كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211158392350 %50 %

شامالعانداعى اپاتتا زارداپ شەككەن ايەل العاش رەت سۇقبات بەردى (ۆيدەو) | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 12:45 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.شامالعانداعى اپاتتا زارداپ شەككەن ايەل العاش رەت سۇقبات بەردى (ۆيدەو) | DalaNews

شامالعانداعى اپاتتا زارداپ شەككەن ايەل العاش رەت سۇقبات بەردى (ۆيدەو)

شامالعان ستانتسياسىندا اۆتوبۋس پەن پويىز قاقتىعىسىپ، ەكى قىزىمەن اۋىر جاعدايدا اۋرۋحاناعا تۇسكەن كەلىنشەك ۇيىنە شىقتى. ول سول كۇنى باسىنان وتكەن قيىن كۇندى ەسكە الىپ، جۋرناليستەرگە العاش رەت سۇقبات بەردى، دەپ حابارلايدى Dalanews.kz Almaty.tv-گە سىلتەمە جاساپ.

زارداپ شەككەن كەلىنشەك، قوعامدىق كولىككە سيرەك مىنەتىنىن ايتادى. الايدا، نەگە ەكەنى بەلگىسىز، سول كۇنى ەكى بالاسىن ەرتىپ، اتا-اناسىنا بارماق بولعان ول قانداي دا ءبىر سەبەپتەرمەن قوعامدىق كولىككە مىنگەن. اۆتوبۋس تەمىرجول وتكەلىندە تۇرىپ قالىپ، “پويىز جاقىندادى” دەپ ەل شۋلاعاندا ايەل ساسقالاقتاپ، ەسى شىعىپ كەتكەنىن ايتادى.

– ءبىر-اق ءسات. بۇكىل جولاۋشىلار شۋلاپ كەتتى، ەسىكتى اش دەپ ءبارى ايقايلادى، جۇرگىزۋشىنىڭ دە ەسى شىعىپ كەتتى. مەن اۆتوبۋس سالونى ارتىنان العا جەتەمىن دەگەنشە، ەلدىڭ ءبارى سىرتقا شىعىپ كەتتى. ءبىز ۇلگەرمەي قالدىق. باسىندا ءبىز اۆتوبۋستىڭ ورتاسىندا وتىرعانبىز، جۇرگىزۋشى الدىمەن الدىڭعى ەسىكتى اشتى، سودان كەيىن عانا ورتاسىن اشتى. مەن ەكى بالامەن الدىڭعى ەسىكتەن شىعامىن دەپ ويلادىم. ءبىراق يتەرە-ميتەرە سىرتقا اتىلعان حالىق مەنى كەيىنگە ىسىرا بەردى، ءسويتىپ ءبىز ىشتە قالىپ قويدىق. ادامدار تاپتاپ كەتپەسىن دەپ بالالاردى جۇرگىزۋشى ارتىنداعى ورىندىققا وتىرعىزدىم، – دەيدى ەلميرا جانىبەكوۆا.

ەلميرا اۋرۋحانا توسەگىنە ءۇش اپتا تانىلعان. وعان ەكى وتە كۇردەلى وتا جاسالعان، دارىگەرلەر اياعىنان تىك تۇرعىزعان ول ءجۇرۋدى ەندى ۇيرەنىپ ءجۇر. ءقازىر ول سويلەۋگە قينالادى، قولىن دا قوزعالتا المايدى.

– قابىرعالارى ۇگىلىپ كەتكەن، ءبىراق ءبىز ونىڭ گەمو جانە پنەۆموتوراكسقا ۇلاسىپ كەتۋىنە جول بەرمەدىك. كەشە ءبىز ناۋقاستى امبۋلاتوريالىق جاعدايدا ەم الۋ ءۇشىن ۇيىنە بوساتتىق. ناۋقاستىڭ جاعدايى قاناعاتتانارلىق، ۇيىنە شىعاتىن كەزدە اياعىنان تۇرعىزدىق، ال الدىندا ول توسەككە تانىلعان بولاتىن. كەشە ۇيىنە ءوز اياعىمەن كەتتى دەپ ايتساق تا بولادى، – دەدى الماتى قالالىق № 7 كلينيكالىق اۋرۋحاناسىنىڭ تراۆماتولوگيا ءبولىمىنىڭ مەڭگەرۋشىسى رامازان اسكەروۆ.

سول اپاتتان زارداپ شەككەن ايەلدىڭ ەكى قىزى ءالى اۋرۋحانادا جاتىر. كەنجەسى ءالى كومادا، ال ۇلكەنى ەسىن جيدى. ءقازىر وعان ەم-دوم شارالارى جۇرگىزىلىپ جاتىر، ايتقانداي، ءبارى تەگىن.

“ەلميرا جانىبەكوۆا ماتەريالدىق كومەكتەن ۇمىتتىنبەيدى. وسى ۋاقىت ىشىندە وعان اكىمدىكتەن دە، اۆتوبۋس دەپوسىنان دا، قتج-دان دا ەشكىم حابارلاسپاعان. قالاي دەگەنمەن دە الاپات اپاتتان قۇداي ساقتاپ امان قالعان ايەلدىڭ ءوزى ءقازىر قىزدارى تەزىرەك ساۋىعىپ كەتسە دەپ دۇعا قىلادى، ءسويتىپ سول جانتۇرشىگەرلىك اپاتتى ۇمىتسام دەپ ارماندايدى”، – دەيدى تەلەارنا ءتىلشىسى.

تاعى وقىڭىز:

نۇر-سۇلتانعا UNWTO تۋريستىك فورۋمىنىڭ دەلەگاتتارى كەلدى


كەلۋ قاينارى: http://www.elarna.net/koru.php?tur=25&id=1057568

پىكىرلەر:

juz dep sifirmen jazingiz.