كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22200103422 %78 %

لاۆروۆ قازاقستانعا نە ءۇشىن كەلگەنىن ايتتى


ءتۇرى: Ult.kz ۇلىت تورابى

ۋاقىتى: 17:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

سىرتقى ىستەر ءمينيسترى مۇحتار تىلەۋبەردى قازاقستانعا رەسمي ساپارمەن كەلگەن رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەستى، دەپ حابارلايدىSputnik قازاقستان.

"بىز ەكىجاقتى ىنتىماقتاستىقتىڭ دامۋ بولاشاعىن تالقىلادىق. ورتالىق ازيا، ۋكراينا مەن تاياۋ شىعىستا قاۋىپسىزدىكتى ورناتۋ ماسەلەسى بويىنشا ءوزارا پىكىر الماستىق. اسىرەسە، الداعى حالىقارالىق دارەجەدەگى شارالارعا باسا نازار اۋداردىق. سەبەبى قازاقستان مەن رەسەيدىڭ شەكارا ماڭىنداعى ىنتىماقتاستىعى ءوزارا ساۋدا-ساتتىقتىڭ 70 پروتسەنتىن الىپ وتىر. ءبىز ايماقارالىق ىنتىماقتاستىقتىڭ XVI فورۋمىنا دايىندىق ماسەلەلەرىن پىسىقتاپ شىقتىق. وسى فورۋم 7 قاراشادا ومبى قالاسىندا وتەدى"، - دەدى تىلەۋبەردى ارنايى ءباسپاسوز ءماسليحاتىندا.

مينيستر رەسەيمەن اراداعى ارىپتەستىك بايلانىستار قازاقستاننىڭ سىرتقى ساياساتىنىڭ باسىم باعىتى بولىپ قالا بەرەتىنىن ەرەكشە اتاپ ءوتتى. ال رەسەيدىڭ سىرتقى ىستەر ءمينيسترى سەرگەي لاۆروۆ جاڭادان تايىندالعان مينيسترمەن العاش رەت كەزدەسىپ وتىرعانىن جانە ەكىجاقتى ىنتىماقتاستىقتى ودان ارى جالعاستىرۋ جايىن تالقىلاپ شىققانىن جەتكىزدى.

"قاراشانىڭ باسىندا ومبى قالاسىندا XVI ايماقارالىق ىنتىماقتاستىق فورۋمى وتەدى. ونىڭ الدىندا العاش رەت قازاقستان مەن رەسەيدىڭ جاس كوشباسشىلارىنىڭ فورۋمى ۇيىمداستىرىلادى. وعان ەكى جاقتان سىرتقى ىستەر مينيسترلىگىنىڭ جاس قىزمەتكەرلەرى قاتىسادى. وسى ورايدا جاس ديپلوماتتاردىڭ ءوزارا تاجىريبە الماسۋى ءتيىمدى بولادى دەپ سەنەمىز. ارينە، بۇگىن ءبىز ەنەرگەتيكا، كولىك، عارىش، ءبىلىم مەن عىلىم سالاسىندا بىرلەسىپ جۇمىس ىستەۋ ماسەلەلەرىن دە تالقىلاپ شىقتىق"، - دەيدى لاۆروۆ.

بۇدان بولەك، حالىقارالىق ۇيىمدار اياسىندا ءوزارا ۇيلەستىرۋ شارالارىن كۇشەيتۋ جايى دا ءسوز بولدى. اسىرەسە، ەۋرازيالىق ەكونوميكالىق وداق اياسىندا ينتەگراتسيا ماسەلەلەرىنە باسا نازار اۋدارىلىپ، وسى ۇيىمنىڭ الەۋەتىن بارىنشا پايدالانۋ جاعى قارالدى.

"بىز ورتالىق ازيا اراسىنداعى بايلانىستاردىڭ وڭ ديناميكاسىن قولدايمىز. تمد ەلدەرى سىرتقى ىستەرى مينيسترلەرىنىڭ كەڭەسى قارساڭىندا اشحابادتا ورتالىق ازيا بەستىگى مەن رەسەيدىڭ سىرتقى ىستەر مينيسترلەرىنىڭ كەزدەسۋى وتەدى. بىزدىڭشە، وسىنداي بەيرەسمي ديالوگتىڭ پايداسى مول"، - دەپ اتاپ كورسەتتى لاۆروۆ.

سونداي-اق، سيريا ماسەلەسىن رەتتەۋ سالاسىنداعى استانا پروتسەسىنىڭ ۇلەسى ءسوز بولدى.

"دال وسى فورماتتا گارانت مەملەكەتتەر كونستيتۋتسيالىق كوميتەت اياسىندا رەسمي ۇكىمەت پەن وپپوزيتسيا اراسىنداعى ناقتى كەلىسسوزدەردىڭ باستالۋىنا جاعداي جاسادى. وسى ورگاننىڭ ەرەجەلەرى كەلىسىلدى. ەندى، وسى كەلىسىمدەر بىرىككەن ۇلتتار ۇيىمى شەشىمدەرىنىڭ ورىندالۋىنا نەگىز بولادى دەپ سەنەمىز. ءبىز سوعان جاعداي جاسايمىز"، - دەدى لاۆروۆ.

رەسەيدىڭ ءمينيسترى ۋكراينا ماسەلەسىن دە تالقىلاعانىن جەتكىزدى. وسى ورايدا ول ۆلاديمير زەلەنسكيدىڭ مينسك كەلىسىمىن ساقتايتىنىنا سەنىم ءبىلدىردى.

"جالپى، بۇگىن قازاقستاندا وتكەن كەلىسسوزدەرگە كوڭىلىمىز تولىپ وتىر. ءبىز تىعىز قارىم-قاتىناسىمىزدى جالعاستىرا بەرەمىز. مەن ءوز ارىپتەسىم مۇحتار بەسكەنۇلىن رەسەيگە ساپارمەن كەلۋگە شاقىردىم"، - دەپ اتاپ كورسەتتى لاۆروۆ.


كەلۋ قاينارى: http://www.elarna.net/koru.php?tur=53&id=1057748

پىكىرلەر:

juz dep sifirmen jazingiz.