كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211158392350 %50 %

تۋريستەر «ۇيعىر» اۋدانىن ەمەس، شارىن شاتقالىن كورۋگە كەلەدى


ءتۇرى: Ult.kz ۇلىت تورابى

ۋاقىتى: 17:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

جۋىردا الماتىلىق جيىرما جۋرناليست وتاندىق ءتۋريزمدى ناسيحاتتاۋ ماقساتىندا الماتى وبلىسىندا ورنالاسقان شارىن شاتقالىنا ساياحاتتادى.

شارىن شاتقالى الماتى وبلىسىنىڭ وڭتۇستىك-شىعىسىندا ورنالاسقان، ۇيعىر اۋدانىنىڭ اۋماعىندا جاتىر. بۇل اۋدان - وزگە ۇلت اتاۋى بەرىلگەن قازاقستانداعى جالعىز اۋدان. سوندىقتان بولار، اۋداننىڭ اتىن وزگەرتۋ ۇسىنىسى ءبىراز ۋاقىتتان بەرى كوتەرىلىپ كەلەدى. ەكى-ۇش جىلدا ءبىر رەت پرەزيدەنتكە، ۇكىمەتكە اشىق حات جازىلىپ، ءباسپاسوز بەتتەرىندە ماقالالار جاريالانادى.

باسقا ماسەلەنى بىلاي قويعاندا، وسى اۋدانعا شارىن اۋدانى اتاۋى بەرىلسە، وتاندىق ءتۋريزمدى دامىتۋعا ۇلكەن سەپتىگىن تيگىزەر ەدى. ويتكەنى جوعارىدا ايتقان جيىرما جۋرناليست شاتقال ىشىندە كوپتەگەن شەتەلدىك تۋريستپەن جۇزدەسىپ، پىكىر الماسقان-تىن.

ۇندىستاننان كەلگەن بيل دەۆيد ەسىمدى تۋريست جالعىز ساياحاتتاعاندى ۇناتادى. شارىن شاتقالىنا ءبىرىنشى رەت كەلگەن ول ءوز اسەرىن بىلاي ءبولىستى:

«قازاقستاننىڭ شارىن شاتقالىنا ءبىرىنشى رەت كەلىپ ۇرمىن. وتە ادەمى جەر. بارلىق ءتۋريستى قىزىقتىراتىن مەكەن دەپ تانىدىم. ناسيحاتى مىقتى بولسا، تۋريستەر وسىلاي قاراي اعىلاتىنىنا سەنىمدىمىن. مەن وسىدان كەيىن بۋرابايعا اتتانۋدى جوسپارلاپ وتىرمىن» دەدى ول.

شارىن ۇلتتىق پاركى - قازاقستاندىقتاردىڭ عانا ەمەس، شەتەلدىكتەردىڭ دە قىزىعۋشىلىعىن تۋدىرىپ وتىرعان تۋريستىك ايماق. ساپار بارىسىندا جۋرناليستەر شاتقال ىشىمەن ءجۇرىپ، «قامالدار اڭعارى»، «جالماۋىز كەمپىر شاتقالى» سياقتى جەرلەرمەن تانىسىپ ءوتتى. كەيبىر شاتقالدىڭ بيىكتىگى 150-300 مەترگە دەيىن بارسا، ۇزىندىعى 20-80 مەترگە دەيىن جەتەدى. ءدال وسى شارىن شاتقالىن كورۋگە وتكەن جىلى 15000 تۋريست كەلسە، بيىل توعىز ايدا 18807 ادام ارنايى جۋرنالعا تىركەلىپتى. شاتقالدىڭ بيىلعى جاڭالىعى – بۇدان بىلاي قىسقى ماۋسىم اشىق بولماق. بۇعان دەيىن تەك كوكتەم، جاز، كۇز مەزگىلدەرىندە قوناق قابىلداعان شارىن ەندى جىلدىڭ ءتورت مەزگىلىندە دە تۋريستەر مەن قوناقتاردى قابىلداۋعا ساقاداي ساي.

شارىن شاتقالىنا كەز كەلگەن ادام (تۋريست) كىرۋ ءۇشىن 750 تەڭگە تولەيدى. جەيتىن ازىعىن وزىمەن الا كەلسە دە نەمەسە شاتقال ىشىندە ورنالاسقان دەمالىس ورنىنان تاماقتانسا دا بولادى. ءبىر ادامنىڭ تۇستكى اسى ورتاشا ەسەپپەن 2500-3000 تەڭگەگە شىعادى. ال 8-10 ادام بولىپ توپپەن كەلىپ، تۇنەۋگە قالعىڭىز كەلسە، وندا ءبىر كيىز ءۇيدى 45 000 تەڭگەگە جالعا الا الاسىز. ايماقتا 10 شاقتى كۇزەت قىزمەتى جۇرەدى. ولار قوناقتاردىڭ قاۋىپسىزدىگى ءۇشىن عانا ەمەس، ايماقتى تانىستىرۋ ءۇشىن (گيد) دە قىزمەت ۇسىنا الادى. كۇزەت قىزمەتىندەگى ازاماتتاردىڭ ايتۋىنشا، مۇندا قىتاي، فرانتسيا، گەرمانيا، اقش، پولشا تۋريستەرى ءجيى كەلەدى.

بىز شارىننىڭ ىشىمەن ءجۇرىپ، ا نۇكتەسىنەن ۆ نۇكتەسىنە جاياۋ باردىق، قاشىقتىعى 3 شاقىرىم. قايتاردا سونداعى كوپ ادامعا «تاكسي» قىزمەتىن ۇسىناتىن كولىكتەرگە مىندىك. ونىڭ قۇنى ءبىر ادامعا 1000 تەڭگە.

