە جوبا مەن قوعامدىق تىڭداۋ عانا. ناقتى قۇرىلىس جايلى اڭگىمە ازىرگە قوزعالعان جوق، - دەدى توقجانوۆ. ءبىراق ونىڭ سوزىنە قاراعاندا بولاشاق كوپىر جوباسى بەكىتىلىپ قويعان.

جەرگىلىكتى كاسىپكەر ميحايل مارچەنكو جاڭا كوپىر بالىق شارۋاشىلىعىنا كەرى اسەر ەتەدى دەپ سانايدى. ول جاڭادان سالىناتىن كوپىر ماڭىنداعى شاعىن كولدەردە ون جىلدان بەرى بالىقشىلىقپەن اينالىسادى.

- قۇرىلىس باستالماي جاتىپ، بالىققا زيانى ءتيىپ جاتىر: كوپ تەحنيكا، قۇرىلىس جۇمىستارى، قوقىستار، قالدىقتار - وسىنىڭ ءبارى سۋدىڭ ساپاسىنا اسەر ەتەدى، - دەدى مارچەنكو.

ال بەكجان توقجانوۆ كوپىر قۇرىلىسى بالىق شارۋاشىلىعىنا اسەر ەتپەيدى دەپ سەندىرۋگە تىرىستى.

تۇرعىندار مەن بيلىك اراسىنداعى ديالوگ بىرنەشە ساعاتقا سوزىلسا دا، جينالعاندار ورتاق شەشىمگە كەلە المادى. كەزدەسۋ سوڭىندا تۇرعىندار ماسەلەنى داۋىس بەرۋ ارقىلى شەشۋدى ۇسىنعان، ءبىراق قالا اكىمىنىڭ ورىنباسارى بەكجان توقجانوۆ كەلىسپەدى. ول جۋرناليستەر سۇراقتارىنا جاۋاپ بەرمەي كەتتى.

اكىمدىك جوسپارى بويىنشا، شاعان وزەنىنە سالىناتىن كوپىر 2020 جىلى باستالىپ، 2022 جىلى اياقتالۋى ءتيىس. قۇرىلىسقا شامامەن 8-13 ميلليارد تەڭگە جۇمسالادى.

ازاتتىق


كەلۋ قاينارى: http://www.elarna.net/koru.php?tur=53&id=1057784

پىكىرلەر:

juz dep sifirmen jazingiz.