كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211064361153 %47 %

اسقار مىرزاحمەتوۆ اۋقىمدى جوباعا ەنگەن اۋىل تۇرعىندارىمەن كەزدەستى


ءتۇرى: قازاقپارات جاڭالىقتارى

ۋاقىتى: 13:42 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

تاراز. قازاقپارات –جامبىل وبلىسىنىڭ اكىمى اسقار مىرزاحمەتوۆتىڭ ءوڭىر تۇرعىندارىنىڭ تۇرمىستىق تابىسىن جاقسارتۋ جوباسى اياسىندا پيلوتتىق اۋىلدىق وكرۋگتەردى ارالاۋى جالعاسۋدا، دەپ حابارلايدى قازاقپارات ءتىلشىسى.

ۇقساس جاڭالىقتار
بىر سيىر مەن بىرنەشە تاۋىق ااك تاعايىنداۋدا كريتەري بولماۋى ءتيىس - نۇرىمبەتوۆ كەپىلدەندىرىلگەن الەۋمەتتىك توپتاما نەلىكتەن 1 جاسقا تولماعان بالاعا بەرىلمەيدى - نۇرىمبەتوۆ جاۋابى ااك الۋشىلاردىڭ سانى 2 ەسە قىسقارادى

وبلىس باسشىسى اسقار مىرزاحمەتوۆتىڭ ت.رىسقۇلوۆ اۋدانىنىنا جۇمىس ساپارى بارىپ، قۇمارىق اۋىلدىق وكرۋگىنىڭ تۇرعىندارىمەن كەزدەستى. كەزدەسۋدە وكرۋگ اكىمى قانات سمات تۇرعىنداردىڭ تۇرمىستىق تابىسىن جاقسارتۋ پيلوتتىق جوباسى اياسىندا اۋىلدا اتقارىلىپ جاتقان جۇمىستار بارىسىن باياندادى. قۇرامىنا ءۇش ەلدىمەكەن كىرەتىن وكرۋگتە بارلىعى 630 اۋلا بار بولسا، 502 اۋلا تۇرعىندارى جوبا اياسىندا تۇرمىسىن تىكتەمەك.

ايماق باسشىسى اۋقىمدى جوبانىڭ ماڭىزدىلىعىن ايتىپ ءوتىپ، وعان مۇمكىندىگىنشە بارلىق اۋلانى تارتۋ قاجەتتىلىگىن جەتكىزدى. ءوز كەزەگىندە تۇرعىندار دا كوكەيدەگى كوپ ساۋالدارىن جولداپ، ناقتى جاۋاپتار الا ءبىلدى.

وكرۋگتەگى جوباعا قاتىسۋعا ىنتالى 502 اۋلانىڭ ء458-سى ءۇي ماڭىنداعى جەردى ءتيىمدى پايدالانۋ، ء142-سى مال شارۋاشىلىعىمەن اينالىسۋ باعىتىندا كاسىپتەرىن دامىتۋعا نيەتتى.

ال، ءۇشىنشى باعىت بويىنشا مال بورداقىلاۋعا قاجەت مال ازىعىن دايارلاۋ ءۇشىن اۋىلدىقتارعا 800 گەكتار ەگىستىك القاپ قاجەت بولسا، جايىلىمدىق جەر جەتكىلىكتى. قازىرگى تاڭدا اۋىلدا «قۇمارىق-تاۋ» اشك قۇرىلىپ، وعان قاجەتتى تەحنيكا مەن جابدىقتار ساتىپ الۋ جوسپارلانۋدا.

بۇگىندە وبلىس تۇرعىندارىنىڭ تۇرمىستىق تابىسىن كوتەرۋدىڭ جوباسى اياسىندا قۇمارىقتىقتار قوسالقى شارۋاشىلىقتارىن دامىتۋ شارالارىن قولعا الىپ ۇلگەرگەن. باياندى باستامانىڭ يگىلىگىن كورۋگە اسىق تۇرعىندار ءتيىستى جۇمىستاردى بۇگىننەن باستاپ كەتكەن. سولاردىڭ ءبىرى -العاباس اۋىلىنىڭ تۇرعىنى گۇلباعيرا ايجانوۆا.

