كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2417572533 %67 %

بولات باقاۋوۆ رەسەيلىك بيزنەسمەندەردى پاۆلودار وبلىسىنا ينۆەستيتسيا قۇيۋعا شاقىردى


ءتۇرى: قازاقپارات جاڭالىقتارى

ۋاقىتى: 15:36 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

ماسكەۋ. قازاقپارات - رەسەي استاناسىندا «پاۆلوداردىڭ ماسكەۋدەگى ينۆەستيتسيالىق كۇندەرى» بيزنەس-فورۋمى باستالدى، دەپ حابارلايدى قازاقپارات پاۆلودار وبلىسى اكىمىنىڭ ءباسپاسوز قىزمەتىنە سىلتەمە جاساپ.

ۇقساس جاڭالىقتار
«احقو ينۆەستورلارى حالىقارالىق اپتالىعى» تۇركىستاندا باستالدى ينۆەستيتسيا تارتۋ جۇمىستارىن قاعازبەن ەمەس، ىسپەن جۇرگىزۋ كەرەك – وڭداسىن ورازالين بيىل «Kazakh Invest» قولداۋىمەن 4 ينۆەستيتسيالىق جوبا پايدالانۋعا بەرىلدى

كورشى ەلدىڭ ساۋدا-ونەركاسىپ پالاتاسىنىڭ كونگرەسس-ورتالىعىندا وتكەن كەزدەسۋدە پاۆلودار وبلىسىنىڭ اكىمى بولات باقاۋوۆ رەسەيدىڭ الەۋەتتى ينۆەستورلارىنا جان-جاقتى قولداۋ كورسەتۋگە ۋادە بەردى. ونىڭ ىشىندە ينۆەستورلارعا سالىقتىق جەڭىلدىكتەر بەرۋ، كەڭسەلەر، جۇمىسشىلارعا الەۋمەتتىك قىزمەتتەر ۇسىنۋ جانە تاعى دا باسقا جەڭىلدىكتەر بار.

فورۋمدى اشقان پاۆلودار وبلىسىنىڭ اكىمى ءبىزدىڭ ءوڭىردىڭ سىرتقى ساۋدا كولەمىنىڭ 40 پايىزدان استامى رەسەي فەدەراتسياسىنا تيەسىلى ەكەنىن ايتتى. ماسەلەن، 2018 جىلى پاۆلودار وبلىسى مەن رەسەيدىڭ وڭىرلەرى اراسىنداعى تاۋار اينالىمى 1،8 ملرد دوللاردى قۇراعان. بۇل 2017 جىلدىڭ كورسەتكىشىنەن 25 پايىزعا جوعارى. اتالعان كورسەتكىشتى ارتتىرۋ ءۇشىن بولات باقاۋوۆ رەسەيلىك بيزنەسمەندەردى پاۆلودار وبلىسىنا ينۆەستيتسيا قۇيۋعا شاقىردى.

– ءبىزدىڭ ءوڭىر توعىز جولدىڭ تورابىندا ورنالاسقان. دالىرەك ايتساق، جولداردىڭ نەگىزگى كۇرەتامىرى سانالاتىن وڭتۇستىك ءسىبىر جانە ورتالىق ءسىبىر تەمىرجول جەلىلەرىندە ورىن تەپكەن. پاۆلودار وبلىسى ارقىلى رەسپۋبليكالىق ماڭىزداعى جولدار وتەدى. اۋە قاتىناسى، وزەن قاتىناسى جولعا قويىلعان. وبلىس گەوگرافيالىق تۇرعىدان دا ءتيىمدى ورنالاسقان. پاۆلودار وبلىسىنان 500 شاقىرىمدىق راديۋستە قازاقستان مەن رەسەيدىڭ ءىرى قالالارى جاتىر. ايماقتا سۋ مەن پايدالى قازبالالار قورى جەتكىلىكتى. سونداي-اق قازاقستاندىق فەرروقورىتپانىڭ 65،2 پايىزى، بەنزيننىڭ 46،3 پايىزى، گلينوزەم مەن وڭدەلمەگەن ءاليۋمينيدىڭ 99،6 پايىزى ءبىزدىڭ وبلىستا وندىرىلەدى. ەلىمىزدە وندىرىلەتىن كومىردىڭ 60 پايىزى ءبىزدىڭ وڭىرگە تيەسىلى، – دەدى بولات باقاۋوۆ.

پاۆلودار وبلىسىنىڭ اكىمى رەسەيلىكتەرمەن بىرلەسكە جوبالاردى قارجىلاندىرۋعا دايىن ەكەنىن ءبىلدىردى. سونداي-اق وڭىردە كاسىپكەرلەرگە ءاردايى قولداۋ كورسەتۋگە دايىن ەكەنىن جەتكىزدى. بۇدان بولەك، مەملەكەتتىك قولداۋدىڭ ءبىرىڭعاي كەپىلدەندىرىلگەن شارالارى بار. بۇل رەتتە، ينۆەستورلارعا ەكى جىلعا قايتارىمسىز نەگىزدە وفيستەر بەرىلەدى. ينۆەستورلار جالدايتىن قىزمەتكەرلەردىڭ وتباسى مۇشەلەرىن جۇمىسپەن، وقۋ ورىندارىمەن قامتۋ دا جولعا قويىلعان.

ماسكەۋدەگى بيزنەس-فورۋمعا «Kazakh Invest» ۇلتتىق كومپانياسىنىڭ باسشىسى باۋىرجان سارتباەۆتىڭ دا قاتىسقانىن اتاپ وتكەن ءجون. ول رەسەيلىك كاسىپكەرلەرگە رەسەي يمپورتتاپ وتىرعان قازاقستاندا وندىرىلەتىن تاۋارلاردى وقشاۋلاۋدى ۇسىندى.

– ءبىزدىڭ كومپانيا الەۋەتتى ەلدەردىڭ ءتىزىمىن جاسادى. بۇل رەتتە، ءبىز ءۇشىن رەسەي فەدەراتسياسىمەن بايلانىس ورناتۋ ماڭىزدى باعىتتىڭ ءبىرى. رەسەيلىك ينۆەستورلاردى كوبىنەسە قازاقستانداعى ساياسي تۇراقتىلىق، كاسىپكەرلىك قىزمەتتى رەتتەيتىن زاڭنامالىق بازا، سالىقتىق جەڭىلدىكتەر جانە ينفراقۇرىلىمنىڭ دامۋى قىزىقتىرادى. بۇگىندە رەسەيلىك ينۆەستورلارمەن جالپى قۇنى 4،8 ملرد دوللاردى قۇرايتىن جوبالار بويىنشا جۇمىس جۇرگىزىلۋدە، – دەدى باۋىرجان سارتباەۆ.

فورۋم قورىتىندىسى بويىنشا بىرنەشە ەكىجاقتى كەلىسىمگە قول قويۋ جوسپارلانعان. سونداي-اق پاۆلودار وبلىسىنىڭ اكىمى ءبىرقاتار رەسەيلىك بيزنەسمەن كەلىسسوزدەر جۇرگىزبەك.


كەلۋ قاينارى: http://www.elarna.net/koru.php?tur=3&id=1057681

پىكىرلەر:

juz dep sifirmen jazingiz.