كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

ءماجىلىس ءتوراعاسى ەلىمىزدەگى قاعازباستىلىق پەن بيۋروكراتيانى سىنعا الدى


ءتۇرى: قازاقپارات جاڭالىقتارى

ۋاقىتى: 12:18 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – قر پارلامەنتى ءماجىلىسىنىڭ ءتوراعاسى نۇرلان نىعماتۋلين باعدارلامالاردىڭ ورىندالۋىنا بايلانىستى ءتيىستى مەمورگانداردىڭ جاۋاپكەرشىلىگىن ارتتىرۋ ماسەلەسىن كوتەردى، دەپ حابارلايدى قازاقپارات ءتىلشىسى.

ايتا كەتەيىك، بۇگىن پارلامەنت ءماجىلىسىنىڭ جالپى وتىرىسىندا «2019-2021 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا وزگەرىستەر ەنگىزۋ تۋرالى» زاڭ جوباسىن تالقىلاۋ كەزىندە «جاس مامان» جوباسىنىڭ ورىندالۋى بارىسىنا نازار اۋداردى.

ن. نىعماتۋلين جىل باسىندا، ياعني جاستار جىلىنىڭ اشىلۋى راسىمىندە ەلباسى «جاس مامان» باعدارلاماسىن دايىنداۋ ءۇشىن ۇكىمەتكە ءتيىستى تاپسىرمالار بەرگەنىن ەسكە سالدى. الايدا وسى باعىتتاعى قاجەتتى شارالار ىسكە اسىرىلماعان.

وسى ورايدا، ءماجىلىس ءتوراعاسى قۇجاتتى دايىنداۋ مەن كەلىسۋدىڭ ۇزاق راسىمدەرىن سىنعا الدى.

«تاپسىرمانى ورىنداماۋدىڭ سەبەبىنىڭ ءوزى نارازىلىق تۋدىرادى، ياعني بۇل جاعداي باعدارلامانى جۇزەگە اسىرۋ ءتارتىبىن دايىنداۋ مەن كەلىسۋ كەزىندەگى جاي عانا قاعازباستىلىقپەن ءتۇسىندىرىلىپ وتىر. ءبىر قۇجاتتى كەلىسۋ شارالارىنا 9 اي مەرزىم جۇمسالعان. ءبىر عانا بۇيرىقتى دايىنداۋعا وسىنشاما ۋاقىت كەتتى. مەنىڭ ويىمشا، بۇل جايت جاستاردىڭ مۇددەسىن قامتيتىن ماڭىزدى باعدارلامانى جۇزەگە اسىرۋ كەزىنە بيۋروكراتيالىق اۋرە-سارساڭنىڭ جارقىن ۇلگىسىن كورسەتىپ وتىر. «جاستار جىلى» بولسا اياقتالۋعا تاياپ قالعاندا، سىزدەر ەندى عانا ويانىپ جاتىرسىزدار»، - دەدى نۇرلان نىعماتۋلين.


كەلۋ قاينارى: http://www.elarna.net/koru.php?tur=3&id=1057551

پىكىرلەر:

juz dep sifirmen jazingiz.