كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

اسقار ءمامين: "سەمەيدى كوركەيتۋگە 260 ملرد تەڭگە بولىنەدى" | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 15:45 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.اسقار ءمامين: "سەمەيدى كوركەيتۋگە 260 ملرد تەڭگە بولىنەدى" | DalaNews

اسقار ءمامين: “سەمەيدى كوركەيتۋگە 260 ملرد تەڭگە بولىنەدى”

شىعىس قازاقستان وڭىرىنە جۇمىس ساپارىمەن كەلگەن ۇكىمەتباسى اسقار ءمامين سەمەي قالاسىن كوركەيتۋدىڭ 2020-2025 جىلدارعا ارنالعان دامۋ جوسپارى قابىلدانعانىن حابارلادى.  

وسى جوسپارعا سايكەس سەمەي قالاسىنا 260،2 ملرد تەڭگە بولىنەدى. بۇل قاراجات سەمەي قالاسىنىڭ الەۋمەتتىك-ەكونوميكالىق جانە تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالادى. 

كەشەندى جوسپار 56 ءىس-شارادان تۇرادى. قاراجاتتىڭ – 98،5 ملرد-ى رەسپۋبليكالىق بيۋدجەتتەن، 85،5 ملرد-ى جەرگىلىكتى بيۋدجەتتەن، 76،1 ملرد-ى جەكە ينۆەستيتسيالار ەسەبىنەن بولىنەدى.

ينۆەستيتسيالار جەتى نەگىزگى باعىتتى دامىتۋعا باعىتتالاتىن بولادى:

كاسىپكەرلىك، اوك، تۇرعىن ءۇي قۇرىلىسى جانە ينجەنەرلىك-كوممۋنيكاتسيالىق ينفراقۇرىلىم، تۇرعىن ۇي-كوممۋنالدىق شارۋاشىلىق، الەۋمەتتىك جانە كولىك ينفراقۇرىلىمى.

تۇرعىن ءۇي قۇرىلىسىنا جانە ينجەنەرلىك-كوممۋنيكاتسيالىق ينفراقۇرىلىمعا 5 جىل ىشىندە 112،8 ملرد.تەڭگە بولىنەدى.

ساتىپ الۋ قۇقىعىنسىز 44 كوپ قاباتتى جالگەرلىك ءۇي، قاراعايلى تۇرعىن اۋدانىندا 89 كوپ قاباتتى نەسيەلىك ءۇي سالىناتىن بولادى.

الەۋمەتتىك سالانى دامىتۋعا-47،1 ملرد. تەڭگە، ونىڭ ىشىندە ءبىلىم بەرۋگە-14 ملرد.تەڭگە (4 مەكتەپ پەن 4 بالاباقشا قۇرىلىسى)، 18 مەكتەپتى كۇردەلى جوندەۋگە جانە 30 ءبىلىم بەرۋ نىسانىن جاڭا موديفيكاتسيالى كابينەتتەرمەن جاراقتاندىرۋعا بولىنەدى.

دەنساۋلىق ساقتاۋ سالاسىنا – 21،4 ملرد.تەڭگە، ونىڭ ىشىندە قاراجاتتىڭ نەگىزگى بولىگى وبلىستىق ونكولوگيالىق ديسپانسەردىڭ راديولوگيالىق ورتالىعىنىڭ قۇرىلىسىن اياقتاۋعا، 200 توسەك-ورىندى بالالار اۋرۋحاناسىنىڭ قۇرىلىسىن جانە 80 توسەك-ورىندى ەمحانا مەن وڭالتۋ ستاتسيونارىنىڭ قوسىمشا قۇرىلىسىن سالۋعا جۇمسالادى.

