كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-171027258936 %64 %

الەۋمەتتىك بلوكتىڭ شىعىستارى ۇلعايتىلدى – ءاليحان سمايىلوۆ


ءتۇرى: قازاقپارات جاڭالىقتارى

ۋاقىتى: 12:36 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
الەۋمەتتىك بلوكتىڭ شىعىستارى ۇلعايتىلدى – ءاليحان سمايىلوۆ

نۇر-سۇلتان. قازاقپارات – قر پارلامەنتى ءماجىلىسىنىڭ جالپى وتىرىسىندا «2019-2021 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا وزگەرىستەر ەنگىزۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

«زاڭ جوباسى 2019 جىلعا ارنالعان ەلدىڭ الەۋمەتتىك-ەكونوميكالىق دامۋ بولجامىنىڭ كورسەتكىشتەرى ساقتالا وتىرىپ، قالىپتاستىرىلدى. رەسپۋبليكالىق بيۋدجەتتىڭ تۇسىمدەرى 94،9 ملرد تەڭگەگە ۇلعايتىلدى. رەسپۋبليكالىق بيۋدجەت شىعىستارىنىڭ كولەمى 94،9 ملرد تەڭگەگە ۇلعايتىلدى. رەسپۋبليكالىق بيۋدجەتتىڭ تاپشىلىعى بۇرىن بەكىتىلگەن جالپى ىشكى ءونىمنىڭ 2،1 پايىزى دەڭگەيىندە ساقتالدى»، - دەدى قر پرەمەر-مينيسترىنىڭ ءبىرىنشى ورىنباسارى-قارجى ءمينيسترى ءاليحان سمايىلوۆ.

ونىڭ سوزىنە قاراعاندا، الەۋمەتتىك سالاداعى شۇعىل قارجىلاندىرۋ ماسەلەلەرىن شەشۋ ماقساتىندا الەۋمەتتىك بلوكتىڭ شىعىستارى 6،7 ملرد تەڭگەگە ۇلعايتىلدى. شىعىستاردى قايتا ءبولۋدى ەسكەرە وتىرىپ، قوسىمشا قاراجات اتاۋلى الەۋمەتتىك كومەكتى تولەۋگە، مەديتسينالىق كومەك كورسەتۋگە جانە دەنساۋلىق ساقتاۋ نىساندارىنىڭ قۇرىلىسىن جالعاستىرۋعا باعىتتالدى.

سونىمەن قاتار، ناقتى سەكتوردىڭ شىعىستارى 15،6 ملرد تەڭگەگە ءوستى. بيۋدجەتتىك باعدارلامالار اكىمشىلەرى ۇسىنعان قاراجاتتى قايتا ءبولۋدى ەسكەرە وتىرىپ، ونەركاسىپتى قولداۋعا، قازاقستان تۇرعىن ءۇي قۇرىلىس جيناق بانكىنىڭ سالىمشىلارىنا تۇرعىن ءۇي قارىزدارىن بەرۋگە قوسىمشا شىعىستار كوزدەلدى.

بۇدان باسقا، زاڭ جوباسىن دايىنداۋ كەزىندە جەكەلەگەن مەملەكەتتىك ورگانداردى قايتا ۇيىمداستىرۋىن ەسكەرە وتىرىپ، شىعىستاردى تۇزەتۋ قامتىلعان. مۇنىمەن قوسا، ازاماتتىق قىزمەتشىلەردىڭ ەڭبەكاقىسىن ارتتىرۋعا، جىلۋ ەنەرگەتيكاسى مەن كولىك ينفراقۇرىلىمىن دامىتۋعا، «نۇرلى جەر» باعدارلاماسى شەڭبەرىندە تۇرعىن ءۇي جانە ينجەنەرلىك-كوممۋنيكاتسيالىق ينفراقۇرىلىم سالۋعا ناقتى قاجەتتىلىگىن ەسكەرە وتىرىپ، وڭىرلەر اراسىندا قاراجات قايتا ءبولۋ ەسكەرىلگەن.


كەلۋ قاينارى: http://www.elarna.net/koru.php?tur=3&id=1057562

پىكىرلەر:

juz dep sifirmen jazingiz.