كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

پرەزيدەنت تاپسىرماسى: ماسكاتتان الماتى مەن نۇر-سۇلتانعا اۋە رەيستەرى اشىلادى


ءتۇرى: قازاقپارات جاڭالىقتارى

ۋاقىتى: 12:45 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
پرەزيدەنت تاپسىرماسى: ماسكاتتان الماتى مەن نۇر-سۇلتانعا اۋە رەيستەرى اشىلادى

نۇر-سۇلتان. قازاقپارات – ومان مەملەكەتىنىڭ «Salam Air» اۋە كومپانياسى ەل استاناسى ماسكاتتان الماتىعا جانە نۇر-سۇلتانعا رەيستەر اشادى، دەپ حابارلايدى قازاقپارات ءتىلشىسى قر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنە سىلتەمە جاساپ.

ۇقساس جاڭالىقتار
اۆياتسيا كوميتەتى ۇشاق بيلەتىنىڭ باعاسىن تومەندەتۋ ءۇشىن نە ىستەمەك

قر پرەزيدەنتىنىڭ حالىقارالىق رەيستەر سانىن كوبەيتۋ جونىندەگى تاپسىرماسىنا سايكەس، قازاقستان رەسپۋبليكاسى مەن ومان سۇلتاناتىنىڭ اۆياتسيالىق بيلىگى اراسىندا ەكىجاقتى كەلىسسوز جۇرگىزىلگەن. قازاقستاندىق دەلەگاتسياعا قر يدم ازاماتتىق اۆياتسيا كوميتەتىنىڭ ءتوراعاسى تالعات لاستاەۆ، ال ومان دەلەگاتسياسىنا ومان سۇلتاناتىنىڭ كولىك جانە كوممۋنيكاتسيالار مينيسترلىگى اۋە كولىگى دەپارتامەنتىنىڭ ديرەكتورى ساليم ال-حۋسسەيني باسشىلىق ەتكەن.

«كەلىسسوزدەر ناتيجەلەرى بويىنشا اۋە رەيستەرى ءۇشىن قۇقىقتىق بازا قۇرىلدى. وعان سايكەس، ەكى ەلدىڭ تاعايىندالعان تاسىمالداۋشىلارىنا اپتاسىنا 14 جولاۋشى جانە 14 جوسپارلانعان جۇك رەيسىن ورىنداۋ قۇقىعى بەرىلدى. وسى نەگىزدە، كەلەسى جىلدىڭ ناۋرىز ايىندا وماندىق «Salam Air» اۋە اكومپانياسى «الماتى – ماسكات» (ومان استاناسى) باعىتى بويىنشا اپتاسىنا 7 رەت رەيس جاسايتىن ۇشاق ۇشىرادى. سونداي-اق، كەلەسى جىلدىڭ كۇزىنەن باستاپ جوعارىدا اتالعان ومان اۋە اكومپانياسى «نۇر-سۇلتان-ماسكات» باعىتى بويىنشا اۋە قاتىناسىن جولعا قويماق»، - دەلىنگەن حابارلامادا.

بۇل جۇمىس ومان سۇلتاناتى ازاماتتارىنىڭ قازاقستان رەسپۋبليكاسىندا 30 كۇن ۆيزاسىز بولۋ ءتارتىبىنىڭ ەنگىزىلۋىمەن (2019 جىلدىڭ 30 قىركۇيەگىنەن باستاپ كۇشىنە ەنگەن) ءبىر مەزگىلدە جۇرگىزىلۋدە.

اتاپ وتىلگەندەي، ەكى ەل اراسىندا تىكەلەي رەيستەردىڭ اشىلۋى، سونداي-اق قازاقستاندا ەنگىزىلگەن ۆيزاسىز رەجىم جانە قولايلى كليماتتىق جاعدايلار ومان سۇلتاناتى ازاماتتارىنا تۋريست رەتىندە قازاقستانعا كەلۋىنە جول اشادى.

سونىمەن بىرگە، ومان تاراپى ءوز كەزەگىندە قازاقستان رەسپۋبليكاسىنىڭ ازاماتتارى ءۇشىن ۆيزاسىز رەجىمدى ەنگىزۋدى قاراستىرىپ جاتىر.


كەلۋ قاينارى: http://www.elarna.net/koru.php?tur=3&id=1057569

پىكىرلەر:

juz dep sifirmen jazingiz.