شاتقالدىڭ تومەنگى جاعىندا قىتايلىق تۋريستەردى دە كەزىكتىردىك. قىتايلىق ساياحاتشىلار قازاقستان تۋرالى، شارىن شاتقالى تۋرالى ءبىزدىڭ ماقتانىشىمىز ديماش قۇدايبەرگەن ارقىلى ەستىپ-بىلگەنىن، ەندى ءوز كوزدەرىمەن كورىپ، تانۋعا كەلگەندەرىن ايتتى. ءبىزدىڭ ديماش قىتايداعى «I am singer» جوباسىندا تانىلعاندا كۇللى الەم ونى «قازاقستاندى تانىتتى» دەپ باعالاپ ەدى. ەستەرىڭىزدە بولسا، بىلتىر ديماش قۇدايبەرگەنگە «قازاقستان رەسپۋبليكاسىنىڭ تۋريزم جونىندەگى ەلشىسى» مارتەبەسى دە بەرىلگەن بولاتىن. وسىنىڭ ءبارىن ءساتتى پايدالانىپ، ديماش ارقىلى شەتەلدىكتەردى ەلگە، اسىرەسە شارىن ۇلتتىق پاركىنە تارتۋ ءۇشىن شاتقال ورنالاسقان اۋداننىڭ اتاۋىن شارىن اۋدانى دەپ اتاساق، تۋريزمگە «تەرەزە» اشىلار ەدى. ءبىز كورگەن قىتايلىق تۋريستەر وسىنداي وي سالىپ كەتتى.

بۇل ويىمىزدى قۇپتايتىن قر مەملەكەتتىك سىيلىعىنىڭ لاۋرەاتى، جازۋشى بەكسۇلتان نۇرجەكەۇلى ۇيعىر اۋدانىنىڭ اتىن شارىن اۋدانى دەپ وزگەرتۋ تۋرالى ۇسىنىسىن بىرنەشە جىلدان بەرى جازىپ كەلەدى. ال قازۇۋ-دىڭ PhD دوكتورى حالىق بالىقبايتەگى «ۇيعىر اۋدانى دەگەن اتاۋدى تەزدەتىپ وزگەرتىپ، تاريحي اتاۋى شارىندى وزىنە قايتارساق» اتتى ماقالاسىندا ۇيعىر اۋدانىنداعى تاريحي دەرەكتەردىڭ بۇرمالانىپ جاتقاندىعىن ماسەلە ەتىپ كوتەرگەن-دى.

«بۇگىندە شونجى اۋدانىنداعى تاريحي جەر-سۋ، مەكتەپ كوشە اتتارىن دىبىستىق وزگەرىسكە ۇشىراپ، ۇيعىر تىلىنە اۋىستىرىلىپ، اۋەلگى ەتنيكالىق ماعىناسىن جوعالتۋدا. مىسالى: قازاق اۋىلى اقتام، تيرمەن، كەڭەس، داردامتى، ارعى دولايتى، تاس قاراسۋ، كەتپەن، ديقان، جۇلدىز، كەسپەبۇلاق سىندى ەلدى مەكەندەرى بۇل كۇندە اقتاما، تىگىرمەن، كەڭەش، ءداردامتۋى، دۇلايتى، تاشقارا سۋ، كەتمەن، دىحان، يۋلتىز، بۇدەتى، باحار، شىرىن دەپ اقىرىنداپ وزگەرىپ بارا جاتىر. جەر-سۋ اتاۋلارىنا قاتىستى ۇيعىرلار جالعان تاريحي اڭىز جاساپ، حالىق اراسىنا تاراتۋدا. مىسالى نازگۇم ۇڭگىرى اڭىزى ەش تاريحي شىندىققا جاناسپايدى، وندا قازاق جەرىندەگى اقسۋ اتاۋىن قىتايداعى اقسۋعا اپارىپ تەليدى. شونجى وڭىرىندەگى مەكتەپ كوشە اتتارى دەرلىك ۇيعىرلاردىڭ اتىنا بەرىلگەن. ماسەلەن; ءيزىم يىسكەندىر، ءىليا باقتيا، ءابدۋللا، روزى باقيەۆ، احمەتجان قاسىمي، قۇدىس قوجامياروۆ، روزر باكيەۆ، ال بۇلاردىڭ قازاق ەلىنە سىڭىرگەن ەڭبەگى بار ەكەنى راس، ال مىنا لوتپولا ءمۇتالىپ، زيااد سامادي، عايني باتىر، سادىق پالۋان – بۇلار قىتاي جەرىندەگى ۇيعىرلار. قازاق توپىراعىندا ەش ءىزى جوق. ەجەدەن قونىستانعان قازاقتان بۇل جەردەگى جەر-سۋ مەن مەكتەپ كوشەلەرگە اتىن بەرەتىندەي ۇلى پەرزەنتتەرى شىقپاعانى ما؟ بۇلاي ىستەۋىنىڭ ارتىندا قانداي وي جاتقانىن ءتۇسىنۋ قيىنعا سوقپايدى. ءبىز ۇيعىر اۋدانى دەگەن اتاۋدى تەزدەتىپ وزگەرتىپ، جەرىمىزدىڭ تاريحي اتاۋى «شارىندى» وزىنە قايتارساق» دەپ جازعان ەدى عالىم حالىق بالىقبايتەگى.

راسىندا، ەسىمىز باردا ەلىمىزدى تانىپ، قازىرگى ۇيعىر اۋدانىن اتاۋىن شارىن اۋدانى دەپ وزگەرتەتىن كەز كەلگەن سياقتى.

اقبوتا مۇسابەكقىزى


كەلۋ قاينارى: http://www.elarna.net/koru.php?tur=53&id=1057768

پىكىرلەر:

juz dep sifirmen jazingiz.