كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22200103422 %78 %

ۇلىبريتانيانىڭ ازاماتتىق اۆياتسيا اگەنتتىگى قازاقستانعا قولداۋ كورسەتەدى


ءتۇرى: Ult.kz ۇلىت تورابى

ۋاقىتى: 15:40 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

لوندوندا (ۇلىبريتانيا) حالىقارالىق ازاماتتىق اۆياتسيا اگەنتتىگى (CAAi) مەن قازاقستاننىڭ اۆياتسيالىق اكىمشىلىگى اراسىندا ازاماتتىق اۆياتسيانى رەتتەۋدىڭ بريتاندىق ۇلگىسىنە كوشۋ بويىنشا تەحنيكالىق قولداۋ كورسەتۋ تۋرالى كەلىسىم جاسالدى، دەپ حابارلايدى "ۇلت اقپارات".

قر ازاماتتىق اۆياتسيا كوميتەتىنىڭ Facebook-تەگىپاراقشاسىنداجاريالانعان اقپاراتقا سايكەس، جاڭا رەتتەۋ جۇيەسى قازاقستاندىق اۋە كولىگى سەكتورىنىڭ وسۋىنە قولداۋ كورسەتىپ، قازاقستاننىڭ اۆياتسيا يندۋسترياسى جاھاندىق ويىنشى بولۋىنا نەگىز بولادى. كەلىسىم اياسىندا الداعى 12 اي ىشىندە ۇلىبريتانيانىڭ ازاماتتىق اۆياتسيا اگەنتتىگىنىڭ (UK CAA) رەتتەۋ جونىندەگى ساراپشىلارى قازاقستاننىڭ اۆياتسيالىق اكىمشىلىگىنە ء(قاا) قولداۋ كورسەتەدى جانە قازاقستانداعى زاڭنامانى تالداپ، EASA/ەو ەرەجەلەرىن ودان ءارى ەنگىزۋ جانە ولاردى UK CAA مودەلىمەن كەلىسۋ جولدارىن ۇسىنادى. ەكىنشى جۇمىس كەزەڭى قازاقستاننىڭ اۆياتسيالىق اكىمشىلىگىنىڭ ۇيىمدىق قۇرىلىمىنا ارنالىپ، وندا UK CAA ۇلگىسىنە سايكەس ۇسىنىمدار بەرىلەدى. حالىقارالىق ازاماتتىق اۆياتسيا اگەنتتىگىنە (CAAi) ءقاا تەحنيكالىق پەرسونالىن وقىتۋ قاجەتتىلىكتەرىنە تالداۋ جۇرگىزۋ تاپسىرىلعان.

«بىز قازاقستاندىق ارىپتەستەرىمىزبەن ىنتىماقتاستىق قارىم-قاتىناس ورناتقانىمىزعا قۋانىشتىمىز جانە ءبىز ءقاا ء-تى قولداۋعا نيەتتىمىز. قازاقستان اۋە كولىگى سەكتورىن ۇنەمى جەتىلدىرۋگە زور تالپىنىسپەن قارايدى جانە وسى جولدا ءبىز ءۇشىن جەتەكشى ءرول اتقارۋ وتە ماڭىزدى. گەوگرافيالىق جاعىنان قازاقستان ەكى الىپ اۆياتسيالىق نارىق ورتاسىندا ورنالاسقان، سوندىقتان ترانزيتتىك قوسىلىستاردىڭ كوپ سانىن تارتۋ، سونداي-اق ونىڭ حالىقارالىق جەلىسىن كەڭەيتۋ ءۇشىن ۇلكەن الەۋەتى بار. مۇنى قاداعالاۋ ءۇشىن قازاقستاننىڭ نورماتيۆتىك-قۇقىقتىق بازاسى جەتىلدىرە ءتۇسىپ، بۇل قازاقستانعا اۆياتسيادان كەلەتىن الەۋمەتتىك-ەكونوميكالىق تيىمدىلىكتى ارتتىرۋعا مۇمكىندىك بەرەدى»، - دەدى CAAi حالىقارالىق دامۋ ءبولىمىنىڭ باسشىسى ماتتيس سميت.

قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ايتۋىنشا، وسى ۇيىمنىڭ نەگىزگى قىزمەتى اۆياكومپانيالار مەن اۋە كەمەلەرىن تەحنيكالىق باقىلاۋ جانە قاداعالاۋ، يكاو ستاندارتتارىنا سايكەس پەرسونالدى وقىتۋ بولىپ تابىلادى.

