كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

ج. احمەتبەكوۆ: زەينەتاقى تاعايىنداۋ ورتالىقتارىنداعى احۋالدان نەلىكتەن ازاماتتارىمىز زارداپ شەگۋى ءتيىس؟ | قاز


ءتۇرى: قازاق گازەتتەرى

ۋاقىتى: 13:54 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.


قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ج.احمەتبەكوۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى  ب.ب.نۇرىمبەتوۆكە زەينەتاقى تولەۋ ورتالىقتارىنداعى ماسەلەلەر دەپۋتاتتىق ساۋال جولدادى. بۇل تۋرالى kazgazeta.kz parlam.kz سايتىنا سىلتەمە جاساپ حابارلايدى.

ازاماتتاردىڭ كوبى زەينەت جاسىنا جەتىپ، زەينەتاقىسىن راسىمدەۋ بارىسىندا مەملەكەتتىك  زەينەتاقى تولەۋ ورتالىقتارىنداعى مەملەكەتتىك قىزمەتشىلەر تاراپىنان وزدەرىنە قاجەتتى، ءتيىستى كومەكتى الا المايدى. ناتيجەسىندە زەينەتاقى تاعايىنداۋ بارىسىندا زاڭدى تابىسىنىڭ ءبىر بولىگىنەن قاعىلىپ، كونستيتۋتسيالىق قۇقىعى تاپتالادى. مۇنداي جاعدايلارعا اسىرەسە قۇقىقتىق ساۋاتى تومەن، قاراپايىم ەڭبەك ادامدارى تاپ بولادى. وسىندايدا ءبىر شەنەۋنىكتىڭ شالاعاي جۇمىسى بۇكىل ءبىر وتباسىنىڭ تۇرمىس-تىرشىلىگىنە، ياعني قوعامداعى كوپتەگەن وسىنداي وتباسىلاردىڭ كۇن كورىسىنە تىكەلەي اسەر ەتەدى.

جاقىندا «حالىق كوممۋنيستەرى» فراكتسياسىنا جاردەم سۇراپ كەلگەن ازاماتشانىڭ باسىنان وتكەن جاعدايى، جەرگىلىكتى جەرلەردەگى زەينەتاقى تاعايىنداۋ ورتالىقتارىنداعى احۋالدىڭ ءماز ەمەس ەكەندىگىن كورسەتتى. قاراعاندى وبلىسىنىڭ شەت اۋدانىنان كەلگەن ازاماتشا ارداق جۇماشەۆا ءومىر بويى «قوڭىرات» شارۋاشىلىعىندا (سوۆحوزىندا) ەڭبەك ەتسە دە، زەينەتكە شىعۋ كەزىندە ەڭبەك ءوتىلىن دالەلدەي الماي، ەڭ تومەنگى 23 000 تەڭگەمەن زەينەتكە شىققان. سەبەبى ونىڭ دەرەكتەرى ارحيۆتە بولماعان. ەڭبەك كىتاپشاسىنداعى جازبالار دا ەسكەرىلمەگەن.

سوندا قالاي، كەزىندەگى شارۋاشىلىقتىڭ سالاق باسشىلارىنىڭ كەسىرىنەن نەلىكتەن ازاماتتار زارداپ شەگۋى ءتيىس؟ نەلىكتەن بۇل ازاماتشاعا زەينەتاقى تاعايىنداۋ بارىسىندا قاجەتتى زاڭدىق كومەكتەر كورسەتىلمەگەن؟ شەت اۋدانىنداعى وسى شارۋاشىلىقتا ەڭبەك ەتكەن قانشا ازامات وسىلايشا زاڭدى تابىسىنان قاعىلىپ وتىر؟ كەزىندە بۇل سوۆحوزداردا كەمىندە 500-1000، مۇمكىن ودان دا كوپ ادام جۇمىس جاساعانىن ەسكەرەتىن بولساق، ونىڭ سالدارىن ەلەستەتۋدىڭ ءوزى قيىن، ياعني، قاراعاندى وبلىسىنداعى وسىنداي جاعدايعا تاپ كەلگەن قانشا ازامات بار؟ ال بۇكىل رەسپۋبليكامىز بويىنشا جاعداي قانداي؟  — دەگەن ورىندى سۇراقتار تۋىندايدى.

ەگەر زەينەتاقى تولەۋ ورتالىقتارى تاراپىنان ازعانتاي بولسا دا كوڭىل ءبولىنىپ، زاڭدىق كومەك كورسەتىلگەن بولسا بۇل ازاماتشا ءوزىڭىن زەينەتاقىسىن تولىق الار ەدى.  ونىڭ وسى جىلدارى سول سوۆحوزدا ەڭبەك ەتكەنىن كورشىلەرىنىڭ ءبارى بىلەدى، كوبى سول جەرلەردە كۇنى بۇگىنگە دەيىن تۇرادى. سول كورشىلەرىنىڭ كۋالىگىنە جۇگىنۋ ارقىلى، ارداگەرلەر ۇيىمدارى ارقىلى، ءتىپتى قاجەت بولسا، سوت شەشىمى ارقىلى ەڭبەك ءوتىلىن قالپىنا كەلتىرۋدىڭ زاڭدى جولدارىن ايتىپ، كومەك جاسالماعان.

وسى سالاعا جاۋاپتى مەملەكەتتىك قىزمەتكەرلەردىڭ حالىققا زەينەتكە شىعۋدىڭ ءتيىستى، زاڭدى جولدارىن ايتىپ، تۇسىندىرمە جۇمىستارىن جۇرگىزىپ وتىرۋى مينيسترلىكتىڭ ءجىتى نازارىندا بولۋعا ءتيىس دەپ ەسەپتەيمىز. سونداي-اق ازاماتشا ارداق جۇماشەۆانىڭ زەينەتاقىسىن ەسەپتەۋ بارىسىندا كەتكەن وعاتتىقتاردى بارىنشا تەز جوندەۋ ءۇشىن قىزمەتتىك تەكسەرىس جاساپ، ءتيىستى شەشىمدەر قابىلداۋىڭىزدى سۇرايمىز جانە ادىلدىك قالپىنا كەلەدى دەپ سەنگىمىز كەلەدى.

        



كەلۋ قاينارى: http://www.elarna.net/koru.php?tur=6&id=1057610

پىكىرلەر:

juz dep sifirmen jazingiz.