كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211064361153 %47 %

قازاقستان اۋعان ستۋدەنتتەرىن وقىتۋ باعدارلاماسىن جالعاستىرادى


ءتۇرى: قازاقپارات جاڭالىقتارى

ۋاقىتى: 13:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستان اۋعان ستۋدەنتتەرىن وقىتۋ باعدارلاماسىن جالعاستىرادى

نۇر-سۇلتان. قازاقپارات – قازاقستان اۋعان ستۋدەنتتەرىن جوعارى وقۋ ورىندارىندا وقىتۋ باعدارلاماسىن جالعاستىرادى، دەپ حابارلايدى قازاقپارات ءتىلشىسى.

«ەكىجاقتى جانە كوپجاقتى كەلىسىمدەر اياسىندا قازاقستان اۋعانستانعا تەحنيكالىق جانە گۋمانيتارلىق كومەك كورسەتىپ كەلەدى. بۇگىنگە دەيىن ءبىز اۋڭعانستانعا 80 ميلليون دوللاردان استام سومادا كومەك كورسەتتىك. سوڭعى جىلدارى ونداعى مەديتسينالىق جانە ءبىلىم بەرۋ ورتالىقتارىنىڭ قۇرىلىسىنا، اۋعانستاننىڭ ءارتۇرلى پروۆينتسيالارىندا جولدار مەن كوپىرلەردى قالپىنا كەلتىرۋگە 3،5 ميلليون دوللار باعىتتالدى. سونىمەن قاتار، ءۇش جىل بۇرىن قازاقستان اۋعانستاننىڭ ۇلتتىق قاۋىپسىزدىك كۇشتەرىنە كومەك رەتىندە 2 ميلليون دوللار ءبولدى»، - دەپ اتاپ ءوتتى قر سىرتقى ىستەر ءمينيسترى مۇحتار تىلەۋبەردى ەلوردادا ءوتىپ جاتقان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) اۋعانستان بويىنشا جيىنىندا.

سىرتقى ىستەر ءمينيسترىنىڭ ايتۋىنشا، قازاقستاندىق جەتەكشى جوعارى وقۋ ورىندارىندا اۋعان ستۋدەنتتەرى وقىپ جاتىر. بۇل ماقساتتا قر تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن مەملەكەتتىك باعدارلاما اياسىندا 50 ملن دوللار بولىنگەن.

«بۇل باستاما حالىقارالىق قاۋىمداستىق تاراپىنان جوعارى باعاعا يە بولدى. بۇگىنگى تاڭدا بۇل باستامانى تابىستى تۇردە دامىتىپ كەلەمىز. وسى اپتادا ەو، قازاقستان جانە وزبەكستان اراسىنداعى ءۇشجاقتى ىنتىماقتاستىق باعدارلاماسى اياسىندا قازاقستاننىڭ جەتەكشى ۋنيۆەرسيتەتتەرىندە وقۋ ءۇشىن اۋعان ستۋدەنت بويجەتكەندەرىنىڭ ءبىرىنشى توبى الماتىعا كەلدى. اۋعانستان جاستاردىڭ بىلىمگە بەت بۇرماسا، وندا تۇراقتى ورتالىق بولا المايدى دەپ سانايمىز «، - دەدى مينيستر.

ەسكە سالا كەتسەك، نۇر-سۇلتاندا ءوتىپ جاتقان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) اۋعانستان بويىنشا دوڭگەلەك ۇستەلىندە مۇحتار تىلەۋبەردى اۋعانستاننىڭ ەكونوميكاسىن كورشى ەلدەرمەن، سونىمەن بىرگە ورتالىق ازيا مەملەكەتتەرىمەن ينتەگراتسيالاۋدىڭ ماڭىزى زور ەكەنىن اتاپ وتكەن بولاتىن.


كەلۋ قاينارى: http://www.elarna.net/koru.php?tur=3&id=1057581

پىكىرلەر:

juz dep sifirmen jazingiz.