كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22227113423 %77 %

«GGG» ءداۋىرى اياقتالدى ما - الەمدىك بوكس ساراپشىلارىنىڭ پىكىرى


ءتۇرى: قازاقپارات جاڭالىقتارى

ۋاقىتى: 12:21 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
«GGG» ءداۋىرى اياقتالدى ما - الەمدىك بوكس ساراپشىلارىنىڭ پىكىرى

نۇر-سۇلتان. قازاقپارات – ورتا سالماقتا IBF جانە IBO تۇجىرىمى بويىنشا الەم چەمپيونى اتانعان قازاقستاندىق بوكسشى گەننادي گولوۆكين (40-1-1، 35 كو) مەن ۋكراينالىق سەرگەي دەرەۆيانچەنكونىڭ (13-1، 10 كو) جەكپە-جەگى، اسىرەسە كەزدەسۋدىڭ ناتيجەسى بوكس الەمىندە ۇلكەن پىكىرتالاس تۋدىردى.

ۇقساس جاڭالىقتار
دەرەۆيانچەنكو گەننادي گولوۆكينمەن رەۆانشتىڭ باستى شارتىن اتادى بوكستان الەم چەمپيوناتى: ميلانا سافرونوۆا شيرەك فينالعا شىقتى الەم چەمپيونى تيتۋلدارىن جەڭىپ العان گولوۆكين رەيتينگتە تومەن سىرعىدى

ايتا كەتەيىك، گەننادي گولوۆكين 6 قازان كۇنى ورتا سالماقتا IBF جانە IBO چەمپيوندىق بەلدىكتەرىن ساراپقا سالىپ، تورەشىلەر شەشىمىمەن (114-113، 115-112، 115-112) جەڭىسكە جەتكەن بولاتىن. الايدا قازاقستاندىق بوكسشى جەكپە-جەكتە وزىنە كوپ سوققى وتكىزىپ، بۇرىنعىداي قارسىلاسىن ايقىن باسىمدىقپەن جەڭە الماعانى انىق بايقالدى. جالپى گولوۆكين سپورتتىق مانسابىندا ەڭ قيىن جەكپە-جەك وتكىزگەنىن مويىندادى. سونداي-اق «GGG» سەرگەي دەرەۆيانچەنكو قۇرمەتكە لايىق قارسىلاس ەكەنىن دە ايتتى.

بۇرىنعىداي ايقىن باسىمدىق جوق

Boxingscene پورتالىنىڭ سپورت ءتىلشىسى جانە كوممەنتاتور كوري ەردمان گولوۆكين-دەرەۆيانچەنكو جەكپە-جەگىنەن كەيىن قازاقستاندىق بوكسشى ايقىن باسىمدىقپەن جەڭىسكە جەتە المادى دەپ سانايدى.

ونىڭ پىكىرىنشە، گەننادي گولوۆكين العاشقى راۋندتاردان كەيىن باسىمدىق كورسەتە الماي، وزىنە كوپ سوققى دارىتىپ الدى. قازاقستاندىق 12 راۋندقا دەيىن بوكستاسقانىمەن، شابۋىلى جانە اۋىر سوققىلارى بۇرىنعى كەزدەسۋلەرىنە قاراعاندا ەداۋىر ازايعان.

«ارينە، بۇل جەردە قارسىلاستىڭ الەۋەتى دە جوعارى بولدى. گولوۆكيننىڭ بىرنەشە جىل بۇرىنعى فيزيكالىق جاعدايى جاقسىراق ەدى. ەگەر دەرەۆيانچەنكو گولوۆكينمەن دەنيەل دجەيكوبس جانە ساۋل الۆارەستەن بۇرىن جۇدىرىقتاسسا، ونىڭ ەڭ مىقتى قارسىلاسى بولارى انىق. سەبەبى ول - ورتا سالماقتاعى ەڭ مىقتى بوكسشىلاردىڭ ءبىرى»،- دەدى كوري ەردمان.

جاڭا تاكتيكا شابۋىلعا اسەر ەتتى

گەننادي گولوۆكين جاتتىقتىرۋشىسى دجوناتون بەنكس بۇل جەكپە-جەكتە قورعانىسقا كوڭىل بولگەنىن ايتادى. سوندىقتان CompuBox (Computerized punches scoring system) ستاتيستيكاسىنان «GGG» قارسىلاسقا باعىتتاعان دجەب (Jab) سانى ايتارلىقتاي ازايعانىن بايقاي الامىز.

سالىستىراتىن بولساق، گولوۆكين - «كانەلو» رەماتچىندا قازاقستاندىق بوكسشى قارسىلاسقا 547 دجەب سوققىسىن باعىتتاعان بولاتىن. ال دەرەۆيانچەنكوعا قارسى جەكپە-جەكتە گولوۆكين 406 دجەب باعىتتاپ، ء107-سىن ءدال تيگىزگەن.

جەكپە-جەكتىڭ قازاقستاندىق بوكسشىعا اۋىر تيگەنىنىڭ ءبىر سەبەبى - قارسىلاستىڭ ىشكە جانە باسقا باعىتتاعان اۋىر سوققىلارىنىڭ كوپتىگى. اۋىر سوققى گولوۆكيننىڭ فيزيكالىق كۇشىنە جانە جىلدامدىعىنا ايتارلىقتاي اسەر ەتتى.

CompuBox ستاتيستيكاسى كورسەتكەندەي، «GGG» 12 راۋندتا 314 اۋىر سوققى باعىتتاپ، 136 سوققىنى ءدال تيگىزدى. ال قارسىلاسى 472 اۋىر سوققى باعىتتاپ، ونىڭ ء183-ىن دارىتا بىلگەن. بۇعان دەيىن گولوۆكين ەشبىر قارسىلاسىنان ونداي اۋىر سوققىلار الماعان ەدى.

