كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2417572533 %67 %

سقو-دا ارنايى جاساق وفيتسەرلەرى ايەلدەردى بوساندىرۋدى ۇيرەنىپ جاتىر


ءتۇرى: قازاقپارات جاڭالىقتارى

ۋاقىتى: 13:48 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
سقو-دا ارنايى جاساق وفيتسەرلەرى ايەلدەردى بوساندىرۋدى ۇيرەنىپ جاتىر

پەتروپاۆل. قازاقپارات – سولتۇستىك قازاقستان وبلىسىندا جىلدام قيمىلدايتىن ارنايى جاساقتىڭ وفيتسەرلەرى جوعارى مەديتسينالىق مەكتەپتىڭ بازاسىندا ەكسترەمالدى جاعدايدا العاشقى مەديتسينالىق كومەك كورسەتۋ بويىنشا اپتالىق كۋرستان ءوتىپ، ارنايى مانەكەندەردە ايەلدى بوساندىرۋ ماشىقتارىن يگەردى، دەپ حابارلايدى قازاقپارات ءتىلشىسى.

سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە، جىلدام قيمىلدايتىن ارنايى جاساق وفيتسەرلەرى اپتالىق كۋرس اياسىندا ءتۇرلى جاراقاتتار، سۇيەكتىڭ سىنۋى، قان كەتۋ، كۇيىك پەن ۇسىك شالۋ جانە تاعى دا باسقا جاعدايلاردا العاشقى مەديتسينالىق كومەك كورسەتۋدى ۇيرەندى.

«جىلدام قيمىلدايتىن ارنايى جاساقتىڭ وفيتسەرلەرى شۇعىل جاعدايلارعا بەيىمدەلگەن: ولار بۇعان دەيىن پاراشيۋتپەن سەكىرىپ، قاجەت بولسا سۋعا دا بىردەن سۇڭگىپ، كومەك كورسەتە الادى. جاۋىنگەرلەر كوكتەمگى سۋ تاسقىنى كەزىندە قار سۋىنان مۇلىك پەن مالدى قۇتقارۋعا تاۋلىك بويى كومەكتەسىپ، حالىقتىڭ ريزاشىلىعىنا بولەندى. ەندى مانەكەننىڭ كومەگىمەن بوساندىرۋ پروتسەسىنە قاتىسقان قىزمەتكەرلەر ەر ادامنىڭ قولىنان كەلە بەرمەيتىن ماشىقتى يگەردى. كۋرسقا قاتىسقان سەگىز قىزمەتكەر بوساندىرۋ جايلى تۇسىنىك الىپ، پراكتيكالىق داعدىلاردى مەڭگەردى. بوساندىرۋ پروتسەسى ناعىز تۋ زالىنداعى قۇبىلىستى كورسەتەتىن قىمبات تۇراتىن مانەكەندە كورسەتىلدى»، - دەيدى ءباسپاسوز قىزمەتىنىڭ ماماندارى.


ارنايى ءبولىنىستىڭ قىزمەتكەرلەرى كەز كەلگەن ۋاقىتتا جانە اۋا رايىنا قاراماستان، ءتۇرلى شاقىرتۋلار مەن شتاتتان تىس جاعدايلارعا دايىن بولۋى قاجەت. بارلىق ساباقتار دارىگەرلىك تاجىريبەنىڭ ءار جاعدايىنا وراي سيمۋلياتورلارمەن جابدىقتالعان مەديتسينالىق وقۋ ورنىنىڭ كابينەتتەرىندە ءوتتى.

«لەكتسيالاردان كەيىن قىزمەت وتكەرۋ كەزىندە، تۇرمىستا قاجەت بولاتىن شۇعىل كومەك بويىنشا پراكتيكالىق ساباقتار وتكىزىلدى. ياعني، بۇل كومەك شۇعىل تۇردە جۇرەك توقتاعان، كۇيىك پەن ۇسىك شالعان، ۋلانعان كەزدە قاجەت. وتكىزىلگەن ساباقتاردان كەيىن قىزمەتكەرلەر تولىق كولەمدە مەديتسينالىق كومەك كورسەتە الادى»، - دەيدى وبلىستىق بالالار اۋرۋحاناسىنىڭ انەستەزيولوگيا جانە رەانيماتسيا بولىمشەسىنىڭ مەڭگەرۋشىسى نۇرلان جاقىپوۆ.

كۋرس اياقتالعاننان كەيىن جقاج قىزمەتكەرلەرىنە پارامەديكتىڭ ارنايى سەرتيفيكاتى تابىس ەتىلدى.





كەلۋ قاينارى: http://www.elarna.net/koru.php?tur=3&id=1057608

پىكىرلەر:

juz dep sifirmen jazingiz.