كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

2019 جىلعى نوبەل سىيلىعىنىڭ ۇمىتكەرلەرى | ادەبيەت پورتالى


ءتۇرى: جۇلدىز جۋرنالى

ۋاقىتى: 16:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

قازىردى تاڭدا ستوكگولمدا نوبەل سىيلىعىن تاپسىرۋ راسىمدەرى وتۋدە. ءبىر اپتا ىشىندە فيزيولوگيا، مەديتسينا، فيزيكا، حيميا، ادەبيەت، بەيبىتشىلىك سىيلىعى، ەكونوميكا سالاسىنىڭ جۇلدەگەرلەرى انىقتالادى. سونىڭ ىشىندە ادەبيەت سالاسى بويىنشا بەرىلەتىن نوبەل سىيلىعى 10-قازانعا جوسپارلان. ياعني، ەرتەڭ شۆەد اكادەمياسى 2018 جانە 2019 جىلدارداعى لاۋرەاتتاردىڭ ەسىمدەرىن جاريالايدى. ولاردىڭ اراسىندا الەمگە تانىمال قالامگەرلەر دە بار. ەندەشە، سىزدەرگە ۇمىتكەر اقىن-جازۋشىلاردىڭ ۇزدىك بەستىگىن ۇسىنامىز.

1.ەنن كارسون – (1950 جىلى كانادانىڭ تورونتو قالاسىندا دۇنيە كەلگەن) كورنەكتى جازۋشى، اقىن، ەسسەيست، اۋدارماشى. ول پوەتيكالىق اۋدارماسى ءۇشىن بەرىلگەن پەن-كلۋب سىيلىعىنىڭ (2010)، سونداي-اق، پۋشكارت (1997)، گراففين جانە ەليوت (2001) سىيلىقتارىنىڭ يەگەرى. قالامگەردىڭ شىعارمالارى فرانتسۋز، يسپان، ورىس تىلدەرىنە اۋدارىلعان.

كىتاپتارى:

«قىسقا اڭگىمەلەر» (1986)،

«قۇدايلار مەن اقىلدى ايەلدەر» (1992)،

«شىنى، تەمىر جانە قۇداي» (1995)،

«قىزىلدىڭ ءومىربايانى» (1998، ولەڭمەن جازىلعان رومان)،

«قاراپايىم رۋحتاردىڭ ايناسى» (1999)،

«بۇكىلالەمدىك ەكونوميكا» (1999)،

«قىس بولماسا...» (2002، ساپفودان اۋدارما)،

«قىزىل قۇجات» (2013، «قىزىلدىڭ ءومىربايانى» رومانىنىڭ جالعاسى).

2. ماريز كوندە – (1937 جىلى فرانتسيانىڭ پۋەنت-ا-پيتر قالاسىندا دۇنيەگە كەلگەن) جازۋشى. ول 2004 جىلى زاڭسىز قۇلدىقتى ەسكە الۋعا ارنالعان كوميتەتتى باسقاردى. ماريزدىڭ ۇسىنىسىمەن فرانتسيادا 2006 جىلدان باستاپ 10 مامىر – قۇلدىقتى ەسكە الۋ كۇنى بولىپ جاريالاندى. ايتا كەتەيىك، بۇل اۆتور 2018 جىلعى نوبەل سىيلىعىنا ۇمىتكەر بولعان ەدى.

كىتاپتارى:

گەرەماحون (1976)

ريحاتاداعى ماۋسىم (1981)

قيراعان جەر (1985)

سەگۋ (1987، ليبەراتۋر سىيلىعى)

روجدەستۆو ءومىرى (1987، فرانتسۋز اكادەمياسىنىڭ سىيلىعى)

كۇلىپ، جىلايتىن جۇرەك (1999، مارگەريت يۋرسەنار سىيلىعى)

جەڭىس، حوش يىستەر مەن سوزدەر (2006)

3. دجان سيۋە – (1953 جىلى قىتايداعى چانشا قالاسىندا دۇنيەگە كەلگەن) جازۋشى، ادەبيەت سىنشىسى. قىتاي اۆانگاردىنىڭ جازۋشىسى جان سيۋ (شىن اتى دەن سياوحۋا) ءوزىنىڭ كوركەم ادەبيەتىن سپەكتاكل رەتىندە شەبەر سيپاتتايدى. سونداي-اق، ونىڭ اڭگىمەلەرىندە كوبىنەسە جاسىرىن، ساحناداعى ويىنشىلاردىڭ ارەكەتىن بەلگىلەيتىن قوزعالىس لوگيكاسى ءجيى كەزدەسەدى.