الەۋمەتتىك قورعاۋ سالاسىنا 4،1 ملرد.تەڭگە باعىتتالاتىن بولادى، ونىڭ ىشىندە پوليگونداعى سىناقتاردان زارداپ شەككەن مۇمكىندىكتەرى شەكتەۋلى ادامدارعا ارنالعان وڭالتۋ ورتالىعىنىڭ قۇرىلىسى (150 توسەك-ورىنعا ارنالعان) باستى نىسان بولادى. 7،5 ملرد.تەڭگە مادەنيەت جانە سپورت سالاسىنا بولىنەتىن بولادى، وندا ينۆەستيتسيا ءۇشىن نەگىزگى باعىتتار پريرەچنوە اۋىلىنداعى مادەنيەت ءۇيىن قايتا قۇرۋ، قاراعايلى تۇرعىن اۋدانىنداعى 300 ورىندىق مۇز ءمودۋلىنىڭ قۇرىلىسى بولادى.

كولىك ينفراقۇرىلىمىن دامىتۋعا 33،6 ملرد.تەڭگە، اتاپ ايتقاندا اۆتوجولداردى كۇردەلى، ورتاشا جانە اعىمداعى جوندەۋگە (122 كم)، قوعامدىق كولىكتى جاڭارتۋعا (170 بىرلىك اۆتوبۋس ساتىپ الۋعا)، اسپالى كوپىردى قايتا جاڭارتۋعا بولىنەتىن بولادى.

كەشەندى جوسپاردىڭ ءىس-شارالارىن ىسكە اسىرۋ 2025 جىلعا قاراي ءجوو كولەمىن 1،6 ەسەگە (ناقتى ماندە) نەمەسە نومينالدى ماندە 300 ملرد تەڭگەگە دەيىن ۇلعايتۋعا مۇمكىندىك بەرەدى. 4 مىڭنان استام جاڭا جۇمىس ورنى اشىلادى، اۋىل شارۋاشىلىعى ءونىمىنىڭ كولەمى 19% – عا ارتىپ، 43 ملرد تەڭگەنى قۇرايدى.

2025 جىلدىڭ قورىتىندىسى بويىنشا جاقسى جانە قاناعاتتانارلىق جاعدايداعى جولداردىڭ ۇلەسى 73،6% – دان 95% – عا دەيىن ارتادى.

“سەمەي قالاسى ەلدىڭ مادەني جانە رۋحاني مۇراسىندا جانە تاۋەلسىز قازاقستاننىڭ تاريحىندا ەرەكشە ورىن الادى. ەلباسى ن. نازارباەۆ وسى ايماققا، سەمەي قالاسىنا ەرەكشە قامقورلىق كورسەتۋدە.

بۇعان دەيىن ەلباسىنىڭ تاپسىرماسى بويىنشا سەمەيدىڭ 2013-2017 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارى قابىلداندى. ونى ىسكە اسىرۋ جانە باسقا دا باعدارلامالار ەسەبىنەن سوڭعى بەس جىلدا ونەركاسىپ ءوندىرىسىنىڭ كولەمى 38% – عا، اۋىل شارۋاشىلىعى ءونىمى – 63% – عا، بولشەك تاۋار اينالىمى – 1،6 ەسە، نەگىزگى كاپيتالعا ينۆەستيتسيا-1،4 ەسە، بيۋدجەت كولەمى-1،8 ەسە ءوستى. سوڭعى جىلدارى حالىق سانىنىڭ ءوسۋىنىڭ وڭ ديناميكاسى بايقالادى”، — دەدى ا. مامين.

ۇكىمەت باسشىسى كەشەندى جوسپاردا كوزدەلگەن ءىس-شارالاردىڭ ۋاقتىلى جانە ساپالى ورىندالۋى جونىندە ءتيىستى شارالار قابىلداۋدى، سونداي-اق قاراجاتتىڭ ۋاقتىلى جانە ءتيىمدى پايدالانىلۋىن باقىلاۋدى قامتاماسىز ەتۋدى تاپسىردى.

سونداي-اق، ساپار اياسىندا مامين قالا اكتيۆىمەن جانە ابايدىڭ 175 جىلدىعىن وتكىزۋگە دايىندىق ماسەلەلەرى بويىنشا كەڭەس وتكىزدى.

