كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

قازاقستاندىق ۆەلوترەك شەبەرلەرى ازيا كۋبوگىنىڭ يەگەرى اتاندى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 15:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستاندىق ۆەلوترەك شەبەرلەرى ازيا كۋبوگىنىڭ يەگەرى اتاندى


تايلاندتا وتكەن قۇرلىق باسەكەسىندە ازەن عابيدەن ومنيۋم بويىنشا توپ جارسا، اسىلحان تۇرار ەكىنشى ورىنعا يە بولدى.

جەكەلەي سىندا يگور يۋسيفوۆ جەڭىسكە جەتتى. مەديسوندا اسىلحان تۇرار مەن يگور يۋسيفوۆ جۇبى كوزگە ءتۇسىپ، ازيا كۋبوگىن ۇتىپ الدى.

 

سپورتتىق گيمناستيكا: ميلاد كاريمي وليمپياداعا جولداما الدى

ميلاد كاريمي سپورتتىق گيمناستيكادان توكيو وليمپياداسىنا جولداما الدى. قازاقستاندىق سپورتشى گەرمانيانىڭ شتۋتگارت قالاسىندا وتكەن الەم چەمپيوناتىندا كوپسايىس باعدارلاماسىندا كوزگە ءتۇسىپ، فينالعا شىقتى. شەشۋشى جارىس جۇما كۇنى وتەدى. كاريميدەن بولەك، اكىم مۇساەۆ، ءىلياس ءازيزوۆ، ناريمان قۇربانوۆ جانە ەربول جانتىقوۆ الەم بىرىنشىلىگىنە قاتىستى. قازاقستاندىق گيمناستيكا شەبەرلەرى كوماندالىق كوپسايىستا ونەر كورسەتىپ، 16-ورىنعا يە بولدى.

 

فۋتزالدان UEFA چەمپيوندار ليگاسى باستالدى

فۋتزالدان UEFA چەمپيوندار ليگاسىنا العاش رەت قاتىسىپ جاتقان رۋدنىيدىڭ «اياتى» قۇرلىق سايىسىن جەڭىسپەن باستادى. ليتۆانىڭ كاۋناس قالاسىندا الاڭ يەلەرى "ۆيتيس" كومانداسىمەن كەزدەسكەن «ايات» ويىنشىلارى 5:4 ەسەبىمەن باسىم ءتۇستى. بۇگىن رۋدنىي جىگىتتەرى يسپانيانىڭ «بارسەلوناسىمەن» وينايدى. چەمپيوندار ليگاسىنىڭ نەگىزگى كەزەڭدەگى ەكىنشى توبى ۆەنگريادا كىم مىقتىنى انىقتايدى. «قايرات» العاشقى تۋردا رەسەيدىڭ كپرف كومانداسىمەن الاڭعا شىعىپ، 0:3 ەسەبىمەن ەسە جىبەردى. بۇگىن الماتى كومانداسى يسپانيانىڭ «ەل-پوسو» كلۋبىمەن كەزدەسەدى. ماتچ كەشكى 19:45-تە باستالادى. بۇل ويىندى جانكۇيەرلەر «ەلارنادان» تىكەلەي ەفيردە كورە الادى.

 

باستيان شۆاينشتايگەر جاسىل الاڭداعى مانسابىن اياقتادى

اتاقتى نەمىس فۋتبولشىسى باستيان شۆاينشتايگەر بيىلعى ماۋسىم اكياقتالعان سوڭ جاسىل الاڭداعى مانسابىنا نۇكتە قوياتىنىن مالىمدەدى. 35 جاستاعى ويىنشى 2017 جىلدان بەرى امەريكا چەمپيوناتىنداعى «چيكاگو فاير» كومانداسىندا ونەر كورسەتىپ ءجۇر. وسى ماۋسىمدا ول 30 ماتچقا قاتىسىپ، ءبىر دوپ سوقتى. «چيكاگو» پلەي-وففقا شىعا المادى. شۆاينشتايگەر 17 جىلعا سوزىلعان كاسىبي مانسابىندا تالاي اتاقتارعا قول جەتكىزدى. جارتىلاي قورعاۋشى 2000 جىلدان باستاپ 15 جىل بويى «باۆاريا» ساپىندا دوپ تەپتى. باستيان ميۋنحەن كلۋبىمەن بۋندەسليگادا سەگىز مارتە توپ جارىپ، گەرمانيا كۋبوگىنىڭ جەتى دۇركىن يەگەرى اتاندى. 2013 جىلى چەمپيوندار ليگاسىندا جەڭىسكە جەتتى. سوسىن «مانچەستەر يۋنايتەد» جەيدەسىن كيىپ، اعىلشىن كومانداسىندا ەكى جىل وينادى. شۆاينشتايگەر گەرمانيا قۇراماسى ساپىندا 2004 جىلدان بەرى 121 ماتچقا قاتىسىپ، 24 دوپ سوقتى. فۋتبولشى ۇلتتىق قۇراماسىمەن 2014 جىلى الەم چەمپيونى اتاندى. باستياننىڭ ەنشىسىندە دۇنيەجۇزىلىك بىرىنشىلىكتىڭ ەكى قولاسى مەن ەۋروپا چەمپيوناتىنىڭ كۇمىس مەدالى بار.


كەلۋ قاينارى: http://www.elarna.net/koru.php?tur=38&id=1057679

پىكىرلەر:

juz dep sifirmen jazingiz.