كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

جۇلدىز جورامال: بالانى سپورتتىڭ قاي تۇرىنە بەرۋگە بولادى؟ #2 ءبىز ءسىزدى جارقىن الەمگە جەتەلەيمىز! بىزگە قوسىل


ءتۇرى: ماسساگەت ماقالالارى

ۋاقىتى: 12:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version. جۇلدىز جورامال: بالانى سپورتتىڭ قاي تۇرىنە بەرۋگە بولادى؟ #2 ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


جۇلدىز جورامال: بالانى سپورتتىڭ قاي تۇرىنە بەرۋگە بولادى؟ #2

سپورتتىڭ ادام ومىرىنە پايداسى مول ەكەنىن بىلەمىز. سپورتقا دەگەن قىزىعۋشىلىقتى بالا بويىنا كىشكەنتاي كەزىنەن باستاپ سىڭىرگەن ءجون. بالانى سپورتتىڭ قانداي دا ءبىر تۇرىنە بەرەردە اتا-انا بىرنەشە ماسەلەلەرگە تاپ بولادى: بالانىڭ قالاۋى، سەكتسياعا كەتەتىن شىعىن جانە جول ماسەلەلەرى بىر-بىرىنە ساي كەلمەۋى مۇمكىن. ال بالالار جۇلدىز جورامالى نە دەيدى؟ جۇلدىز جورامال ارقىلى بالاڭىزداعى ءسىز بىلمەيتىن قابىلەتىن كورۋىڭىز نەمەسە بالاعا ءسىز تاڭداعان سپورت ءتۇرى نە ءۇشىن ۇنامايتىنىن ءتۇسىنۋىڭىز مۇمكىن.

باسى

بيكەش: مانەرلەپ سىرعاناۋ

تابيعاتىنان ۇقىپتى بيكەشتەر جاراقات الاتىن سپورت تۇرلەرىنە جولاماۋعا تىرىسادى. ولارعا فۋتبول، ۆولەيبول نەمەسە باسكەتبول سەكىلدى كوماندالىق سپورت تۇرلەرى كەلمەيدى. جەكپە-جەك سياقتى سپورت تۇرلەرى دە بيكەشتەرگە ۇنامايدى، سەبەبى ولار قانداي جاعدايدا بولماسىن بىرەۋگە كۇش جۇمساۋدى قولدامايدى.

ۆەلوسيپەد سپورتى، شاڭعى، شاحمات، مانەرلەپ سىرعاناۋ جانە گيمناستيكا – بۇلاردىڭ بارلىعى بيكەشتەرگە ساي كەلەتىن سپورت تۇرلەرى. سونداي-اق، بيكەش بالالار ۇلكەن تەننيستە جانە گولفتە وزدەرىن جاقسى كورسەتەدى.

بيكەشتەر ءۇشىن ماقتاۋ ەستۋدىڭ ماڭىزى زور: بيكەشتەردىڭ كوپشىلىگى "ۇزدىك وقۋشى سيندرومىمەن" قينالادى. ولار ءۇشىن قانداي دا ءبىر ءىستىڭ ءوزى ەمەس، ناتيجەسى قالاي باعالاناتىنى ماڭىزدى. سوندىقتان بيكەشتەر جاتتىعۋ زالىنا ءبىرىنشى كەلىپ، ەڭ سوڭعى كەتەتىندەردىڭ قاتارىندا بولادى.

تارازى: جىلدامدىقتى جاقسى كورەدى

تارازىلار ومىردە جەكە جايلىلىقتى اسا باعالايدى. ونىڭ ۇستىنە تارازى بالالار جالقاۋ كەلەدى جانە فيزيكالىق جۇكتەمەنى ناشار كوتەرەدى، سوندىقتان سپورتتى حوببي رەتىندە وتە سيرەك تاڭدايدى.

بۇل بالالار جىلدامدىقتى جاقسى كورەدى. ولار كولىكتە وتىرعاندى، اتا-اناسىنىڭ كولىك ايداعانىنا قاراعاندى ۇناتادى جانە جاقسى جارىسۋشى بولىپ ءوسۋى مۇمكىن.

ەگەر بالالار توبىندا (مىسالى، بالاباقشا، مەكتەپ) ەرەسەك ادام ودان باسقالارىنىڭ ءبارىن ماقتاسا، ونى تارازى بالا اۋىر قابىلدايدى. تارازىلار وزىنە ايتىلعان سىندى نەمەسە ودان باسقالارعا ايتىلعان قولداۋدى اۋىر سەزىنەدى. ەگەر بالاڭىز كەنەتتەن فيزيكالىق بەلسەندى (تاڭەرتەڭ جۇگىرۋ نەمەسە قوسىمشا ساباققا بارۋ) بولا باستاسا، بۇل وعان بىرەۋ جاعىمسىز بىردەڭە ايتقانىن نەمەسە باسقانى ۇلگى ەتىپ قويعانىن بىلدىرەدى.

