كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22200103422 %78 %

تىنىشتىقبەكتىڭ مۇڭى | ادەبيەت پورتالى


ءتۇرى: جۇلدىز جۋرنالى

ۋاقىتى: 13:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

اقىننىڭ تابيعي جۇپار مۇڭىنان ولەڭ جاراتىلادى. جانىن ۇقپاس مىڭنان الىستاتىن دا سول مۇڭى، بيىكتەتەتىن دە. كەيدە اقىندى مۇڭىمەن ولشەۋ كەرەك سياقتى. مۇڭدى قايعىمەن شاتاستىرۋعا بولمايدى. ءبىز مۇڭنان ەمەس، مۇڭسىزدىقتان قورقۋىمىز كەرەك. وسىنى جەتە ۇققان قادىر اقىن: «مۇڭ دەگەنىڭ جاقسىلاردىڭ ەنشىسى»، - دەيدى. ال جىرى دا، مۇڭى دا بولەك تىنىشتىقبەك اعامىز مۇڭدى تىپتەن باسقاشا قابىلدايدى.

كوز جاسىڭ ارقىلى كورگەن ءومىرىڭ – مۇڭلى الەم.
كوز جاسىڭ كەبە سالىسىمەن... جىندى الەم.
ەگەر، تاڭداۋ كەرەك بولسا،
مەن كۇلىپ جۇرگەن ادامداردى ەمەس،
جىلاپ تۇرعان سىبىزعىنى تىڭدار ەم.

مۇڭ – اقىننىڭ شابىت كۇيى. ترانس. شىعارماشىلىق حال. سول مۇڭ سەزىمىنىڭ نازىك پەرنەسىن ءتۇرتىپ قالعاندا جۇرەگى سويلەپ قويا بەرەدى. تىنىشتىقبەك الەمى – تەرەڭ تۇيسىكتىڭ الەمى. مۇڭى دا ەشكىمگە ۇقسامايدى. ءوزى ءبىر ولەڭىندە ايتقانداي: «مۇڭىم دا – پەندەلەردىكىنەن باسقا مۇڭ». سوندىقتان كۇلىپ جۇرگەن ادامداردىڭ سوزىنەن، جىلاپ تۇرعان سىبىزعىنىڭ ءۇنىن ارتىق كورەدى. سەبەبى سول شىنايى، سول كىرشىكسىز، سول تەرەڭ.

مۇڭى بولماسا، ۇمتىلماس ەدى كۇنگە وركەن.
مۇڭى بولماسا، نازدانباس ەدى كۇندە ەركەم.
مۇڭلى الەم عانا – قاسيەتتى.
مۇڭلى ولەڭ عانا – تىم كوركەم.

وسى ۋاقىتقا دەيىن مۇڭ جايلى تولعانباعان اقىن كەمدە-كەم شىعار. قالام ۇستاعان جاننىڭ ماڭگىلىك سەرىگى دە سول مۇڭ. مۇڭىنىڭ بوياۋى ولەڭگە سىڭەدى. قاسيەتتى دە، كوركەم بولماعىنىڭ دا سىرى سوندا جاتىر.

مەيلى، نارەستە بولىپ ىڭگالا.
مەيلى، ارداق تۇتسىن سەنى كىل دانا.
جانىڭدى ماڭگى ولتىرمەس
تابيعي جۇپار –
– مۇڭ عانا.

اقىننىڭ ۇعىمىندا مۇڭ جانىڭدى ماڭگى ولتىرمەيتىن قاسيەتكە دە يە. مۇڭدانعاندا كەيدە بالا بولىپ تا ىڭگالايدى، كەيدە دانا بولىپ تا دۇنيەگە ءبىر قارايدى. ءاسىلى، ولەڭ سوزدەن قۇرالسا دا، سوزبەن ولەڭدى ءتۇسىندىرۋ مۇمكىن ەمەس. ولەڭ قۇراپ تا جازىلادى، شابىتپەن قۇيىلىپ تا تۇسەدى. سوم التىنداي قۇيىلىپ تۇسكەن ولەڭ – قۇدىرەت! ايگىلى ءبىرجان سالدىڭ:

«دومبىرا كۇيى كەلەر بۇراۋمەنەن،

كەلمەيدى ءسوز جۇيەسى قۇراۋمەنەن»، - دەيتىنى سوندىقتان.

سوز ولەڭ بولىپ جۇيەسىن تاپقاندا ءبىر جارىق نۇرعا اينالىپ كەتەتىندەي. ساناڭا ساۋلە بولىپ شاشىرىپ، كەۋدەڭە ىستىق سەزىم بولىپ قۇيىلادى.

ارينە، ءبىر قۇدايدىڭ بارىنا ەل سەنەر.
ءسىرا، ءجيى-جيى جىلاپ تا جۇرەدى سول شەبەر...
مەن تامۇقتى عانا اڭساپ ولەرمىن،
جۇماق تا مۇڭسىز بولسا ەگەر.

ول ءتىپتى مۇڭسىز جۇماقتان تامۇقتى ارتىق كورەدى. بۇل ءتۇيىن بۇعان دەيىن ايتىلماعان كەسەك ءتۇيىن. تىنىشتىقبەك اقىنعا عانا ءتان تەرەڭ تولعانىس. اقىن وسى جولدارىمەن-اق ماڭگىلىك. ارينە ۇققان ادامعا.

ارمان شەريزات



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1057599

پىكىرلەر:

juz dep sifirmen jazingiz.