پرەمەر-مينيستر ۇكىمەت حالىقارالىق، رەسپۋبليكالىق جانە وڭىرلىك دەڭگەيلەردە 500-دەن استام ءىس-شارالاردى قامتيتىن جوسپاردىڭ ورىندالۋىن ەرەكشە باقىلاۋعا الاتىنىن اتاپ ءوتتى.

“ەلباسى مەرەيتويدى مەملەكەتتىك دەڭگەيدە اتاپ وتەتىنىمىزدى اتاپ ءوتتى. اباي ەلىنە الەمنىڭ تۇكپىر-تۇكپىرىنەن قوناقتار كەلەدى. سوندىقتان ءبىزدىڭ باستى مىندەتىمىز – جوسپارلانعان بارلىق ءىس-شارالاردى ۇيىمداستىرۋ جانە لايىقتى وتكىزۋ”، – دەدى ا. مامين.

قر تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن ىسكە اسىرىلاتىن “نۇرلى جەر” مەملەكەتتىك باعدارلاماسى مەن يدمب جۇزەگە اسىرىلۋىن، سونداي-اق مەملەكەت باسشىسى قاسىم-جومارت توقاەۆتىڭ سەمەي قالاسىن الەۋمەتتىك-ەكونوميكالىق دامىتۋ جونىندەگى تاپسىرمالارىنىڭ ورىندالۋىن باقىلاۋ اياسىندا ا. مامين “سەماز” جانە “Daewoo Bus Kazakhstan” جشس اۆتوقۇراستىرۋ كاسىپورىندارىنىڭ قىزمەتىمەن، اۋقىمدى مادەني-سپورتتىق كەشەن، سونداي-اق “قاراعايلى” شاعىن اۋدانىنداعى كوپ پاتەرلى تۇرعىن ۇيلەر قۇرىلىسىنىڭ بارىسىمەن تانىستى.

نا يزوبراجەني موجەت ناحوديتسيا: 7 چەلوۆەك، ليۋدي ستويات

سونداي-اق، اسقار مامين وسكەمەن قالاسىنداعى ەكى جوعارى تەحنولوگيالىق مەديتسينالىق ورتالىق- ەلىمىزدەگى تۇڭعىش روبوتوحيرۋرگيا ورتالىعى مەن ونكولوگيا جانە حيرۋرگيا ورتالىعىندا بولدى.
شقو اكىمى دانيال احمەتوۆ ەلىمىزدىڭ پرەمەر-مينيسترىنە ءوڭىردىڭ دەنساۋلىق ساقتاۋ سالاسىن دامىتۋدىڭ كەشەندى جوسپارىن جۇزەگە اسىرۋ ناتيجەلەرى تۋرالى ايتتى، ونىڭ اياسىندا ءۇش جىل ىشىندە وبلىستىڭ اۋرۋحانالارى 26 ملرد. تەڭگەگە زاماناۋي مەديتسينالىق جابدىقتارمەن جاراقتاندىرىلعان.

نا يزوبراجەني موجەت ناحوديتسيا: 5 چەلوۆەك، ليۋدي ستويات

بۇل رەتتە دارىگەرلەردى زاماناۋي تەحنيكانى قولدانا وتىرىپ ەمدەۋدىڭ جاڭا ادىستەرىنە ۇيرەتۋگە كوپ كوڭىل بولىنەدى. ەۋروپانىڭ جەتەكشى كلينيكالارىندا بارلىعى 276 دارىگەر ونكولوگيا، كارديولوگيا، بوساندىرۋ جانە بالالىق شاق، اۋداندىق اۋرۋحانالاردىڭ باس دارىگەرلەرىنە ارنالعان مەنەدجمەنت باعىتتارىندا وقىتىلدى. بۇل ماقساتقا 3،7 ملرد تەڭگە ءبولىندى.


كەلۋ قاينارى: http://www.elarna.net/koru.php?tur=25&id=1057689

پىكىرلەر:

juz dep sifirmen jazingiz.