كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

جامبىلدا جىل باسىنان بەرى 78 وقۋشى جۇكتى بولىپ قالعان


ءتۇرى: قازاقپارات جاڭالىقتارى

ۋاقىتى: 14:24 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
جامبىلدا جىل باسىنان بەرى 78 وقۋشى جۇكتى بولىپ قالعان

تاراز. قازاقپارات – جامبىل وبلىسىندا جىل باسىنان بەرى 192 ءجاسوسپىرىم جۇكتى بولعان. ولاردىڭ ء78-ى مەكتەپتە وقيتىن قىزدار، دەپ حابارلايدى قازاقپارات ءتىلشىسى.

بۇل تۋرالى «Nur Otan» پارتياسى جانىنداعى بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەستىڭ جۇمىس توبىنىڭ وبلىستاعى كەڭەيتىلگەن وتىرىسىندا ايتىلدى.

بالالاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ جۇيەسىن جەتىلدىرۋ بويىنشا ۇسىنىستاردى زەردەلەۋ جانە جيناۋ ماسەلەسى جونىندەگى جۇمىس توبىنىڭ كوشپەلى كەڭەسىندە بالالار قۇقىعىن قورعاۋ باعىتىندا ايماقتا اتقارىلىپ جاتقان جۇمىستار ءسوز بولدى

ماماندار وڭىردەگى جاسوسپىرىمدەردىڭ جۇكتىلىگى بىلتىرعى جىلمەن سالىستىرعاندا تومەندەگەنىڭ جەتكىزدى. ويتكەنى وتكەن جىلى ولاردىڭ سانى 258 جەتتى. دەنى 16 مەن 17 جاس ارالىعىنداعى بويجەتكەندەر.

جيىندا جامبىل وبلىسىنداعى كامەلەتتىك جاسقا جەتپەگەندەردىڭ دەنساۋلىق يندەكسى دە جاقسارعانى ايتىلدى.

«Nur Otan» پارتياسى جانىنداعى بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەستىڭ جۇمىس توبىنىڭ جەتەكشىسى رىستى جۇمابەكوۆا جۇمىس توبى بالالارعا ەڭ ءقاۋىپسىز جانە قولايلى جاعداي جاساۋ ماسەلەلەرىن ساراپتايتىنىن العا تارتتى.

بالالاردىڭ قۇقىقتارىن قورعاۋ كەڭەسىنىڭ ساراپتامالىق توبى بۇگىنگى تاڭدا 11 وڭىرگە بارىپ، ولاردىڭ ءارقايسىسىندا ورتا ەسەپپەن 11-13 اۋدان جانە قالالارداعى، شالعاي اۋىلدارداعى جاعدايمەن تانىسىپ، ءار وبلىستا 90-عا دەيىنگى الەۋمەتتىك نىسان مەن بالالار مەكەمەلەرىنىڭ جۇمىسىن زەرتتەپتى.

«جامبىل وبلىسىندا جىل باسىنان بەرى 192 ءجاسوسپىرىم جۇكتى بولعان. ولاردىڭ ء78-ى مەكتەپتە وقيتىن قىزدار. بالالار ومىرىنە قاتىستى وتباسى، مەكتەپ، مەكتەپكە دەيىنگى مەكەمەلەر، كوشەلەر، اۋلالاردى زەردەلەي وتىرىپ، ءبىز «باقىتتى وتباسى» جول كارتاسىنا بالالاردىڭ قاۋىپسىزدىگىن قامتاماسىز ەتۋ ءۇشىن جۇيەلى ءىس-شارالاردى ۇسىنامىز. بۇل، ءبىرىنشى كەزەكتە بالالار قاراۋسىزدىعى، ءسۋيتسيدتىڭ جانە بالالار قىلمىسىنىڭ الدىن الۋ، سونىمەن قاتار ءتيىستى ينفراقۇرىلىمدى قامتاماسىز ەتۋ مەن بالالارعا ءقاۋىپسىز جاعداي جاساۋ جونىندەگى ءىس-شارالار»، - دەدى رىستى ماعاۋياقىزى.

جيىندا جەرگىلىكتى قۇرىلىم وكىلدەرى ءوز ۇسىنىستارىن ايتتى.

«Nur Otan» پارتياسى جانىنداعى بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەس وكىلدەرى مۇنان كەيىن 4 توپقا ءبولىنىپ، تاراز قالاسىندا «انا مەن بالا» وبلىستىق وڭالتۋ، وبلىستىق تۇرمىستىق زورلىق-زومبىلىق قۇرباندارىنا الەۋمەتتىك كومەك كورسەتۋ ورتالىقتارى مەن ساڭىراۋ جانە ناشار ەستيتiن بالالارعا ارنالعان «مەيiرiم» ارنايى تۇزەتۋ مەكتەپ-ينتەرناتى سەكىلدى نىسانداردى ارالادى.

سونىمەن قاتار، جۇمىس توبى بىرنەشە باعىت بويىنشا بايزاق، جامبىل، تالاس، سارىسۋ، شۋ، مەركى، قورداي، جۋالى جانە ت.رىسقۇلوۆ اۋداندارىن ارالاپ، زەردەلەۋ جۇرگىزەدى. كوشپەلى ساراپتامالىق توپتىڭ جۇمىس ساپارى الداعى كۇندەرى كورشىلەس تۇركىستان وبلىسىندا جالعاسادى دەپ جوسپارلانۋدا.


كەلۋ قاينارى: http://www.elarna.net/koru.php?tur=3&id=1057635

پىكىرلەر:

juz dep sifirmen jazingiz.