كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

ءۇندىستاندا «قازيند - 2019» بىرلەسكەن وقۋ-جاتتىعۋى وتۋدە


ءتۇرى: قازاقپارات جاڭالىقتارى

ۋاقىتى: 14:27 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – ءۇندىستاندا بىرلەسكەن قازاقستاندىق-ۇندىلىك «قازيند-2019» وقۋ-جاتتىعۋى جالعاسۋدا. بۇل تۋرالى قازاقپارات قم ءباسپاسوز قىزمەتىنە سىلتەمە جاساپ حابارلايدى.

اتالعان وقۋ-جاتتىعۋعا «وڭتۇستىك» وڭىرلىك قولباسشىلىعىنىڭ اسكەري قىزمەتشىلەرى قاتىcۋدا.

وقۋ-جاتتىعۋ اياسىندا بىرلەسكەن تاپسىرمالاردى پىساقتاۋ ءۇشىن، قوسىمشا حالىقارالىق جاساق قۇرىلدى. ونىڭ قۇرامىنا ەكى ەلدەن بىردەي كولەمدە اسكەري قىزمەتشى قوسىلدى.

«اتالمىش شارا قازاقستاندىق جانە ۇندىلىك اسكەري قىزمەتشىلەر اراسىندا جاقسى قارىم-قاتىناسقا اسەر ەتىپ، سونداي-اق بىرلەسكەن جەدەلدىكتى ارتتىرۋدى پىسىقتاۋعا مۇمكىندىك بەرەدى» - دەپ اتاپ ءوتتى ءۇندى ەلى قارۋلى كۇشتەرىنىڭ ء111-شى جەكە مەحەنيكالاندىرىلعان بريگاداسىنىڭ كومانديرى گەنەرال ماندەل.

وقۋ-جاتتىعۋدىڭ جوسپارى بويىنشا بىرىنشىدەن ونىڭ قاتىسۋشىلارى كەدەرگىلەر جولاعىنان وتۋدەگى وزدەرىنىڭ تاپسىرمالارىن ورىندادى. الدىمەن كەدەرگىلەر جولاعىنان ءۇندى ەلىنىڭ اسكەري قىزمەتشىلەرى ءوتتى. كەيىن جاتتىعۋ قۇرالدارىندا وزدەرىنىڭ كۇشتەرىن قازاقستاندىق موتواتقىشتار باتالونىنىڭ اسكەري قىزمەتشىلەرى بايقاپ كوردى.


«پوليگونداعى كەدەرگىلەر جولاعى – بۇل قاراپايىم جانە كۇردەلى دەڭگەيلەردى قامتيتىن، ءتۇرلى قۇرالدار جيىنى. بىزگە ونىمەن تەك تانىسىپ قانا قويماي، وتكەرۋگە تۋرا كەلدى. ءبىزدىڭ جىگىتتەر قابىرعاعا ەرلىكپەن ورمەلەپ، باسقادا كەدەرگىلەردى ەش قيىندىقسىز باعىندىردى دەپ ماقتانىشپەن ايتۋعا بولادى. جالپى كەدەرگىلەردى قاتاڭ ساقتاپ، جاۋىنگەرلىك رۋحتىڭ جوعارى دەڭگەين كورسەتتى» - دەدى «وڭتۇستىك» وڭىرلىك قولباسشىلىعىنىڭ 43062 اسكەري ءبولىم شتابى باستىعى كاپيتان قايىرجان تەكەباەۆ.

ارقانمەن تومەن ءتۇسۋدى پىسىقتاۋ قاتىسۋشىلار ءۇشىن ماڭىزدى سىناقتاردىڭ ءبىرى بولدى. اسكەري قىزمەتشىلەر الدىمەن بەس مەتر قاشىقتىقتان، كەيىن ون مەتر قاشىقتىقتا ءتۇسۋدى ورىندادى.

قاتىسۋشىلارعا وقۋ-جاتتىعۋلارداعى قيىن سىنداردىڭ ءبىرى بولىپ جەر بەتىندە قالىقتاپ تۇرعان تىكۇشاقتان ارقان ارقىلى ءتۇسىرۋدى پىسىقتاۋ بولدى. وقۋ-جاتتىعۋلار بارعان سايىن كۇشەيە ءتۇستى. شەشۋشى كەزەڭ جانە سىناق بولىپ جەر بەتىنەن 15 مەتر بيىكتىكتە تۇرعان تىكۇشاقتان ارقان ارقىلى ءتۇسۋدى ورىنداۋ بولدى. قازاقستاندىق اسكەري قىزمەتشىلەر بۇل جاتتىعۋدا جەتكىلىكتى تاجىريبەسى بار ءۇندى اسكەري قىزمەتشىلەرىمەن بىردەي دەڭگەيدە تاپسىرمانى ءساتتى ورىنداپ شىقتى.


بەلگىلەنگەن جاۋىنگەرلىك ايماققا جەكە قۇرامدى تەز ارادا جەتكىزۋ پىسىقتاپ، جيىنتىق تاكتيكالىق توبى تەرروريزمگە قارسى وپەراتسيانىڭ ەلەمەنتتەرىن جۇرگىزۋگە كوشتى. بۇل ءۇشىن مەكتەپكە ۇقسايتىن ارنايى قۇرىلىس جەرى قولدانىلىپ، مۇنداعى وقۋ-جاتتىعۋلار قارۋلانعان زاڭسىز قۇرالىمدى باسىپ الۋ دەگەن ويمەن ىسكە اسىرىلدى. وقۋ-جاتتىعۋدىڭ قاتىسۋشىلارى وپەراتسيانى جۇرگىزۋدە جاۋلارىن ماكسيمالدى ناتيجەلى كورسەتكىشپەن، از شىعىنمەن ءوز قاتارلارى اراسىندا، سونداي-اق جەرگىلىكتى تۇرعىندار اراسىندا وتكىزۋى قاجەت بولدى.

قازاقستاندىق-ۇندىلىك بىرلەسكەن «قاز-يند-2019» وقۋ-جاتتىعۋلارى ەلەمەنتتەردى پىسىقتاۋمەن جالعاسىپ، وقۋ-جاتىعۋدىڭ ويىنا سايكەس تاكتيكالىق ەپيزودتاردى جۇرگىزۋ قالپىندا بارلىق كەشەندىك كەزەڭدەردى اياقتاۋمەن وتەدى.

«قاز-يند-2019» وقۋ-جاتتىعۋلارى 3 قازاندا باستالىپ، 16 قازانعا دەيىن جالعاساتىندىعىن ايتىپ وتكەن ءجون. وقۋ-جاتتىعۋ پيتحوراگارح قالاسىنا جاقىن ماڭداعى پوليگوندا، دەليدەن 500 شاقىرىم جەردە وتەدى. بىرلەسكەن وقۋ-جاتىعۋلار قازاقستان جانە ءۇندىستان قورعانىس مينيسترلىكتەرى اراسىنداعى ەكىجاقتى ىنتىماقتاستىق جوسپارى اياسىندا جۇرگىزىلەدى. وقۋ-جاتتىعۋدىڭ تاقىرىبى تەرروريزمگە قارسى وپەراتسيالاردى ورىنداۋدا جاڭا ادىستەردى پىسىقتاۋ بولىپ تابىلادى.






كەلۋ قاينارى: http://www.elarna.net/koru.php?tur=3&id=1057636

پىكىرلەر:

juz dep sifirmen jazingiz.