كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

باقىتجان ساعىنتاەۆ الماتىنىڭ بولاشاعى تۋرالى ايتتى


ءتۇرى: قازاقپارات جاڭالىقتارى

ۋاقىتى: 14:45 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
باقىتجان ساعىنتاەۆ الماتىنىڭ بولاشاعى تۋرالى ايتتى

الماتى. قازاقپارات – الماتى قالاسىنىڭ اكىمى باقىتجان ساعىنتاەۆ مەگاپوليستىڭ بولاشاعى تۋرالى ايتتى، دەپ حابارلايدى قازاقپارات ءتىلشىسى.

ۇقساس جاڭالىقتار
ساعىنتاەۆ الماتىنىڭ 2050 جىلعا دەيىنگى دامۋ ستراتەگياسى تۋرالى ايتتى

«ەكىنشى ستراتەگيالىق باسىمدىق – الماتىدا شەتكى اۋداندار بولماۋى كەرەك. ول – بىرەگەي سيپاتتاعى تارتىمدى ورىندارى بار پوليورتالىقتاندىرىلعان قالا بولۋى ءتيىس. بىزگە الماتىلىقتاردىڭ جوعارى ءومىر ءسۇرۋ دەڭگەيى قاجەت. بۇل – وتە ماڭىزدى. ويتكەنى، بۇگىندە قالانىڭ ورتالىعى مەن شەتكى ايماق اراسىندا ءومىر ءسۇرۋ دەڭگەيىندە الشاقتىق بايقالادى»، - دەدى باقىتجان ساعىنتاەۆ.

اكىمنىڭ ايتۋىنشا، قالانىڭ ىرگەسىندەگى ىقشام اۋدانداردىڭ باسىم بولىگىندە ورتالىقتاندىرىلعان سۋ، كارىز جۇيەسى جوق، جولدارى جوندەلمەگەن، كوشەلەرىنە جارىق تارتىلماعان.

ء

«بىلىم بەرۋ، دەنساۋلىق ساقتاۋ، مادەنيەت، قوعامدىق نىسانداردىڭ باسىم كوپشىلىگى رايىمبەك داڭعىلىنىڭ وڭتۇستىگىندە «جوعارعى» اۋدانداردا ورنالاسقان. مەدەۋ اۋدانىندا ورتاشا جالاقى ناۋرىزباي اۋدانىمەن سالىستىرعاندا 2 ەسە جوعارى. مەگوپوليس ورتالىعى مەن شەتكى اۋدانداردىڭ دامۋ دەڭگەيىندە الشاقتىق بار. وسى ماسەلەلەردى شەشۋ ءۇشىن «جاڭا الماتى» جوسپارىن جاسادىق. ونىڭ باستى ماقساتى – الداعى 5 جىلدا سۋمەن جابدىقتاۋ، جارىقتاندىرۋ، اۋلانى اباتتاندىرۋ، قوعامدىق كولىك، تۇرعىن ءۇي، بالاباقشا، مەكتەپ، جول سياقتى ماسەلەلەردى شەشۋ»، - دەدى باقىتجان ساعىنتاەۆ.

ول ءوز سوزىندە مەگاپوليستتىڭ شەتكى ايماقتارىن دامىتۋعا شامامەن 800 ميلليارد تەڭگە قاجەت بولاتىندىعىن اتاپ ءوتتى. ماسەلەن، 2021 جىلدىڭ سوڭىنا دەيىن قالا شەتىندەگى 23 شاعىناۋداندى تولىقتاي سۋمەن جانە كارىزبەن قامتاماسىز ەتۋ كوزدەلگەن. سونداي-اق، كوشەلەر مەن اۋلالاردى جارىقپەن 100% قامتۋدى جوسپارلاپ وتىر.

«سونىمەن قاتار، ءبىز اۋەجاي ماڭىنداعى «شىعىس قاقپاسى»، قاپشاعاي باعىتىنداعى «سولتۇستىك قاقپانى»، جەو-2 جانىنداعى «باتىس قاقپانى»، يندۋستريالدى ايماقتى، قاسكەلەڭ باعىتىنداعى «وڭتۇستىك قاقپانى» دامىتامىز. «يننوۆاتسيالىق تەحنولوگيالار پاركى» جاڭادان داميتىن بولادى. وسى ايماقتاردىڭ بارلىعىندا حالىقتىڭ كوپ شوعىرلانۋىنا جاعداي جاسايمىز. جاڭادان جۇمىس ورىندارىن اشامىز»، - دەدى اكىم.

جەرگىلىكتى بيلىك جاڭا الماتىدا، تۇرعىندار ءۇشىن جاڭا الاڭدار، ساياباقتار مەن دەمالىس ايماقتارىن قۇرۋدى جوسپارلاپ وتىر.

«قالانى پوليورتالىقتاندىرۋ كەزىندە الماتىنىڭ كونە تاريحي جانە مادەني ورتالىعىنىڭ كەلبەتىن ساقتاۋ جونىندەگى جۇمىستار قاتار جۇرەتىن بولادى. ءقازىر تاريحي جانە ساۋلەت ەسكەرتكىشتەرى بولىپ سانالاتىن ەسكى عيماراتتاردى تەكسەرۋدى باستادىق. تاريحي ورتالىق - الماتىنىڭ جۇرەگى، بۇل تۋرالى ءبارىمىز بىلۋگە جانە ماقتانۋعا ءتيىسپىز»، - دەدى شاھار باسشىسى.

ەسكە سالايىق، بۇگىن ب. ساعىنتاەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرىمەن كەزدەسۋدە قالانىڭ دامۋ ستراتەگياسى تۋرالى ايتىپ بەردى. الماتى قالاسىنىڭ ۇزاقمەرزىمدى ماقساتى – ءومىر ساپاسى بويىنشا الەمدەگى ۇزدىك 100 قالانىڭ قاتارىنا ەنۋ ەكەندىگى اتاپ ءوتىلدى.


كەلۋ قاينارى: http://www.elarna.net/koru.php?tur=3&id=1057648

پىكىرلەر:

juz dep sifirmen jazingiz.