زەينەتكەر قازىرگى تاڭدا ءۇي ىرگەسىندەگى جەرىن ءتيىمدى يگەرۋ ءۇشىن كۇزدىك سارىمساق ەگۋ ىسىنە قىزۋ كىرىسكەن. ونىڭ 50 سوتتىق شارباعىنداعى ەگىنشىلىك جۇمىستارىنا اۋىلداستارى اسارلاتىپ، كوپتەپ كومەكتەسۋدە.

بىرىككەن جەردە - بەرەكە بار ەكەنىن جەتە تۇسىنەتىن اۋىلدىقتار سۇرانىسقا يە سارىمساقتى ەگۋگە بىلەك تۇرە بەت بۇرعان. وسىنداي ىسپەن اينالىسىپ وتىرعان ءدال ءقازىر ون بەستەن اسا اۋلا بار. ولاردىڭ ءبارى كۇزدىك سارىمساقتارىن ەرتە جازدا قازىپ الىپ، ەكىنشى اينالىمدا باسقا كوكونىس ەگىپ، مول ءونىم الۋعا نيەتتى.

سونداي-اق، اسقار مىرزاحمەتوۆ مەركى اۋدانىنا جۇمىس ساپارىمەن كەلىپ، تۇرعىندارىنىڭ تۇرمىستىق تابىسىن جاقسارتۋدىڭ پيلوتتىق جوباسىنا ەنگەن سۇرات اۋىلدىق وكرۋگىنىڭ تۇرعىندارىمەن جۇزدەستى. جيىندا نەگىزىنەن اۋىلداعى جەكە قوسالقى شارۋاشىلىقتى دامىتۋ شارالارى قارالدى.

بۇل وكرۋگتەگى جالپى 462 اۋلادا بارلىعى 2830 حالىق تىرشىلىك ەتۋدە. سۇراتتاعى 353 اۋلانىڭ تۇرعىندارى جوبانىڭ ءبىرىنشى باعىتى بويىنشا قاتىسۋعا نيەتتى. سول سەكىلدى مال باسىن ارتتىرىپ، شارۋاسىن شالقىتۋعا 234 اۋلا بەيىل. باستامانىڭ باسقا دا باعىتتارى بويىنشا جۇمىستار جۇرگىزىلمەك. ءتيىمدى نەسيەمەن ءناسىبىن ارتتىرۋعا ىنتالى تۇرعىندار تالماي تەر توگۋگە دايىن.

وبلىس اكىمى جوبانىڭ باعىتتارىنا جەكەلەي توقتالىپ، اۋىلدىقتاردىڭ جاپپايعجاعدايىن جاقسارتۋ -باستى ماقسات ەكەنىن جەتكىزدى.

ايتا كەتەيىك، جوبانىڭ ءبىرىنشى باعىتىنا سايكەس جۇمىس جاساۋعا ىنتالى وكرۋگتەگى 353 اۋلانىڭ جالپى جەر كولەمى 70،6 گەكتاردى قۇرايدى. سۇراتتىقتار نەگىزىنەن قىزاناق، كارتوپ، قيار، قىرىققابات كوكونىستەرىن ەگىپ، ەكى اينالىمدا ءونىم الۋعا دايىن. سونداي-اق، جىلىجاي سوعۋعا 12 اۋلا ءوتىنىم بەرۋدە.

ال، ەكىنشى باعىت - مال شارۋاشىلىعى بويىنشا 234 اۋلا يەلەرىنەن 9930 باس مال الۋعا سۇرانىس تۇسكەن. بۇگىندە جۇمىستىڭ العىشارتتارىنىڭ ءبىرى رەتىندە وكرۋگ بويىنشا «دامۋ سۇرات» اۋىل شارۋاشىلىق كووپەراتيۆى قۇرىلعان. قۇرىلىم ارقىلى تۇقىم، تەحنيكا، ءونىم وتكەرۋ سەكىلدى كوپتەگەن ماسەلەلەردى شەشۋ جوسپارلانۋدا. جوبانىڭ بەسىنشى باعىتى بويىنشا دا ءوزىنىڭ كاسىبىن اشىپ، ءىسىڭ ىلگەرىلەتەم دەۋشىلەر بارشىلىق.


كەلۋ قاينارى: http://www.elarna.net/koru.php?tur=3&id=1057605

پىكىرلەر:

juz dep sifirmen jazingiz.