كىتاپتارى:

«سوڭعى عاشىق» (2014)،

«شەكارا» (2008)،

«ەسكى بۇلت» (1991)،

«بەس ءدامحاناسى بار كوشە» (1990).

4. حارۋكي مۋراكامي (12 قاڭتار 1949 جىل، كيوتو) – جازۋشى، اۋدارماشى. ول پوستمودەرنيزم باعىتىنداعى كوپتەگەن شىعارمالاردىڭ اۆتورى. مۋراكامي اعىلشىن تىلىنەن جاپون تىلىنە فرەنسيس سكوتت فيتسدجەرالد، ترۋمان كاپوت، دجون يرۆينگ، دجەروم سەليندجەر جانە تاعى باسقا XX عاسىرداعى امەريكان پروزاشىلارىنىڭ شىعارمالارىن، سونداي-اق ۆان السبۋرگ پەن ۋرسۋلا لە گۋيننىڭ ەرتەگىلەرىن اۋدارعان. اتاقتى «ەگەۋقۇيرىقتار» اتتى تريلوگياسى بار.

كىتاپتارى:

«قويلارعا شابۋىل» (1982، «نوما» سىيلىعى)

«باياۋ شليۋپكامەن قىتايعا» (1983)

«كەنگۋرۋ ءۇشىن ۇزدىك كۇن» (1983)

«توقتاۋسىز عاجايىپتار الەمى جانە وركەنيەتتىن سوڭى» (1985، «تانيدزاكي» سىيلىعى)

«دەنس، دەنس، دەنس» (1988، «ەگەۋقۇيرىق» تريلوگياسىنىڭ جالعاسى)

«تەلەپۋزيكتاردىڭ جاۋاپتى سوققىسى» (1990)

5. ليۋدميلا ۋليتسكايا (1943 جىلى باشقۇرت اۆتونومياسىنىڭ داۆلەكانوۆو قالاسىندا دۇنيەگە كەلگەن) – جازۋشى، اۋدارماشى، ستسەناريست، قوعام قايراتكەرى. ول رەسەيدىڭ بۋكەر سىيلىعىنىڭ يەگەرى (2001)، ۇلكەن كىتاپ سىيلىعىنىڭ يەگەرى (2007، 2016). ليۋدميلا ۋليتسكايانىڭ شىعارمالارى الەمنىڭ 25 تىلىنە اۋدارىلعان. قالامگەر ەسسەلەر، بالالار پەسالارىن جازدى. سونىمەن قاتار، مونعول تىلىنەن ولەڭدەر اۋداردى.

كىتاپتارى:
«سونەچكا» (1996، مەديچي ادەبي سىيلىعى)

«كۋكوتسكيدىڭ ءىسى» ( 2001)

«قۇرمەتپەن، ءسىزدىڭ شۋريك» (2004)

«دانيەل ستەين، اۋدارماشى» (2007)

بەس قالامگەر دە ءوزىنىڭ جازۋ مانەرىمەن، جاڭاشىلدىعىمەن ەرەكشەلەنەدى. شۆەد اكادەمياسىنىڭ كوميسسياسى قانداي شەشىم قابىلدايتىنىن بولجاۋ قيىن، دەسە دە ۇيىمداستىرۋشىلار ءدال وسى بەستىكتىڭ شىعارمالارىن جوعارى باعالاپ وتىر.

سونىمەن قاتار، ۇزدىكتەردىڭ ىشىندە: نگۋگي ۋا تيونگو (كەنيا)، مارگارەت ەتۆۋد (كانادا)، مەريلين روبينسون (اقش)، ولگا توكارچۋك (پولشا)، پەتەر ناداش (ۆەنگريا)، گەرالد مۋرنان، ميرچا كەرتەرەسكۋ (رۋمىنيا)، يۋي حۋا (قىتاي)، يسمايل كادارە (البانيا)، حاۆەر مارياس (يسپانيا)، دجون فوسسە، لاسلو كاراسناحوركاي (ۆەنگريا)، ميلان كۋندەرا (چەحوسلوۆاكيا)، پەتەر حاندكە (اۆستريا)، ەكو تاۋادا (جاپونيا)، سەسار ايرا (ارگەنتينا)، يانگ ليان، كو ىن (كورەيا)، ەرنەستو كاردەنال (نيكاراگۋا)، دجوردج مارتين (اقش) بار.

adebiportal.kz



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1057704

پىكىرلەر:

juz dep sifirmen jazingiz.