كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

حالىقتىڭ پايداسىنا قاۋلى شىعارعانى ءۇشىن بيلىككە جاقپاي قالىپ، زىندانعا تاستالعان عالىم


ءتۇرى: Islam.kz رۋحاني اقپاراتتارى

ۋاقىتى: 14:15 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
حالىقتىڭ پايداسىنا قاۋلى شىعارعانى ءۇشىن بيلىككە جاقپاي قالىپ، زىندانعا تاستالعان عالىم

حانافي قۇقىق مەكتەبىنىڭ جارىق جۇلدىزى – ءابۋ باكىر مۇحامماد يبن ءابۋ ءساھل احماد ءاس-ساراحسي. يسلام تاريحىندا كوبىنە «يمام ءاس-ساراحسي» اتاۋىمەن تانىمال بۇل عۇلاما ءميلادي جىل ساناۋى بويىنشا 1009 جىلى (حيجري 400 ج)، قازىرگى تۇرىكمەن ەلىندەگى احال ولكەسىنىڭ (Ahal welaýaty)، يرانمەن شەكارالاس سەراحس قالاشىعىنان ون بەس شاقىرىم قاشىقتىقتا ورنالاسقان، بۇرىن وركەنيەت ورتالىقتارىنىڭ ءبىرى سانالاتىن، ال بۇگىندە تەك ءۇيىندىسى قالعان سول كەزەڭدەگى سەراحس كەنتىندە دۇنيەگە كەلگەن.  ونىڭ اقىلدىلىعى مەن ءبىلىمىنىڭ تەرەڭدىگىنە ءارى زەرەكتىگىنە ساي  ۇستازى ءوعان «شامسۇل ءا’يمما»، ياعني، «عۇلامالاردىڭ كۇن شۋاعى» دەگەن لاقاپ ات قويادى. 

يمام ءساراحسي قاراحانيدتەر داۋىرىندە، حاكان ءامىر حاسان حان كەزىندە ءومىر ءسۇردى. سول تۇستاعى قاراحان مەملەكەتىندە سىرتقى قاۋىپ-قاتەرمەن قوسا، ىشتەگى كيكىلجىڭدەر دە از ەمەس-تىن. اسىرەسە، ۇكىمەت پەن حالىقتى اۋزىنا قاراتقان عۇلامالاردىڭ اراسىندا كەلىسپەۋشىلىك كوپتەپ كەزدەسەتىن. حالىقتى ەسەڭگىرەتىپ جىبەرگەن ۇكىمەتتىڭ سالىعى كۇننەن-كۇنگە ارتۋىنا بايلانىستى ءدىندار عالىمدار ۇكىمەتتەن بۇل بەيبەرەكەتسىزدىكتى دوعارۋدى تالاپ ەتەدى. سول عالىمداردىڭ ءبىرى يمام ءساراحسي ەدى. ول سالىق جونىندە قاراپايىم حالىقتىڭ پايداسىنا شەشىلەتىن تۋرا ءپاتۋا (زاڭ) شىعارادى. ونىڭ بۇل ارەكەتى جەرگىلىكتى بيلىك يەلەرىنە ۇناماعاندىقتان، «مەملەكەتكە حالىقتى قارسى قويدى» دەگەن جەلەۋمەن 1073 جىل (حيجري 466 ج) وزكەنت قالاسىنداعى زىندانداردىڭ بىرىنە تاستالادى. ون ءتورت جىلداي وسى زىنداندا تۇتقىندا جاتقان عالىمدى وقۋ-جازۋدان مۇلدەم تىيىپ تاستايدى. ءبىراق بوستاندىقتاعى شاكىرتتەرى زىنداننىڭ اينالاسىنا جينالىپ عۇلامادان ءدارىس الۋدى دوعارمادى.

عۇلامانىڭ زىنداندا وتكىزگەن ون ءتورت جىلى ىشىندە حانافي ءمازھابىنداعى فيقھ كىتاپتارىنىڭ قاينار-باستاۋلارىنىڭ ءبىرى بولىپ ەسەپتەلەتىن 30 ءتومدىق «ال-مابسۋت» اتتى باعالى تۋىندىنى جارىققا شىعارادى. وقۋ-جازۋدى تىيىپ تاستاعاندىقتان عالىم اتالمىش تۋىندىنى ءوزى جاتقا ايتىپ، سىرتتاعى شاكىرتتەرىنە قاعاز بەتىنە كوشىرتىپ وتىرعان. اتالمىش ەڭبەكتە، حانافي عالىمدارىنىڭ پاتۋالارىمەن قاتار، وزگە ءمازھاب عۇلامالاردىڭ دا تۇجىرىمدامالارى دالەلدەرىمەن كەلتىرىلگەن. اسىرەسە، بۇل ەڭبەكتىڭ ءبىر ەرەكشەلىگى – دالەل جانە ودان شىققان ۇكىمنىڭ اراقاتىناسىن لوگيكالىق تۇرعىدا ءتۇسىندىرىپ، استارىنداعى ءمان-ماعىناسىن اشۋعا تىرىسۋىندا. بۇل كىتاپ بۇگىنگى كۇنگە دەيىن نەگىزگى ەڭبەك رەتىندە وقىلىپ كەلەدى. وسىنداي الپاۋىت ەڭبەكتى قاتەسىز جاتقا ايتىپ جازدىرعان عۇلاماعا قايران قالماۋ مۇمكىن ەمەس.

يمام ءساراحسي ارادان ون ءتورت جىل وتكەننەن كەيىن 1087 جىلى اقتالىپ، قاماۋدان بوساتىلادى. ودان شىققاننان كەيىن يمام ءساراحسي ءمارعينان اتتى جەرگە اتتانادى. سول ەلدى-مەكەندە ميلادي جىل ساناۋى بويىنشا 1090 جىلعا دەيىن ءومىر ءسۇرىپ، 81 جاسىندا قايتىس بولادى. اللا وعان رازى بولسىن!

("وتىز تومدى ويعا ساقتاعان يمام ءساراحسي" اتتى جازبادان).


كەلۋ قاينارى: http://www.elarna.net/koru.php?tur=52&id=1057626

پىكىرلەر:

juz dep sifirmen jazingiz.