مۇنداي ۋاقىتتا اتا-انا وعان جان-جاقتى قولداۋ كورسەتۋى كەرەك: جۇگىرگىسى كەلسە – جۇگىرسىن، بيلەگىسى كەلسە – بيلەسىن. ول ءۇشىن ماڭىزدى جارىستار مەن كەشتەرگە بارىڭىز، بالاڭىزدى ماقتاڭىز.

سارىشايان: بيىكتىكتەن قورىقپايدى

سارىشايانداردان اتلەتتەر سيرەك شىعادى: ولار ءبىر عانا نارسەمەن شۇعىلدانۋدان تەز جالىعادى. ال ترياتلون مەن بەسسايىستا ولار وزدەرىن جاقسى كورسەتەدى. سارىشاياندار تابيعي "قاتالدىعىن" سەمسەرلەسۋ، اتۋ جانە جارىسۋدا، ال اقىلىن شاحمات ويناۋدا جاقسى پايدالانادى.

بۇل جۇلدىز بەلگىسى سۋ ستيحياسىنا جاتسا دا، ولار سۋداعى سپورت تۇرلەرىن سيرەك تاڭدايدى. ولار ەنەرگياسىن جەرگە جىبەرگەندى ۇناتادى. سارىشاياندار تاۋعا شىققاندى جانە ەكستريمالدىق ءتۋريزمدى جاقسى كورەدى. ولار بيىكتىكتەن قورىقپايدى.

سارىشاياندارعا جاتتىقتىرۋشىمەن جانە مۇعالىممەن جاقسى قارىم-قاتىناستا بولۋ قيىنعا سوعادى. ەگەر سارىشايان بالا ەرەسەك ادامنىڭ بەدەلىن مويىنداسا، ونىڭ ارتىنان ەرىپ، ونىڭ ءار قيمىلىن قايتالايدى. ءبىراق ەگەر سارىشايان بالا مۇعالىمىنەن ءتانتى بولارداي ەشتەڭە بايقاماسا، ول ءبىر گرامم بولسىن سىيلاستىق بىلدىرمەيدى. سارىشايان بالانىڭ تابيعاتى مىناداي: ول بىرەۋگە تەك جاسىنا نەمەسە قوعامداعى ورنىنا بولا باعىنا نەمەسە سىيلاي المايدى.

مەرگەن: ات سپورتى

مەرگەن بالالار بەلسەندى دەمالىستى جاقسى كورەدى. ولاردىڭ باستى ەكى قۇمارلىعى بار: جىلدامدىق جانە جارىسۋ. ولار ۇنەمى، كەز كەلگەن جەردە جانە بارلىعىمەن جارىسادى. بۇل جاعىنان ولار ارىستاندارعا ۇقسايدى.

مەرگەندەر كىشكەنتاي كەزىنەن سپورتپەن بەلسەندى اينالىسادى. ونىڭ ۇستىنە، ەكسترەمالدى جاتتىعۋدى تاڭدايدى. ولاردىڭ جانىنا ۆەلوكروسس، الپينيزم، شاڭعى، ءجۇزۋ، سەمسەرلەسۋ جانە پاراشيۋت سپورتى جاقىن.

بالاڭىزدىڭ دەنساۋلىعىن ويلاپ، ۋايىمداساڭىز دا، ونى شەكتەۋدىڭ قاجەتى جوق. سەبەبى ءسىز قالاساڭىز دا، قالاماساڭىز دا، ولار ويلاعان ىسىمەن اينالىسۋدىڭ امالىن تابادى. ودان دا وعان قولداۋ ءبىلدىرىڭىز جانە سپورتتىڭ قانداي دا ءبىر ءتۇرى تۋرالى اقپارات بەرىڭىز، مۇمكىن تاۋەكەلدەر جايلى ايتىڭىز. مەرگەن بالالار باتىل كەلەدى، سوندىقتان ونىڭ وزىنە دەگەن سەنىمىن جوعالتپاعان ءجون.

مەرگەن بالالار اتتاردى ەرەكشە جاقسى كورەدى. سوندىقتان ولار ات سپورتىمەن شۇعىلدانعاندى ۇناتادى.