«ەندى قازاقستانعا ۇشۋ قاۋىپسىزدىگىنىڭ ەۋروپالىق ستاندارتتارىن ەنگىزۋگە بريتاندىق اگەنتتىكتىڭ جەتەكشى ەۋروپالىق ساراپشىلارى تەحنيكالىق قولداۋ كورسەتەدى»، - دەپ اتاپ ءوتتى بەيبىت اتامقۇلوۆ.

قازاقستاننىڭ اۆياتسيالىق اكىمشىلىگىنىڭ باس ديرەكتورى پيتەر گريففيتس: «بۇل كەلىسىم قازاقستاننىڭ اۆياتسيالىق اكىمشىلىگى قىزمەتكەرلەرىنىڭ بىلىكتىلىگى مەن قۇزىرەتتىلىگىن ارتتىرۋعا، سونداي-اق ۇلىبريتانيانىڭ اۆياتسيالىق بيلىگىنىڭ ۇزدىك تاجىريبەسىن الۋعا مۇمكىندىك بەرەدى. اۆياتسيالىق اكىمشىلىكتى قۇرۋ قازاقستاننىڭ اۆياتسيا سالاسىن مەملەكەتتىك رەتتەۋدىڭ حالىقارالاق ۇزدىك تاجىريبەسىنە كوشۋىن جىلدامداتادى. قازاقستاننىڭ اۆياتسيالىق اكىمشىلىگى اۋە ۇشۋلارىنىڭ قاۋىپسىزدىگى سياقتى ماڭىزدى سالادا باقىلاۋ مەن قاداعالاۋدى قامتاماسىز ەتەتىن بولادى. UK CAA-مەن كەلىسىم يكاو تالاپتارىنا سايكەس كەلۋگە مۇمكىندىك بەرەتىن ۇشۋ قاۋىپسىزدىگىنىڭ 80 پايىزدىق دەڭگەيىنە قول جەتكىزۋدى ماقسات ەتكەن قازاقستاننىڭ اۆياتسيالىق اكىمشىلىگىن قولداۋعا باعىتتالعان»، - دەيدى.

ۇلىبريتانيا جانە سولتۇستىك يرلانديا بىرىككەن كورولدىگىنىڭ قازاقستانداعى ەلشىسى مايكل گيففورد پەن ونىڭ حالىقارالىق ساۋدا دەپارتامەنتىندەگى (DIT) ارىپتەستەرى وسى جوبانىڭ جۇزەگە اسۋى ءۇشىن تۇراقتى تۇردە قولداۋ كورسەتتى.

«ۇلىبريتانيا كوپتەگەن سالالاردا ەڭ وزىق تاجىريبە كوزى بولىپ تابىلادى. قازاقستاننىڭ ازاماتتىق اۆياتسيانى رەتتەۋدىڭ بريتاندىق ۇلگىسىن قابىلداۋى، ۇكىمەتتىك قۇرىلىمداردىڭ ءبىزدىڭ ساراپتامالىق ءبىلىم مەن ەكونوميكالىق رەفورمالاردى قولداۋىمىزعا جۇگىنەتىندىگىن كورسەتەدى. بريتاندىق ۇكىمەت قازاقستانمەن قارىم-قاتىناسىمىزدى نىعايتۋعا باعىتتالعان ۇستانىمىن كورسەتىپ وتىر. ءبىز قازاقستاننىڭ اۋە كولىگى سەكتورىنىڭ وسۋىنە ىقپال ەتەتىن جانە قازاقستاننىڭ اۆياتسيا يندۋسترياسىنىڭ جاھاندىق ويىنشى بولۋىنا نەگىز بولاتىن جاڭا باستامانىڭ ىسكە قوسىلۋىنا ماقتانىشپەن كۋا بولىپ وتىرمىز»، - دەپ اتاپ ءوتتى DIT ديرەكتورى ەدمۋند مارلەر.

جوبانىڭ العاشقى كەزەڭى 2019 جىلدىڭ قازان ايىندا باستالادى. ەكىنشى كەزەڭدە بەسجىلدىق ستراتەگيالىق جوسپار جانە ەكونوميكالىق تۇراقتىلىقتى قامتاماسىز ەتەتىن جوسپار ازىرلەنەدى.


كەلۋ قاينارى: http://www.elarna.net/koru.php?tur=53&id=1057685

پىكىرلەر:

juz dep sifirmen jazingiz.