كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22227113423 %77 %

جاۋعاش باتىر جايلى ءدارىس جۇرگىزىلدى | قازاق گازەتتەرى


ءتۇرى: قازاق گازەتتەرى

ۋاقىتى: 15:15 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.


«ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ۇيىمداستىرۋىمەن تۇركىستان قالاسىنداعى №27 مەكتەپ — ليتسەيى، س.ەرۋباەۆ مەكتەپ — ينتەرناتى ، ق.ساتباەۆ اتىنداعى جالپى ورتا مەكتەپتەرىندە ارنايى ءدارىس جۇرگىزىلدى، — دەپ حابارلايدى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ءباسپاسوز قىزمەتى.

مەكتەپ وقۋشىلارىنا قورىق-مۋزەيدىڭ ەكسكۋرسوۆودى ارداق بەيسەنوۆا قوجا احمەت ياساۋي كەسەنەسىندە جەرلەنگەن قازاقتىڭ باتىرى جاۋعاش قىرباسۇلى جايلى لەكتسيا وقىپ، قۇندى جادىگەرلەرمەن تانىستىردى.

قازاقتىڭ حالىق باتىرى قورالاس قىرباسۇلى جاۋعاش باتىر 1733 جىلى قازىرگى الماتى وبلىسى قاراساي ىلە اۋداندارىنداعى اقسۋ وزەنىنىڭ بويىندا دۇنيەگە كەلگەن. ازان شاقىرىپ قويعان اۋەلگى ەسىمى جاۋعاشتى بولعان.

جاۋعاش ون بەس جاسىندا جوڭعار باسقىنشىلىعى زامانىندا قورلىعى مەن وزبىرلىعى اسىپ، شەكتەن شىققان نوياندى ءولتىرىپ، ءوزىنىڭ ومىرىنە كاۋىپ تونگەننەن كەيىن ارقاداعى ابىلاي سۇلتانعا بارعان.
1750-1756 جىلدارى جوڭعارلارعا قارسى تاريحي جەڭىستى جورىقتارعا قاتىسىپ، 1756-1758 جىلدارى قىتايمەن كەلىسسوز جۇرگىزگەن ەلشىلەر قۇرامىندا بولعان. 1768-1774 جىلدارداعى قىرعىزدارمەن قازاقتار اراسىنداعى قاقتىعىستاردىڭ مامىلەمەن شەشىلۋىنە ىقپال ەتكەن.
جاۋعاش باتىر ابىلاي حاننىڭ قازاق ەلىن بىرىكتىرۋگە ۇمتىلىسىن قالتىقسىز قولداعان. ول ابىلاي حاننىڭ كورنەكتى اسكەري قولباسشىسى، بىلىكتى ەلشىسى، ءوز ءداۋىرىنىڭ بەلگىلى مەملەكەت قايراتكەرى بولعان.
ابىلاي حان ونىڭ ەرلىگىن ەرەكشە باعالاپ، «جارالى جولبارىسىم» دەپ اتاعان.
جاۋعاش باتىر تۋرالى بۇقار، ءتاتىقارا تاعى باسقا جىراۋلاردىڭ جىرلارىندا، حالىق اڭىز — اڭگىمەلەرىندە، قىتاي ارحيۆىندە دەرەكتەر ساقتالعان.
قازاق حالقىنىڭ بوستاندىعى مەن بىرلىگى، كورشىلەس ەلدەرمەن تاتۋلىعى ءۇشىن ايانباي ارپالىسقان جاۋعاش باتىر سۇراپىل جورىقتاردا العان جاراقاتتارىنىڭ اسقىنۋىنان 49 جاسىندا، ياعني 1782 جىلى دۇنيەدەن وتكەن. جاۋعاشتى باتىردىڭ تۋعان جەرى جاۋعاشتى اتىمەن اتالادى.
قورالاس قىرباسۇلى جاۋعاش باتىردىڭ سۇيەگى قوجا احمەت ياساۋي كەسەنەسىندەگى كىشى اقساراي بولمەسىندە جەرلەنگەن. «ازىرەت سۇلتان» مەملەكەتتىك تاريحي-مادەني قورىق-مۋزەيىندە جاۋعاش باتىردىڭ كيىز ءۇيىنىڭ التىن بوساعاسى ساقتاۋلى.



كەلۋ قاينارى: http://www.elarna.net/koru.php?tur=6&id=1057669

پىكىرلەر:

juz dep sifirmen jazingiz.