كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2417572533 %67 %

فرانتسۋزدىق كومپانيا الماتى وبلىسىندا قاتتى قالدىقتارعا ارنالعان ەكى زاماناۋي پوليگون سالادى | قازاق گازەتتەر


ءتۇرى: قازاق گازەتتەرى

ۋاقىتى: 13:21 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.


الەمدىك تاجىريبەسى بار فرانتسۋزدىق كومپانيا الماتى وبلىسىندا قاتتى قالدىقتارعا ارنالعان ەكى زاماناۋي پوليگون سالادى. پوليگوندار تالدىقورعان جانە الماتى وڭىرلەرىندە ورنالاستىرىلادى. بۇل تۋرالى بۇگىن وبلىس اكىمى اماندىق باتالوۆتىڭ فرانتسۋزدىق «SUEZ» كومپانياسى مەن وتاندىق «Keremet Projects» كومپانياسى وكىلدەرىمەن بولعان كەزدەسۋدە ايتىلدى، — دەپ حابارلايدى الماتى وبلىسى اكىمىنىڭ ءباسپاسوز قىزمەتى.

كومپانيا جۇمىسى مەن ولاردىڭ جۇزەگە اسىرىپ جاتقان جوبالارى تۋرالى «SUEZ Group» كومپانياسىنىڭ حالىقارالىق قاتىناستار جونىندەگى ۆيتسە-پرەزيدەنتى تيموتي كارجيل ايتىپ بەردى.

ونىڭ ايتۋىنشا، كومپانيا پوليگوندى بارلىق ەكولوگيالىق تالاپتاردى ساقتاي وتىرىپ سالادى، ياعني فيلتراتتىڭ جەرگە سىڭبەۋىنە، ونىڭ جەر استى سۋلارىن ۋلاماۋىنا، اۋاعا زياندى زاتقتاردى شىعارماۋعا باسا نازار اۋدارادى. بۇل رەتتە كومپانيا قالدىقتاردى وڭدەي وتىرىپ، مەملەكەت پەن كومپانيا ءۇشىن ەنەرگيانىڭ كوپتەگەن تۇرلەرىن، سونىڭ ىشىندە بيوگاز، تىڭايتقىش تا شىعارادى. «SUEZ» قالدىقتاردى سەگرەگاتسيالاۋعا، ياعني قوقىستاردى وڭدەۋگە جانە ەنەرگياعا اينالدىرۋعا بولاتىن قالدىقتار، سونىمەن بىرگە وڭدەۋگە كەلمەيتىن قالدىقتار دەپ ەكى توپقا بولۋگە ماماندانعان. سول سياقتى كومپانيا «دىمقىل» دەپ اتالىپ جۇرگەن، جاسىل ەلەكتر ەنەرگياسىن وندىرۋدە پايدالانىلاتىن مۋنيتسيپالدى قالدىقتاردى وڭدەي الادى.

سونىمەن قاتار وڭدەۋگە كەلمەيتىن قالدىقتاردى جاعۋ پروتسەسىن دا اتقارادى، بۇل ورايدا مىندەتتى تۇردە ءتۇتىندى تازالاۋ، ودان ءارى پايدالى ەنەرگيا ءوندىرۋ دە قاراستىرىلادى.

«SUEZ» كومپانياسى مۇنداي تەحنولوگيادا الەمدە كوشباسشى سانالادى، ءوز قىزمەتىن 80 ەلدە ۇسىنىپ وتىر. سول سياقتى كومپانيانىڭ باسقارۋىندا الەم بويىنشا 100 تۇرمىستىق قاتتى قالدىقتار پوليگونى بار.