تاۋەشكى: كوماندالىق سپورت تۇرلەرى

تاۋەشكى بالالار وزدەرىن كوماندالىق سپورت تۇرلەرىندە (ۆولەيبول، باسكەتبول، فۋتبول) جاقسى سەزىنەدى. ولار جەڭىل اتلەتيكا مەن اتۋ سپورتىندا دا جاقسى ناتيجەگە جەتەدى. ال قان تامىرلارعا كۇش تۇسەتىن سپورت تۇرلەرىنەن ساق بولۋ كەرەك.

تاۋەشكىلەر جاياۋ تۋريزمگە جانە الپينيزمگە جاقسى قارايدى. سونداي-اق، ولار ساياجايدا وزدەرىن جاقسى سەزىنەدى. اسىرەسە، شارباق بوياۋ جانە جۇيەك قازۋ سەكىلدى ىستەرمەن اينالىسۋ ارقىلى ولاردىڭ جان دۇنيەسىندە تىنىشتىق ورنايدى.

سۋقۇيعىش: باتۋتتا سەكىرۋ

سۋقۇيعىش بالالار تەمپەرامەنتى بويىنشا ەكى تيپكە بولىنەدى. ءبىرىنشى توپتاعى بالالار تىنىش ۋاقىت وتكىزگەندى جاقسى كورەدى جانە ونەردى باعالايدى: بيلەۋ، سۋرەت سالۋ، ءان ايتۋ نەمەسە مۋزىكالىق اسپاپتاردا ويناۋ. ولار پوەزيانى جاقسى كورەدى، كوپ وقىعاندى جانە ۇستەل ويىندارىن ويناعاندى ۇناتادى.

ەكىنشى توپتىڭ بالالارى – بەلسەندى بالالار. مۇنداي سۋقۇيعىشتار اينالاسىنا وزىنە ۇقسايتىن ادامداردى جيناپ الىپ، ءۇيىنىڭ توڭىرەگىن زەرتتەپ، تاجىريبەلەر جۇرگىزەدى. بۇل بالالار ساعاتتاپ بىردەڭە ىزدەيدى، قازادى، جوندەيدى، ورتەيدى، كەسەدى جانە بولىكتەرگە بولەدى ت.ب.

بۇل جۇلدىز بەلگىسى بالالارى بەلسەندى بولعاندىقتان ءجيى سپورتتىڭ ءقاۋىپتى تۇرلەرىن تاڭدايدى. ءبىراق سۋقۇيعىشتى جەكە قاۋىپسىزدىگىن باعالاۋدى ۇيرەتەتىن ادام تابىلسا، بۇل جاعداي بىردەن وزگەرەدى.

بۇل كىشكەنتاي سپورتشىلار وزدەرىن جاقسى سەزىنۋ ءۇشىن ولاردى ۇلكەن تەننيس، بياتلون، بادمينتون، سپورتتىق گيمناستيكا جانە باتۋتتا سەكىرۋگە بەرۋگە بولادى. سونداي-اق ولار سۋدى جاقسى كورەدى، سوندىقتان جۇزۋگە دە قاتىستىرۋعا بولادى.

بالىقتار: سۋداعى سپورت تۇرلەرى

بۇل بالالالاردىڭ سۋدى جاقسى كورەتىنى سونشالىق، ناتيجەسى دە ۇزاق كۇتتىرمەيدى. ءجۇزۋ، مانەرلەر ءجۇزۋ، سۋ پولوسى، سۋعا سەكىرۋ، سەرفينگ – مۇنىڭ بارلىعى بالىقتارعا ارنالعان سپورت تۇرلەرى.

بالىقتار ليدەرى بار (ول كاپيتان نەمەسە جاتتىقتىرۋشىسى بولۋى مۇمكىن) جەردە ءوزىن جاقسى سەزىنەدى. سەبەبى ولار وزدىگىنشە شەشىم قابىلداعاندى ۇناتا بەرمەيدى.

قاتالدىق پەن قۇمارلىق بۇل جۇلدىز بەلگىسىنە ءتان ەمەس. ەگەر بالاڭىز بالىق بولسا جانە ونىڭ جەڭىمپاز بولعانىن قالاساڭىز، ونى تاربيەلەۋدە قاتال بولماڭىز. ونى قيناپ، ۇنەمى باسقالارمەن سالىستىرۋ ارقىلى ونىڭ ءوزىن-وزى باعالاۋىن ءتۇسىرىپ الاسىز.



كەلۋ قاينارى: http://www.elarna.net/koru.php?tur=41&id=1057545

پىكىرلەر:

juz dep sifirmen jazingiz.