كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171092275336 %64 %

ەلوردادا سىرباي ماۋلەنوۆتى ەسكە الۋ كەشى ءوتتى


ءتۇرى: قازاقپارات جاڭالىقتارى

ۋاقىتى: 14:03 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
ەلوردادا سىرباي ماۋلەنوۆتى ەسكە الۋ كەشى ءوتتى

نۇر-سۇلتان. قازاقپارات – ەلوردادا №37 مەكتەپ-ليتسەيدە اقىن، جازۋشى سىرباي ماۋلەنوۆتى ەسكە الۋ كەشى ءوتتى، دەپ حابارلايدى قازاقپارات ءتىلشىسى.

ۇقساس جاڭالىقتار
قىزىلورداداعى كوركەمسۋرەت گالەرەياسى جاڭا تۋىندىلارمەن تولىقتى «ەلتانۋ» ەكسپەديتسياسى قاراعاندىدان پاۆلودار وبلىسىنا اتتاندى جامبىل وبلىستىق ورىس دراما تەاترىنىڭ 53-ماۋسىمى اشىلدى

«رۋحاني جاڭعىرۋ» باعدارلاماسىنىڭ جاڭا كەزەڭدەرىن جۇزەگە اسىرۋ ماقساتىندا «ۇلى دالانىڭ ۇلى ەسىمدەرى» ارنايى جوباسى اياسىندا وتكەن «ۇلت ماقتانىشتارى» اتتى كەزدەسۋدە ەلوردالىقتار بۇگىن اقىندى ەسكە الدى. كەزدەسۋگە مارتەبەلى مەيماندارمەن بىرگە اقىننىڭ ۇلى، زاڭ عىلىمدارىنىڭ دوكتورى قاسىم ماۋلەنوۆ تە كەلدى. مەكتەپكە كەلگەن قوناقتار سىرباي ماۋلەنوۆتىڭ مەكتەپتەگى مۋزەيىمەن تانىسىپ، ءبىلىم ورداسىنىڭ ءۇشىنشى قاباتىندا اشىلعان «تاريحي تاعزىم» كابينەتىن دە تاماشالاپ قايتتى.

«بۇگىن اقىن سىرباي ماۋلەنوۆتىڭ تۋعان كۇنىنە وراي №37 مەكتەپتە اقىندى ەسكە الۋ كەشى ءوتىپ جاتىر. ەلباسىنىڭ «رۋحاني جاڭعىرۋ» باعدارلاماسىنىڭ «ۇلى دالانىڭ ۇلى ەسىمدەرى» اتتى ارنايى باعىتى بار. وسى باعىت اياسىندا ۇلتىمىزدىڭ ۇلى تۇلعالارىن ۇلىقتاپ، بۇگىن اقىن سىرباي ماۋلەنوۆتى ەسكە الىپ جاتىرمىز. ەلورداداعى №37 مەكتەپتى ارالاپ كوردىك. اقىننىڭ مۋزەيى دە اشىلىپتى. ءۇشىنشى قاباتتا «رۋحاني جاڭعىرۋ» باعدارلاماسى اياسىندا وزدەرىنىڭ شاعىن كابينەتتەرى بار ەكەن. سول كابينەتتە قازاقتىڭ ۇلتتىق داستۇرىنە ساي تۇرمىستىق زاتتارى قويىلعان»، - دەدى شارا بارىسىندا «رۋحاني جاڭعىرۋ» جوبالىق كەڭسەسىنىڭ نۇر-سۇلتان قالاسى بويىنشا ديرەكتورى ۇكىباي نۇرپەيسوۆ.

ونىڭ ايتۋىنشا، قازىرگى تاڭدا «تاريحقا تاعزىم» اتتى ارنايى كابينەت قالانىڭ 7 مەكتەبىندە بار. الداعى ۋاقىتتا قازاق تاريحىن ۇلىقتاپ، ناسيحاتتايتىن وسىنداي كابينەت شاھاردىڭ باسقا 87 مەكتەبىندە اشىلاتىن بولادى.

ايتا كەتسەك، نۇر-سۇلتانداعى №37 مەكتەپ-ليتسەي اقىن سىرباي ماۋلەنوۆتىڭ اتىندا.

سىرباي ماۋلەنوۆ (1922-1993) اقىن، جازۋشى. تۇڭعىش ولەڭى جامبىل وبلىسى «كولحوزشى» گازەتىندە 1937 جىلى جاريالانعان. «سىرباي ماۋلەنوۆتىڭ ولەڭدەرى» اتتى العاشقى جيناعى 1948 جىلى جارىق كورگەن. س. ماۋلەنوۆ — قىرىققا جۋىق جىر جيناقتىڭ اۆتورى. ولەڭدەرى قازاق پوەزياسىنىڭ ليريكا جانرىن دامىتۋعا ەلەۋلى ۇلەس رەتىندە قوسىلدى. شىعارمالارىندا تۋعان جەر، زامانداس جانە ونىڭ جاسامپاز ەڭبەگى جارقىن جىرلانادى. «جولداس» (1954)، «جاس جۇرەك» (1956)، «جول ۇستىندەگى جالىندار» (1963)، «جۇلدىز جىرلار» (1963)، «قىزىل ارشا» (1969)، «بوز قىراۋ» (1976)، «تاۋ گۇلدەرى»، «شالقار»، «جالىن» (ۇشەۋى دە 1979)، «جاڭبىرسىز كۇز» (1980) جيناقتارىنىڭ اۆتورى. اقىن كىتاپتارى سىنشىلار تاراپىنان جوعارى باعالانادى.



كەلۋ قاينارى: http://www.elarna.net/koru.php?tur=3&id=1057620

پىكىرلەر:

juz dep sifirmen jazingiz.