گولوۆكين قارتايعانداي كورىندى...

گولوۆكين - دەرەۆيانچەنكو جەكپە-جەگىنەن كەيىن تانىمال بوكسشىلار بەلدەسۋ تۋرالى ءوز ويلارىمەن ءبولىستى.

«37 جاسقا كەلگەن گولوۆكين قارتايعانداي كورىندى. ول العاشقى راۋندتاردا جاقسى بوكستاسقانىمەن، دەرەۆيانچەنكو 5-راۋندتان باستاپ كۇش الا باستادى. اسىرەسە وسى راۋندتا ول گولوۆكيننىڭ ىشىنە اۋىر سوققى جاسادى. وسىدان كەيىن GGG شارشاپ قالدى. دەرەۆيانچەنكو جەڭىسكە جەتە الماسا دا تاماشا ونەر كورسەتتى، ەندى ونىڭ تابىسى ايتارلىقتاي جوعارىلايدى»، - دەيدى 2013 جىلى گولوۆكيننەن جەڭىلگەن اعىلشىن بوكسشىسى مەتتيۋ ماكلين (35-6، 22كو).

جەڭىل سالماقتا WBC تۇجىرىمى بويىنشا الەم چەمپيونى دەۆين حانەيدىڭ (23-0،15كو) ايتۋىنشا، جەكپە-جەكتە تەڭ ناتيجە تىركەلۋ كەرەك ەدى.

«گولوۆكيننىڭ جەكپە-جەگىنە كوڭىلىم تولمادى. بۇعان دەيىن ول دەرەۆيانچەنكونى جەكپە-جەكتىڭ ەكىنشى جارتىسىندا نوكاۋتقا جىبەرەدى دەپ توپشىلاعان ەدىم. مەنىڭ ويىمشا، ولار تەڭ ءتۇستى. ول ەندى الۆارەستى جەڭە المايدى»، - دەدى امەريكالىق بوكسشى.

اۋىر سالماقتاعى امەريكالىق بوكسشى دجاررەلل ميللەر دەرەۆيانچەنكو جەڭىسكە جەتتى دەپ سانايتىنىن جاسىرمادى. ونىڭ پىكىرىنشە، گولوۆكينگە قاراعاندا قارسىلاسى كوبىرەك بەلسەندى بولدى.

«GGG» ءداۋىرى اياقتالدى ما؟

گەننادي گولوۆكين 37 جاستا. بوكس سپورتى ءۇشىن جاس ماڭىزدى ءرول اتقاراتىنى بەلگىلى. ودان بولەك، «GGG»-دىڭ كاسىپقوي مانسابىندا ەڭ مىقتى قارسىلاستار سوڭعى بىرنەشە جىلدا پايدا بولدى. ۇزاق جىلدار بويى ورتا سالماقتا ۇستەمدىك ەتۋى وعان تاكتيكا جانە تاجىريبەلىك تۇرعىدان وسۋىنە كەدەرگى كەلتىردى. سول سەبەپتى دەنيەل دجەيكوبس جانە ساۋل الۆارەس ونىڭ بوكستاسۋ مانەرىن، ءتىپتى كەمشىل تۇستارىن تابا ءبىلدى.

گولوۆكين – دجەيكوبس كەزدەسۋىندە قازاقستاندىق بوكسشى سپورتتىق مانسابىندا العاش رەت 12 راۋند بوكستاستى. جەكپە-جەكتە «GGG»-دىڭ وسال تۇستارى اشىلا باستادى.

ال مەكسيكالىق ساۋل الۆارەسپەن بولعان العاشقى جەكپە-جەكتە گولوۆكين ءوزىنىڭ جويقىن شابۋىلىمەن چەمپيوندىق اتاقتارىن ءساتتى قورعاپ قالدى. الايدا ەكىنشى كەزدەسۋدە جاس بوكسشىنىڭ تاكتيكالىق جاقتان وسكەنى، ال گولوۆكيننىڭ بوكستاسۋ مانەرى وزگەرىسسىز قالعانى بايقالدى. سوققى جاعىنان الدا بولسا دا، الۆارەستىڭ بەلسەندىلىگى مەن ۇتىمدى تاكتيكاسى تورەشىلەردىڭ شەشىمىنە اسەر ەتكەن سىڭايلى.

ء

ۇش جەكپە-جەكتە دە گولوۆكين كوپ سوققى وتكىزىپ الدى. جاس فاكتورى ەندى وعان تاكتيكالىق جاقتان وسۋىنە مۇمكىندىك بەرمەيدى.

وبەكتيۆتى سەبەپتەرگە بايلانىستى گولوۆكيننىڭ سپورتتىق مانسابى سوڭعى كەزەڭدەرىنە كەلىپ جەتتى. سوندىقتان، ساراپشىلاردىڭ پىكىرىنشە، وعان الۆارەسپەن ءۇشىنشى جەكپە-جەك وتكىزۋگە قاراعاندا، دەمەتريۋس اندرادە (28-0،17كو) جانە بيللي دجو سوندەرس (28-0،13كو) سىندى چەمپيونداردىڭ بەلدىگىن جەڭىپ، بوكس تاريحىنداعى ءوز ەسىمىن التىن ارىپپەن جازىپ كەتكەنى كوبىرەك ءتيىمدى بولار ەدى.


كەلۋ قاينارى: http://www.elarna.net/koru.php?tur=3&id=1057553

پىكىرلەر:

juz dep sifirmen jazingiz.