كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

قارقارالىدا ابايدىڭ تاسقا قاشالعان كوركەم بەينەسى ورناتىلدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 14:20 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.



قاراعاندى وبلىسىنىڭ قارقارالى قالاسىندا تۇراتىن ماناربەك كارىم حاكىم ابايدىڭ 175 جىلدىق مەرەيتويى قارساڭىندا جەرلەستەرىنە كەرەمەت تارتۋ جاسادى، دەپ حابارلايدى «حابار 24».

ون ساۋساعىنان ونەر تامعان شەبەر ۇلى ويشىلدىڭ كوركەم بەينەسىن تاسقا قاشاپ، ونى شاھارداعى ەكى عاسىر بۇرىن سالىنعان كونە عيماراتتىڭ الدىنا ورناتقان. ءدال وسى كوك شاتىرلى ۇيگە بالا اباي اكەسىنە ەرىپ، تالاي رەت قوناق بولىپ تۇسكەن دەگەن دەرەك بار. دەمەك، قۇنانباي توقتاعان ءۇيدىڭ قوجايىنى دا تەگىن ادام بولماسا كەرەك.

ارداق اسىلحانۇلى، ءتىلشى:

- شەبەر ابايدىڭ الىپ تۇلعاسىن مىنا ۇلكەن تاسقا ءۇش كۇن قاشاپ سالىپتى. كۇردەلى جۇمىستى اياقتاۋعا ۇلى ەرعازى كومەكتەسكەن. سالماعى ەكى جارىم توننا بولاتىن تاۋ تاسىن اۋەلى شەبەرحاناسىنا، كەيىن كونە عيمارات الدىنا جەتكىزۋ وڭايعا سوقپاپتى.

ماناربەك كارىم، قارقارالى قالاسىنىڭ تۇرعىنى:

- كۇنباتىس جاقتا قورعانتاس دەگەن تاۋ بار. ول ەندى ەرتەدە قالماقتارمەن سوعىس بولعان تاۋ. سول جەردە وسىنداي ۇلكەن تاستار بار. تراكتورمەن بارىپ، ءۇيدىڭ اۋلاسىنا الىپ كەلىپ، سالدىق. اۋەلى ءپىشىندى بالام كەلتىردى. ودان كەيىن قۇرالمەن قاشاپ، ەكى جاقتاپ سالدىق.

كوك شاتىرلى كونە ءۇي تاتار كوپەسى حاليوللا بەكمەتوۆكە تيەسىلى. ونى اكەسى حاميت قوياندى جارمەڭكەسىنە قازاننان تاۋار تاسىپ جۇرگەندە ۇلىنا ارناپ سالعىزىپتى. حاليوللا 4 ايەل العان، ونىڭ ءبىرى قازاق جانە توبىقتى رۋىنان بولعان. «قۇنانبايدىڭ بالاسىمەن ءدال وسى ۇيگە توقتاۋىنىڭ ءبىر سىرى وسىندا»، - دەيدى تاريحشىلار.

دانا اليەۆا، قارقارالى اۋداندىق مادەنيەت جانە تىلدەردى دامىتۋ ءبولىمىنىڭ مامانى:

تەك قانا ءبىر-اق رەت كەلمەگەن. اكەسى اعا سۇلتان بولىپ جۇرگەندە ۇنەمى كەلگەن. ال اۋەزوۆتىڭ «اباي جولى» رومانىندا وسى ءۇي جاقسى سۋرەتتەلەدى. اباي قارقارالىعا ناعاشى جۇرتىنا كەلگەندە تاتاردىڭ كوك توبەلى ۇيىنە تۇسكەن دەپ جازىلعان. جاستاردىڭ ابايدى قالاي قارسى العانى، ويىن-ساۋىعى بارلىعى جازىلادى. سوندا ابايدىڭ جاستىق داۋرەن كەزەڭى دە وسى ۇيمەن تىعىز بايلانىستى.

وسىدان ەكى عاسىر بۇرىن بىردە-بىر شەگەسىز اعاشتان ءورىلىپ سالىنعان عيماراتتىڭ ءبىراز بولىگى بايلاردى كامپەسكەلەۋ كەزىندە ورتەنىپ كەتكەن. ءبىراق كەيىن قايتادان قالپىنا كەلتىرىلدى. ءۇيدىڭ جەرتولەسىندە شارۋاشىلىق بولىمدەرى ورنالاسقان. ال ءار بولمەسىندە ەرەكشە اسەمدەلگەن گوللاندىق پەشتەر ءالى دە بار. تاۋەلسىزدىك العان جىلدارى مەملەكەتتىك قورعاۋعا وتكەن سوڭ، عيماراتتا ءتۇرلى مەكەمە ۇجىمدارى وتىردى. ال ءقازىر اۋداندىق مادەنيەت جانە تىلدەردى دامىتۋ ءبولىمى ورنالاسقان.

عيماراتتىڭ وڭ قاناتىنداعى ءدال وسى قوناق بولمەدە قۇنانباي قاجى مەن بالاسى اباي بىرنەشە مارتە مەيمان بولعان دەسەدى. ءقازىر مۇندا ولەڭ-جىرعا جانى قۇمار جاستار ءجيى باس قوسادى. تاريحي عيماراتتى كورۋگە اراكىدىك تۋريستەر دە كەلىپ تۇرادى ەكەن. سوندىقتان ۇلى ويشىلدىڭ 175 جىلدىق مەرەيتويى قارساڭىندا بۇل بولمەنى مۇراجاي ەتۋ جوسپاردا بار.

اۆتورلارى: ارداق اسىلحانۇلى، ۆاسيلي ساۆكين


كەلۋ قاينارى: http://www.elarna.net/koru.php?tur=38&id=1057634

پىكىرلەر:

juz dep sifirmen jazingiz.