كومپانيانىڭ قىزمەتى تۋرالى بايانداۋشىلاردىڭ ءسوزىن، جوبالارىنىڭ تانىستىرىلىمى جايلى تىڭداعان وبلىس اكىمى اماندىق باتالوۆ ءبىرىنشى كەزەڭدە ىسكەرلىك بايلانىستى تالدىقورعان جانە الماتى وڭىرلەرىندە ەكى پوليگون سالۋدان باستاۋدى ۇسىندى:

— ءبىرىنشى پوليگوندى تالدىقورعانداعى پوليگون بازاسىندا ورنالاستىرامىز. سىزدەرمەن بىرگە بۇل پوليگونعا وبلىس ورتالىعىنا جاقىن اۋدانداردان، تەكەلى قالاسى مەن تالدىقورعاننىڭ وزىنەن قالدىق تاسىمالداۋ ماسەلەسىن ۇيىمداستىرامىز. ءسويتىپ، جىلىنا 150 مىڭ تونناعا جۋىق قالدىق جيناقتالادى. ەكىنشى پوليگوندى الماتى قالاسىنا جاقىن ماڭنان سالۋ كەرەك. بۇل جاڭا پوليگون بولادى. ونى حالقى تىعىز ورنالاسقان ەڭبەكشىقازاق اۋدانىنان سالۋدى ۇسىنامىن. وسى پوليگونعا تالعار اۋدانىنان، الماتى قالاسى مەن ىلە اۋدانىنىڭ ءبىرقاتار بولىگىنەن قوقىس جەتكىزىلەتىن بولادى. سىزدەرمەن بىرگە ناقتى ىسكە كىرىسۋ ءۇشىن ءبىز جۇمىس توبىن قۇرامىز، ونىڭ قۇرامىنا «SUEZ» جانە «Keremet Projects» كومپانيالارىنىڭ وكىلدەرى، مەنىڭ تۇكش سالاسىنا جەتەكشىلىك ەتەتىن ورىنباسارىم، سول سياقتى ءتيىستى باسقارمالاردىڭ باسشىلارى كىرەدى. سىزدەر «Step by Step» تەحنولوگياسى بويىنشا وسى جوبانىڭ بارلىق دەتالدارىن پىسىقتاساڭىزدار، ءبىز وزدەرىڭىزبەن بىرلەسىپ جاقىن كۇندەردە جوبانى جۇزەگە اسىرۋ جۇمىستارىن باستايمىز، — دەدى ا. باتالوۆ.

وز كەزەگىندە «SUEZ» كومپانياسىنىڭ وكىلدەرى ارتىلعان سەنىم ءۇشىن ريزاشىلىقتارىن جەتكىزىپ، جوبانى ىسكە اسىرۋدىڭ دايىندىق جۇمىسى ساپالى بولادى دەپ سەندىردى.

جيىندى قورىتىندىلاعان وبلىس اكىمى «مەنى سىزدەردىڭ پوليگون سالۋ تۋرالى ويلارىڭىز قاتتى قىزىقتىردى. ويتكەنى سىزدەردىڭ كومپانيالارىڭىز بارلىق ەكولوگيالىق تالاپتاردى ەسكەرە وتىرىپ، ارنايى تەحنولوگيامەن زاماناۋي پوليگون سالۋدان باستاپ، قوقىستى وڭدەۋ مەن ەنەرگيا تۇرلەرىن شىعارۋعا دەيىنگى پروتسەستەردى تولىق قامتيدى. ءبىزدىڭ سەرىكتەستىگىمىز پوليگون قۇرىلىسىن جۇرگىزۋمەن شەكتەلمەيدى دەپ ويلايمىن. اتاپ وتىلگەن باعىتتاردىڭ بارلىعى دا ىنتىماقتاسا جۇمىس ىستەۋىمىزگە نەگىز بولا الادى»، – دەي كەلە، ءوزىنىڭ ءبىرىنشى ورىنباسارى ل.تۇرلاشوۆقا، وبلىستىق ەنەرگەتيكا جانە تۇكش باسقارماسىنىڭ باسشىسى ب. تانەكەنوۆكە وسى جوبانى ىسكە اسىرۋدىڭ بارلىق ساتىسىندا ەرەكشە باقىلاۋعا الۋدى تاپسىردى.

قازاقستاندىق «Keremet Projects» كومپانياسى جوبانىڭ بارلىق ساتىلارىندا جەتەكشىلىك ەتىپ، پوليگون قۇرىلىسىن جۇزەگە اسىراتىن بولادى.



كەلۋ قاينارى: http://www.elarna.net/koru.php?tur=6&id=1057594

پىكىرلەر:

juz dep sifirmen jazingiz.