كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1812629926 %74 %

ساعىنتاەۆ الماتىنىڭ 2050 جىلعا دەيىنگى دامۋ ستراتەگياسى تۋرالى ايتتى


ءتۇرى: قازاقپارات جاڭالىقتارى

ۋاقىتى: 13:12 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
ساعىنتاەۆ الماتىنىڭ 2050 جىلعا دەيىنگى دامۋ ستراتەگياسى تۋرالى ايتتى

الماتى. قازاقپارات – الماتى قالاسىنىڭ اكىمى باقىتجان ساعىنتاەۆ شاھاردىڭ 2050 جىلعا دەيىنگى دامۋ ستراتەگياسى تۋرالى ايتتى، دەپ حابارلايدى قازاقپارات ءتىلشىسى.

ب. ساعىنتاەۆ قالانىڭ دامۋ ستراتەگياسى جونىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرىمەن كەزدەسۋ بارىسىندا ءمالىم ەتتى.

«بۇگىندە ەلباسىنىڭ تاپسىرماسىنا سايكەس، قالانىڭ ۇزاقمەرزىمدى دامۋ ستراتەگياسىنىڭ جوباسىن جاسادىق. بۇل قۇجاتتى «الماتى-2050» دەپ اتادىق. مەن سىزدەرمەن قالامىزدىڭ دامۋى تۋرالى ءوزىمنىڭ كوزقاراسىممەن بولىسكىم كەلەدى. سىزدەردىڭ دە بۇل جوباعا قاتىسىپ، قولدايتىندارىڭىزعا سەنەمىن»، - دەدى ول جينالعاندارعا.

اكىمنىڭ ايتۋىنشا، ءبىرىنشى ستراتەگيالىق باسىمدىق – عالامدىق «اقىلدى» قالا بولۋ. ساراپشىلاردىڭ بولجاۋىنشا، 2030 جىلعا قاراي مەگاپوليس تۇرعىندارىنىڭ سانى 5 ميلليونعا جەتەدى.

«5 ميلليون – بۇل ۇلكەن الماتى. ۇلكەن الماتى – بۇل الماتى قالاسى جانە قالاماڭى، ياعني الماتىلىق اگلومەراتسيا. جانىمىزدا الماتى وبلىسىنىڭ 5 اۋدانى ورنالاسقان. وندا وبلىس حالقىنىڭ 60% تۇرادى. ولار تالدىقورعانعا بارمايدى. سەبەبى، بۇل وتە الىس، بارلىعى ءبىزدىڭ شاھارعا كەلەدى. ءقازىر الماتىدا 3 ميلليون ادام تۇرادى، 2030 جىلعا قاراي 5 ميلليونعا جەتەدى. سوندىقتان حالىقتىڭ وسۋىنە بايلانىستى ينفراقۇرىلىمعا جۇكتەمە بارلىق دامۋشى قالالار ءۇشىن عالامدىق مىندەت بولىپ تابىلادى. ولاردىڭ قاتارىندا بىزدە بارمىز. بىزگە دە، باسقا الەمدىك مەگاپوليستەر سياقتى، ۋربانيزاتسيا داعدارىسى ءتونىپ تۇر. كوشىپ كەلۋشىلەر سانى جىل سايىن ارتىپ كەلەدى. بۇل، قالانىڭ بارلىق الەۋمەتتىك، ينجەنەرلىك، كولىك ينفراقۇرىلىمىن قايتا جۇكتەۋ قاجەتتىگىنە الىپ كەلەدى»، - دەدى اكىم.

سوندىقتان، ۇلكەن الماتىنىڭ ءبۇتىن اگلومەراتسياسى اۋقىمىنداعى شەشىمدەر ءۇشىن پرواكتيۆتى جوسپارلاۋ جانە جوبالاۋ، سمارت-تاسىلدەر قاجەت»، - دەدى باقىتجان ساعىنتاەۆ.

«اگلومەراتسيانى ەسەپكە الماعاندا، قالا حالىقىنىڭ سانى 3-3،5 ميلليون ادام. 2030 جىلدان كەيىن ونى وسى دەڭگەيدە ۇستاپ تۇرۋ ءۇشىن قالا ماڭىن دامىتۋىمىز كەرەك. ول جەردە جۇمىس ورىندارىن اشىپ، الەۋمەتتىك ينفراقۇرىلىمدى قۇرۋىمىز قاجەت. سونداي-اق، سول جەرلەرگە قوعامدىق كولىكتەردى تارتۋىمىز كەرەك. LRT، BRT ەلەكتر پويىزىن ىسكە قوسۋىمىز ءتيىس»، - دەدى اكىم.


كەلۋ قاينارى: http://www.elarna.net/koru.php?tur=3&id=1057586

پىكىرلەر:

juz dep sifirmen jazingiz.